ആധാർ-പാൻ ലിങ്കിംഗ്: അവസാന തീയതി ഡിസംബർ 31; വൈകിയാൽ പിഴ മാത്രമല്ല, പാൻ കാർഡും റദ്ദാക്കും

നിങ്ങളുടെ വാലറ്റിൽ ആധാർ കാർഡും പാൻ കാർഡുമുണ്ടോ? ഇനിയും ഇവ രണ്ടും ലിങ്ക് ചെയ്തിട്ടില്ലേ? സമയം അവസാനിച്ചിട്ടില്ല, 2025 അവസാനിക്കുന്നതിനു മുന്നേ വേ​ഗം തന്നെ ലിങ്ക് ചെയ്തോളൂ. പാൻ കാർഡ് ആധാറുമായി ലിങ്ക് ചെയ്യാനുള്ള അവസാന തീയതി 2025 ഡിസംബർ 31നാണ്. ഇത് നിർബന്ധമായും ലിങ്ക് ചെയ്യേണ്ടതാണ്. ഇല്ലെങ്കിൽ നിങ്ങളുടെ പാൻ കാർഡ് പ്രവർത്തനരഹിതമാവും.

ഇനിയും ലിങ്ക് ചെയ്യാത്തവർ ആദ്യം 1,000 രൂപ ലേറ്റ് ഫീസ് അടയ്ക്കണം. എന്നാൽ 2024 ഒക്ടോബർ 1 ന് ശേഷം ആധാർ എൻറോൾമെന്റ് ഐഡി ഉപയോഗിച്ച് കാർഡുകൾ നേടിയ പാൻ ഉടമകൾക്ക് 2025 ഡിസംബർ 31 വരെ സൗജന്യമായി അവരുടെ പാൻ ആധാറുമായി ബന്ധിപ്പിക്കാൻ കഴിയും. ഇനിയും കാത്തിരിക്കാതെ ആധാറും പാനും ബന്ധിപ്പിക്കൂ.

പാൻ കാർഡ് ആധാറുമായി എങ്ങനെ ലിങ്ക് ചെയ്യാം?

1) ആദ്യം, ഔദ്യോഗിക ആദായനികുതി ഇ-ഫയലിംഗ് പോർട്ടലിലേക്ക് പോകുക അല്ലെങ്കിൽ www.incometax.gov.in/iec/foportal/ എന്ന ലിങ്കിൽ ക്ലിക്കുചെയ്യുക.

2) ഇനി 'ക്വിക്ക് ലിങ്കുകൾ' വിഭാഗത്തിലേക്ക് പോയി 'ലിങ്ക് ആധാർ ഓപ്ഷൻ' ക്ലിക്ക് ചെയ്യുക.

3) തുടർന്ന് നിങ്ങളുടെ പാൻ കാർഡും ആധാർ കാർഡ് നമ്പറുകളും നൽകി വാലിഡേറ്റ് ചെയ്യുക എന്ന ഓപ്ഷനിൽ ക്ലിക്ക് ചെയ്യുക.

4) നിങ്ങളുടെ ആധാർ കാർഡ് ഇതിനകം തന്നെ പാനുമായി ബന്ധിപ്പിച്ചിട്ടുണ്ടെങ്കിൽ, നിങ്ങളുടെ സ്ക്രീനിൽ 'പാൻ ഇതിനകം ആധാറുമായോ മറ്റേതെങ്കിലും ആധാറുമായോ ബന്ധിപ്പിച്ചിരിക്കുന്നു' എന്ന് ദൃശ്യമാകും.

5) നിങ്ങളുടെ പാൻ ആധാറുമായി ബന്ധിപ്പിച്ചിട്ടില്ലെങ്കിൽ, നിങ്ങൾ NSDL പോർട്ടലിൽ ഒരു ചലാൻ അടച്ചിട്ടുണ്ടെങ്കിൽ, പേയ്‌മെന്റ് വിവരങ്ങൾ ഇലക്ട്രോണിക് ഫയലിംഗ് വഴി സാധൂകരിക്കപ്പെടും.

6) ആവശ്യമായ വിശദാംശങ്ങൾ നൽകിയ ശേഷം നിങ്ങൾ ലിങ്ക് ആധാർ ഓപ്ഷനിൽ ക്ലിക്ക് ചെയ്യണം.

7) ഇനി നിങ്ങളുടെ രജിസ്റ്റർ ചെയ്ത മൊബൈൽ നമ്പറിൽ ലഭിച്ച 6 അക്ക ഒടിപി നൽകണം.

8) ഇപ്പോൾ നിങ്ങൾ ആധാർ പാൻ ലിങ്കിനുള്ള റിക്വസ്റ്റ് സമർപ്പിക്കണം.

പാൻ കാർഡ് ആധാറുമായി ബന്ധിപ്പിക്കാൻ 4 മുതൽ 5 പ്രവൃത്തി ദിവസങ്ങൾ വരെ എടുക്കും. അതുവരെ കാത്തിരിക്കേണ്ടി വരും.

ആധാറും പാനും ലിങ്ക് ചെയ്തില്ലെങ്കിൽ എന്ത് സംഭവിക്കും?

2025 ഡിസംബർ 31-നകം ആധാറുമായി ലിങ്ക് ചെയ്തില്ലെങ്കിൽ നിങ്ങളുടെ പാൻ പ്രവർത്തനരഹിതമാകും. ഇത് നിങ്ങളുടെ ബാങ്ക് ഇടപാടുകളെയും മറ്റും പ്രതികൂലമായി ബാധിക്കും. വിശദമായി അറിയാം;

• നികുതി തുക റീഫണ്ടായി ലഭിക്കില്ല.
• 114AAA ചട്ടത്തിലെ ഉപ-ചട്ടം (4) പ്രകാരം വ്യക്തമാക്കിയ തീയതി മുതൽ അത് പ്രാബല്യത്തിൽ വരുന്ന തീയതി വരെ അത്തരം റീഫണ്ടിന് പലിശ അയാൾക്ക് നൽകേണ്ടതില്ല;
• ചാപ്റ്റർ XVJJ-B പ്രകാരം നികുതി കിഴിവ് ലഭിക്കുകയാണെങ്കിൽ, സെക്ഷൻ 206AA യിലെ വ്യവസ്ഥകൾക്കനുസൃതമായി ഉയർന്ന നിരക്കിൽ അത്തരം നികുതി കുറയ്ക്കുന്നതാണ്;

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.