ബാങ്കിനേക്കാൾ ഉയർന്ന വരുമാനം: 5 വർഷം കൊണ്ട് 12 ലക്ഷം വളരുന്നത് ഇങ്ങനെ, ഇവിടെ നിക്ഷേപിക്കാം

സ്ഥിര നിക്ഷേപം ഒരു സുരക്ഷിതമായ നിക്ഷേപ പദ്ധതിയാണ്. ശ്രദ്ധയോടെ നിക്ഷേപിച്ചാൽ എഫ്ഡിയിലൂടെ വലിയ തുക സമ്പാദിക്കാൻ നിങ്ങൾക്ക് സാധിക്കും. ഒപ്പം ഉയർന്ന പലിശ നിരക്കും ഉറപ്പാക്കാം. അപകട സാധ്യത വളരെ കുറഞ്ഞ ഇത്തരം നിക്ഷേപങ്ങൾ സുരക്ഷിതമായ സമ്പാദ്യ ശീലത്തിന് ഒരു മികച്ച ഓപ്ഷനായിരിക്കും. എല്ലാ ബാങ്കുകളും ബാങ്ക് ഇതര സ്ഥാപനങ്ങളും പോസ്റ്റ് ഓഫീസുകളും സ്ഥിര നിക്ഷേപം വാ​ഗ്​ദാനം ചെയ്യുന്നുണ്ട്. എന്നാൽ ഉയർന്ന പലിശ നോക്കിയാൽ എവിടെ നിക്ഷേപിക്കണം?

എസ്‌ബി‌ഐ, ഐ‌സി‌ഐ‌സി‌ഐ ബാങ്ക്, എച്ച്‌ഡി‌എഫ്‌സി ബാങ്ക്, പി‌എൻ‌ബി, പോസ്റ്റ് ഓഫീസ് തുടങ്ങിയ പ്രമുഖ ധനകാര്യ സ്ഥാപനങ്ങളിൽ 5 വർഷത്തെ കാലാവധിയിൽ 12 ലക്ഷം രൂപ നിക്ഷേപിച്ചാൽ എത്ര രൂപ മെച്യൂരിറ്റി തുക ലഭിക്കും. മാത്രമല്ല, ഈ ബാങ്കുകൾ എഫ്ഡിക്ക് വാ​ഗ്ദാനം ചെയ്യുന്ന പലിശ നിരക്കുകളും അറിഞ്ഞിരിക്കാം;

എസ്‌ബി‌ഐ എഫ്ഡി

5 വർഷത്തെ കാലാവധിയിൽ ഈ എഫ്ഡിയിൽ സാധാരണ നിക്ഷേപകർക്ക് 6.05% പലിശയും, മുതിർന്ന പൗരന്മാർക്ക് 7.05% പലിശ നിരക്കും വാ​ഗ്ദാനം ചെയ്യുന്നു. ഈ കാലാവധിയിൽ 12 ലക്ഷം നിക്ഷേപിച്ചാൽ സാധാരണ നിക്ഷേപകർക്ക് ലഭിക്കുന്ന മെച്യൂരിറ്റി തുക 16,56,504 രൂപയായിരിക്കും. എന്നാൽ മുതിർന്ന പൗരൻമാർക്ക് കാലാവധി പൂർത്തിയാവുമ്പോൾ 17,01,910 രൂപ ലഭിക്കും.

പഞ്ചാപ് നാഷണൽ ബാങ്ക് എഫ്ഡി

പിഎൻബിയിൽ 5 വർഷത്തെ കാലാവധിയിൽ പ്രവർത്തിക്കുന്ന എഫ്ഡിയുടെ പലിശ നിരക്കുകൾ അറിയാം. സാധാരണ നിക്ഷേപകർക്ക് 6.50%, മുതിർന്ന പൗരന്മാർക്ക് 7% എന്നീ നിരക്കുകളിലാണ് പലിശ ലഭിക്കുക. ഈ എഫ്ഡിയിൽ 5 വർഷത്തേക്ക് 12 ലക്ഷം നിക്ഷേപിച്ചാൽ കാലാവധി പൂർത്തിയാവുമ്പോൾ സാധാരണ നിക്ഷേപകർക്ക് 16,56,504 രൂപയും, മുതിർന്ന പൗരൻമാർക്ക് 16,97,734 രൂപയും ലഭിക്കും.

എച്ച്ഡിഎഫ്സി ബാങ്ക് എഫ്ഡി

ഈ സ്വകാര്യ ബാങ്ക് 5 വർഷത്തേക്കുള്ള എഫ്ഡിയിൽ സാധാരണ നിക്ഷേപകർക്ക് 6.40 ശതമാനവും, മുതിർന്ന പൗരൻമാർക്ക് 6.90 ശതമാനവും പലിശ നിരക്ക് വാ​ഗ്ദാനം ചെയ്യുന്നു. നിങ്ങൾ 5 വർഷത്തേക്ക് ഈ എഫ്ഡിയിൽ 12 ലക്ഷം രൂപ നിക്ഷേപിച്ചാൽ കാലാവധി പൂർത്തിയാകുമ്പോൾ സാധാരണ നിക്ഷേപകർക്ക് 16,48,373 രൂപ ലഭിക്കും. മുതിർന്ന പൗരൻമാർക്ക് ലഭിക്കുന്ന മെച്യൂരിറ്റി തുക 16,89,411 രൂപയായിരിക്കും.

ഐസിഐസിഐ ബാങ്ക് എഫ്ഡി

ഈ ബാങ്ക് സ്ഥിരനിക്ഷേപങ്ങൾക്ക് നൽകുന്ന ഏറ്റവും പുതിയ പലിശ നിരക്ക് അറിയാം. 5 വർഷത്തെ കാലാവധിയുള്ള എഫ്ഡിയിൽ സാധാരണ നിക്ഷേപകർക്ക് 6.60%, മുതിർന്ന പൗരന്മാർക്ക് 7.10% എന്നിങ്ങനെയാണ് പലിശ നിരക്ക് വാ​ഗ്ദാനം ചെയ്യുന്നത്. ഈ കാലാവധിയിൽ 12 ലക്ഷം രൂപ നിക്ഷേപിച്ച സാധാരണ നിക്ഷേപകർക്ക് കാലാവധി പൂർത്തിയാവുമ്പോൾ ലഭിക്കുന്ന മെച്യൂരിറ്റി തുക 16,64,673 രൂപയാണ്. എന്നാൽ 5 വർഷത്തിനു ശേഷം മുതിർന്ന പൗരന് ലഭിക്കുന്നത് 17,06,096 രൂപയായിരിക്കും.

പോസ്റ്റ് ഓഫീസ് എഫ്ഡി

മുകളിലുള്ള ബാങ്ക് എഫ്ഡികളേക്കാൾ പോസ്റ്റ് ഓഫീസ് എഫ്ഡി മികച്ചതാണോ? ഇവിടെ സാധാരണ നിക്ഷേപകർക്കും മുതിർന്ന പൗരൻമാർക്കും ഒരുപോലെ 5 വർഷത്തേക്ക് 7.50% പലിശ നിരക്ക് വാ​ഗ്ദാനം ചെയ്യുന്നു. 5 വർഷത്തേക്ക് ഇവിടെ 12 ലക്ഷം രൂപ നിങ്ങൾ നിക്ഷേപിച്ചാൽ കാലാവധി പൂർത്തിയാവുമ്പോൾ നിങ്ങൾക്ക് ലഭിക്കുന്ന മെച്യൂരിറ്റി തുക 17,39,938 രൂപയായിരിക്കും.

ഈ മെച്യൂരിറ്റി തുക മറ്റു ബാങ്കുകൾ വാ​ഗ്ദാനം എഫ്ഡി വരുമാനത്തേക്കാൾ കൂടുതലാണ്. മാത്രമല്ല 5 വർഷത്തേക്ക് മറ്റു ബാങ്കുകളേക്കാൾ ഉയർന്ന പലിശ നിരക്കാണ് പോസ്റ്റ് ഓഫീസ് എല്ലാ നിക്ഷേപകർക്കും വാ​ഗ്ദാനം ചെയ്യുന്നത്. നിലവിൽ ഉയർന്ന നേട്ടം ആ​ഗ്രഹിക്കുന്നവർക്ക് പോസ്റ്റ് ഓഫീസ് നല്ല തിരഞ്ഞെടുപ്പാണ്.

അറിയിപ്പ്:
മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗുഡ്റിട്ടേൺസ് മലയാളവും ലേഖകനും ഉത്തരവാദികളല്ല.