ആധാര്‍-പാന്‍ ലിങ്കിംഗ്; നിങ്ങളുടെ ബാങ്ക് നിക്ഷേപങ്ങളെ എങ്ങനെ ബാധിക്കുമെന്നറിയാമോ?

ആധാര്‍ കാര്‍ഡും പാന്‍ നമ്പറും തമ്മില്‍ ബന്ധിപ്പിക്കുവാനുള്ള അവസാന തീയ്യതി അടുത്തുവരികയാണ്. അതിനാല്‍ നിര്‍ബന്ധമായും നിശ്ചിത സമയ പരിധിക്കുള്ളില്‍ ഏവരും ആധാര്‍-പാന്‍ ലിങ്കിംഗ് പ്രക്രിയ വീഴ്ചയില്ലാതെ പൂര്‍ത്തീകരിക്കേണ്ടതുണ്ട്. ഒരു വ്യക്തിയുടെ കെവൈസി വിവരങ്ങളുമായി നേരിട്ട് ബന്ധപ്പെട്ടിരിക്കുന്നതിനാല്‍ പാന്‍ ആധാര്‍ ലിങ്കിംഗ് ഒഴിവാക്കാന്‍ സാധിക്കാത്ത അനിവാര്യമായ ഒരു കാര്യവുമാണ്.

നികുതി നിക്ഷേപ വിദഗ്ധരുടെ അഭിപ്രായത്തില്‍ അവസാന തീയ്യതിയായ 2021 ജൂണ്‍ 31ന് മുമ്പ് തന്നെ നിര്‍ബന്ധമായും എല്ലാ വ്യക്തികളും പാന്‍ ആധാര്‍ ലിങ്കിംഗ് പൂര്‍ത്തിയാക്കേണ്ടതുണ്ട്. അതില്‍ വീഴ്ച വരുത്തിയാല്‍ പ്രസ്തുത വ്യക്തിയുടെ കെവൈസി അപൂര്‍ണമാവുകയാണ് സംഭവിക്കുക. അതായത് ആധാറുമായി ബന്ധിപ്പിച്ചിട്ടില്ലാത്ത പാന്‍ കാര്‍ഡ് നിഷ്‌ക്രിയമായ പാന്‍കാര്‍ഡായാണ് പരിഗണിക്കുക, അതേ സമയം ഒരാളുടെ കെവൈസിയില്‍ പാന്‍ കാര്‍ഡ് പരമ പ്രധാനമായ ഒരു ഘടകമാണ് താനും.

ബാങ്ക് അക്കൗണ്ട് എല്ലാ വ്യക്തികള്‍ക്കും ആധാര്‍ പാന്‍ ലിങ്കിംഗ് ഒഴിവാക്കുവാന്‍ സാധിക്കാത്തതാണ്. 2021 ജൂണ്‍ 30ന് ശേഷം അധാറുമായി ബന്ധിപ്പിച്ചിട്ടില്ലാത്ത പാന്‍ കാര്‍ഡ് കൈവശമുള്ള വ്യക്തികളെ പാന്‍ കാര്‍ഡ് ഇല്ലാത്ത വ്യക്തികളായാണ് കണക്കാക്കുക. അത്തരം സാഹചര്യങ്ങളില്‍ ബാങ്ക് കെവൈസി വിവരങ്ങള്‍ അപൂര്‍ണമാകും. കൈവൈസി പൂര്‍ത്തീകരിക്കുന്നതിന് പാന്‍ കാര്‍ഡ് നിര്‍ബന്ധമാണ്.

നിഷ്‌ക്രിയമായ പാന്‍ കാര്‍ഡ് ഒരു വ്യക്തിയുടെ ബാങ്ക് നിക്ഷേപങ്ങളെയും പ്രതികൂലമായി ബാധിക്കും. ആധാറുമായി ലിങ്ക് ചെയ്തിട്ടില്ല നിഷ്‌ക്രിയ പാന്‍ കാര്‍ഡ് ആണെങ്കില്‍ ഒരു വ്യക്തിയുടെ ബാങ്ക് അക്കൗണ്ട് പാന്‍ കാര്‍ഡ് ഇല്ലാത്ത ബാങ്ക് അക്കൗണ്ടായി മാറും.

നിക്ഷേപത്തിന്മേല്‍ 10,000 രൂപയ്ക്ക് മേല്‍ പലിശ നേടുന്ന വ്യക്തിയാണെങ്കില്‍ അത്തരം സാഹചര്യങ്ങളില്‍ ടിഡിഎസ് (ടാക്‌സ് ഡിഡക്ഷന്‍ അറ്റ് സോഴ്‌സ്) രണ്ടിരിട്ടിയാണ് ഈടാക്കുക. അതായത് പാന്‍ കാര്‍ഡ് ഉള്ള ബാങ്ക് അക്കൗണ്ടു ഉടമകളുടെ പക്കല്‍ നിന്നും 10 ശതമാനം ടിഡിഎസ് ഈടാക്കുമ്പോള്‍ പാന്‍ ആധാറുമായി ബന്ധിപ്പിച്ചിട്ടില്ലാത്ത നിഷ്‌ക്രിയ പാന്‍ കാര്‍ഡ് കൈവശമുള്ള ബാങ്ക് അക്കൗണ്ട് ഉടമകളില്‍ നിന്നും 20 ശതമാനമാണ് ടിഡിഎസ് ഈടാക്കുക.

നിഷ്‌ക്രിയ പാന്‍കാര്‍ഡ് കൈവശം വച്ച് കൊണ്ട് ഒരു ബാങ്ക് അക്കൗണ്ട് ഉടമ 50,000 രൂപയോ അതിന് മുകളിലോ അക്കൗണ്ടില്‍ നിക്ഷേപിച്ചാല്‍ ആദായ നികുതി വകുപ്പ് 10,000 രൂപ പിഴയായി ഈടാക്കും. അതിനാല്‍ തന്നെ പ്രയാസങ്ങളില്ലാത്ത സുഗമമായ ബാങ്കിംഗിനായി ജൂണ്‍ 30 എന്ന സമയ പരിധിയ്ക്കുള്ളില്‍ തന്നെ പാന്‍ കാര്‍ഡ് ആധാറുമായി എല്ലാ ബാങ്ക് ഉപയോക്താക്കളും നിര്‍ബന്ധമായും ലിംങ്ക് ചെയ്യേണ്ടതാണ്.