2025ലെ വമ്പൻ മാറ്റങ്ങൾ: യു.പി.ഐ, ക്രെഡിറ്റ് കാർഡ്, എഫ്.ഡി തുടങ്ങിയ മേഖലകളിൽ പുതിയ മാറ്റം

ലോകം പുതു വർഷത്തെ വരവേൽക്കാൻ ഒരുങ്ങുന്നു. സാമ്പത്തിക രം​ഗത്ത് ഏറെ മാറ്റങ്ങൾ സൃഷ്ടിച്ച വർഷമാണ് കടന്നു പോയത്. പല ക്രെഡിറ്റ് കാർഡ് നിയമങ്ങളിലും മാറ്റം വന്നിരുന്നു. ഒപ്പം ബാങ്കിം​ഗ് രം​ഗത്തും വലിയ മാറ്റങ്ങൾ വന്നു. സാമ്പത്തിക രം​ഗം കൂടുതൽ വളർന്നു. 2025ലെത്തുമ്പോൾ ഫിക്സഡ് ഡിപ്പോസിറ്റ് നിയമങ്ങൾ, ക്രെഡിറ്റ് കാർഡ് ആനുകൂല്യങ്ങൾ, വിസ നിയന്ത്രണങ്ങൾ എന്നീ മേഖലകളിൽ പുതിയ മാറ്റങ്ങൾ കൊണ്ടുവരുന്നു.

ഈ മാറ്റങ്ങളെ കുറിച്ച് അറിയാതിരിക്കരുത്. ഇവ 2025ലെ സുപ്രധാന മാറ്റങ്ങളാണ്. ഓരോ മാറ്റങ്ങളെ കുറിച്ചും വിശദമായി അറിയാം.

1. സ്ഥിര നിക്ഷേപം അഥവാ എഫ്.ഡിയിലെ മാറ്റങ്ങൾ

നോൺ ബാങ്കിംഗ് ഫിനാൻഷ്യൽ കമ്പനികൾക്കും ഹൗസിംഗ് ഫിനാൻസ് സ്ഥാപനങ്ങൾക്കുമുള്ള ഫിക്സഡ് ഡെപ്പോസിറ്റ് നിയമങ്ങളിൽ റിസർവ് ബാങ്ക് ഓഫ് ഇന്ത്യ (ആർ.ബി.ഐ) മാറ്റം വരുത്തി. പുതിയ എഫ്.ഡി നിയമങ്ങൾ 2025 ജനുവരിയിൽ പ്രാബല്യത്തിൽ വരും. പൊതുനിക്ഷേപങ്ങൾ സ്വീകരിക്കുക, വളരെ കുറഞ്ഞ ശതമാന‌ത്തിൽ ലിക്വിഡ് ആസ്തികൾ നിലനിർത്തുക, പൊതുനിക്ഷേപങ്ങൾ തിരിച്ചടയ്ക്കുക തുടങ്ങിയ നിബന്ധനകളാണ് ആർ.ബി.ഐ മുന്നോട്ട് വെച്ച മാർഗനിർദ്ദേശങ്ങൾ.

2. 2025-ൽ വിസ മാറ്റങ്ങൾ വരുന്നു....

ഇത് 2025ലെ സുപ്രധാന മാറ്റങ്ങളിലൊന്നാണ്. തായ്‌ലൻഡ്, യുണൈറ്റഡ് സ്റ്റേറ്റ്സ്, യുണൈറ്റഡ് കിംഗ്ഡം തുടങ്ങിയ രാജ്യങ്ങളിൽ വിസയ്ക്ക് അപേക്ഷിക്കാൻ ആഗ്രഹിക്കുന്ന ഇന്ത്യക്കാർ അടുത്ത വർഷം പ്രാബല്യത്തിൽ വരുന്ന വിസ മാർഗ്ഗനിർദ്ദേശങ്ങളുടെ പുതിയ അപ്‌ഡേറ്റുകളെക്കുറിച്ച് അറിഞ്ഞിരിക്കണം. ഇത് നിങ്ങളുടെ യാത്ര സുഖമമാക്കും.

3. റൂപേ ക്രെഡിറ്റ് കാർഡ് ഹോൾഡേഴ്സ് ലോഞ്ച് ആക്സസ് പോളിസി

റുപേ ക്രെഡിറ്റ് കാർഡ് ഉടമകൾക്കായി നാഷണൽ പേയ്‌മെൻ്റ് കോർപ്പറേഷൻ ഓഫ് ഇന്ത്യ (എൻ.സി.പി) അപ്‌ഡേറ്റ് ചെയ്‌ത മാർഗ്ഗനിർദ്ദേശങ്ങൾ 2025 ജനുവരി 1 മുതൽ പ്രാബല്യത്തിൽ വരും. പുതുക്കിയ നയം അനുസരിച്ച് എക്സ്ക്ലൂസീവ് എയർപോർട്ട് ലോഞ്ച് ആക്‌സസിനായി ടയർ അടിസ്ഥാനമാക്കിയുള്ള ചെലവ് മാനദണ്ഡം അവതരിപ്പിക്കും. ഇത് നിങ്ങളുടെ ആനുകൂല്യങ്ങൾ മനസിലാക്കാൻ സഹായിക്കും.

4. സെൻസെക്സ്, ബാങ്കെക്സ്, സെൻസെക്സ് 50

സെൻസെക്‌സ്, ബാങ്കെക്‌സ്, സെൻസെക്‌സ് 50 തുടങ്ങിയ സൂചിക കരാറുകളുടെ കാലഹരണപ്പെടുന്ന ദിവസങ്ങൾ 2025 ജനുവരി 1 മുതൽ പരിഷ്‌കരിക്കും. നവംബർ 28-ലെ ബി.എസ്.ഇയുടെ പ്രഖ്യാപനം അനുസരിച്ച്, സെൻസെക്‌സിൻ്റെ പ്രതിവാര കരാറുകൾ 2025 ജനുവരി 1 മുതൽ എല്ലാ ആഴ്‌ചയും വെള്ളിയാഴ്ച മുതൽ എല്ലാ ആഴ്‌ചയിലെയും ചൊവ്വാഴ്ച കാലഹരണപ്പെടും.

5. എംപ്ലോയീസ് പ്രൊവിഡൻ്റ് ഫണ്ട് ഓർഗനൈസേഷൻ (ഇ.പി.എഫ്.ഒ)

ഇ.പി.എഫ്.ഒയുടെ ഐടി നവീകരണ പദ്ധതിയായ CITES 2.01 ൻ്റെ ഭാഗമായി നടപ്പിലാക്കുന്ന പദ്ധതിയാണ് CPPS. ഇത് 2025 ജനുവരി 1 മുതൽ പ്രവർത്തനക്ഷമമാകും. ഇത് 2025ലെ ഏറ്റവും വലിയ മാറ്റങ്ങളിലൊന്നാവും. പെൻഷനുമായി ബന്ധപ്പെട്ട പദ്ധതിയാണ് CPPS.

6. യു.പി.ഐ പേയ്‌മെൻ്റ്

ആർ.ബി.ഐ നിർദ്ദേശ പ്രകാരം തേർഡ് പാർട്ടി യു.പി.ഐ ആപ്പുകളിലൂടെ മുഴുവൻ കെവൈസി പി.പി.ഐകൾക്കായി യു.പി.ഐ പേയ്‌മെൻ്റുകൾ പ്രവർത്തനക്ഷമമാക്കും. ഇത് 2025 ജനുവരി 1 മുതൽ പ്രാബല്യത്തിൽ വരും. ഈ നീക്കം ഉപഭോക്താക്കൾക്ക് അവരുടെ ഇടപാടുകൾ കൂടുതൽ മികച്ചതാക്കാൻ സഹായിക്കും.

ഈ 6 മാറ്റങ്ങൾ 2025ലെ സുപ്രധാന നീക്കമാണ്. സാമ്പത്തിക രം​ഗത്ത് കൂടുതൽ സുരക്ഷിതത്വം ഉറപ്പാക്കുകയും എന്നാൽ ഉപഭോക്താക്കൾക്ക് എളുപ്പത്തിൽ ഇടപാടുകൾ നടത്താവുന്നതുമായ മാറ്റങ്ങളാണ് ഇവയെല്ലാം.