444 ദിവസം കൊണ്ട് വലിയ നേട്ടം: ഏത് ബാങ്ക് ഈ പ്രത്യേക സ്കീമിൽ ഉയർന്ന വരുമാനം നൽകുന്നത്?

ദീർഘകാല എഫ്ഡികൾ പോലെ പ്രത്യേക കാലത്തേക്കുള്ള സ്ഥിര നിക്ഷേപങ്ങളോടും ആളുകൾക്ക് താത്പര്യമുണ്ട്. കാരണം, അത്തരം നിക്ഷേപങ്ങൾക്ക് താരതമ്യേന ഉയർന്ന പലിശ നിരക്ക് വാ​ഗ്ദാനം ചെയ്തേക്കാം. നിങ്ങൾ സുരക്ഷിത നിക്ഷേപം ആ​ഗ്രഹിക്കുന്നവരാണെങ്കിൽ എഫ്ഡി അഥവാ സ്ഥിരനിക്ഷേപം ഒരു മികച്ച തിരഞ്ഞെടുപ്പ് തന്നെയാണ്. നിലവിൽ നിരവധി ബാങ്കുകൾ പ്രത്യേക എഫ്ഡി സ്കീമുകൾ ഉറപ്പാക്കുന്നുണ്ട്. അതിൽ 444 ദിവസത്തെ പ്രത്യേക എഫ്ഡി വാ​ഗ്ദാനം ചെയ്യുന്ന പദ്ധതികളുമുണ്ട്.

സ്റ്റേറ്റ് ബാങ്ക് ഓഫ് ഇന്ത്യ, പഞ്ചാബ് ആൻഡ് സിന്ധ് ബാങ്ക്, ഇന്ത്യൻ ഓവർസീസ് ബാങ്ക്, കാനറ ബാങ്ക് എന്നിവ 444 ദിവസത്തെ എഫ്‌ഡി പദ്ധതി വാഗ്ദാനം ചെയ്യുന്ന ബാങ്കുകളിൽ ഉൾപ്പെടുന്നു. ഇവിടെ 7.25 ലക്ഷം രൂപയും, 9.25 ലക്ഷം രൂപയും നിക്ഷേപിച്ചാൽ അത് എത്ര രൂപയായി വളരും? ഈ നിക്ഷേപങ്ങളും അവ നൽകുന്ന പലിശ നിരക്കും പരിശോധിക്കാം;

1. എസ്‌ബി‌ഐ 444 ദിവസത്തെ എഫ്‌ഡി

ഈ പ്രത്യേക എഫ്ഡി സ്കീം സാധാരണ നിക്ഷേപകർക്ക് 6.60 ശതമാനം പലിശയാണ് വാ​ഗ്ദാനം ചെയ്യുന്നത്. ഈ പദ്ധതിയിൽ 7.25 ലക്ഷം രൂപ നിക്ഷേപിച്ചാൽ അത് കാലാവധി അവസാനിക്കുമ്പോൾ ഏകദേശം 7.85 ലക്ഷം രൂപയായി വളരാൻ സാധ്യതയുണ്ട്. എന്നാൽ 9.25 ലക്ഷം രൂപ നിക്ഷേപിച്ചാൽ അത് ഏകദേശം 10.02 ലക്ഷം രൂപയായി വളരാനും സാധ്യതയുണ്ട്.

2. പഞ്ചാബ് ആൻഡ് സിന്ധ് ബാങ്ക് 444 ദിവസത്തെ എഫ്ഡി

ഈ സ്കീം സാധാരണ നിക്ഷേപകർക്ക് വാ​ഗ്ദാനം ചെയ്യുന്ന പലിശ നിരക്ക് 6.70 ശതമാനമാണ്. ഇവിടെ നിങ്ങൾ 7.25 ലക്ഷം രൂപ നിക്ഷേപിച്ചാൽ 7.86 ലക്ഷം രൂപയും, 9.25 ലക്ഷം രൂപ നിക്ഷേപിച്ചാൽ ഏകദേശം 10.03 ലക്ഷം രൂപയായും നിക്ഷേപം വളരാൻ സാധ്യതയുണ്ട്.

3. കാനറ ബാങ്ക് 444-ദിവസത്തെ എഫ്ഡി

ഈ സ്കീം സാധാരണക്കാർക്ക് വാ​ഗ്ദാനം ചെയ്യുന്ന പലിശ നിരക്ക് 6.50 ശതമാനമാണ്. ഇവിടെ 7.25 ലക്ഷം രൂപയിൽ നിന്ന് ഏകദേശം 7.84 ലക്ഷം രൂപയായി നിക്ഷേപം വളരും. 9.25 ലക്ഷം രൂപയിൽ നിന്ന് ഏകദേശം 10.00 ലക്ഷം രൂപയായി നിക്ഷേപം വളരും.

4. ഇന്ത്യൻ ഓവർസീസ് ബാങ്ക് 444-ദിവസത്തെ എഫ്ഡി

ഈ ബാങ്ക് 444 ദിവസത്തെ പ്രത്യേക എഫ്ഡിയിൽ പലിശ നിരക്ക് 6.75 ശതമാനം വാ​ഗ്ദാനം ചെയ്യുന്നു. ഇവിടെ നിങ്ങൾ 7.25 ലക്ഷം നിക്ഷേപിച്ചാൽ അത് ഏകദേശം 7.87 ലക്ഷം രൂപയായി വളരും, മാത്രമല്ല 9.25 ലക്ഷം രൂപ നിക്ഷേപിച്ചാൽ അത് ഏകദേശം 10.03 ലക്ഷം രൂപയായി വളരാനും സാധ്യതയുണ്ട്.

ഈ പ്രത്യേക എഫ്ഡികളിലൂടെ നിങ്ങളുടെ സമ്പത്ത് വളർത്താം. 444 ദിവസം എന്നാൽ 1 വർഷവും 2 മാസവും 19 ദിവസവുമാണ്. എന്നാൽ വലിയ തുക ലക്ഷ്യം വെക്കുന്നവർക്ക് ദീർഘകാല നിക്ഷേപങ്ങളായിരിക്കും ഉചിതം. കാരണം കാലാവധി വർദ്ധിക്കുന്നതിന് അനുസരിച്ച് ലഭിക്കുന്ന പലിശ വരുമാനവും വർദ്ധിക്കും.

അറിയിപ്പ്:
മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗുഡ്റിട്ടേൺസ് മലയാളവും ലേഖകനും ഉത്തരവാദികളല്ല.