3 വർഷത്തെ നേട്ടം 22.38 ശതമാനം, ഈ മ്യൂച്വൽ ഫണ്ട് പൊളിയാണ്, കൂടുതൽ വിവരങ്ങൾ അറിയാം

പുതിയ കാലത്ത് ഏറ്റവും ജനപ്രീതി നേടിയ സാമ്പത്തിക നിക്ഷേപ മാർഗമാണ് മ്യൂച്വൽ ഫണ്ടുകൾ. ഓഹരി വിപണിയിലെ ചാഞ്ചാട്ടത്തെക്കുറിച്ച് കൃത്യമായി ധാരണ ഇല്ലാത്ത ആളുകൾക്ക് മ്യൂച്വൽ ഫണ്ട് നിക്ഷേത്തിലൂടെ മികച്ച സമ്പത്ത് കെട്ടിപ്പടുക്കാൻ സാധിക്കും. ഒരു കൂട്ടം ആളുകൾ അഥവാ നിക്ഷേപകർ (Investors) ചേർന്ന് സമാഹരിക്കുന്ന പണം ഒന്നിച്ച് ചേർത്ത് രൂപീകരിക്കുന്നതാണ് മ്യൂച്വൽ ഫണ്ട്. ഒരു പ്രൊഫഷണൽ ഫണ്ട് മാനേജരാകും മ്യൂച്വൽ ഫണ്ട് കൈകാര്യം ചെയ്യുക. പൊതുവായ നിക്ഷേപ ലക്ഷ്യങ്ങളുള്ള ഒരു കൂട്ടം നിക്ഷേപകരിൽ നിന്ന് പണം സമാഹരിച്ചുകൊണ്ടാണ് മ്യൂച്വൽ ഫണ്ട് രൂപീകരിക്കുക.

അതുകൊണ്ടു തന്നെ മ്യൂച്വൽ ഫണ്ട് നിക്ഷേത്തിന് ഏറ്റവും അനുയോജ്യമായ നിക്ഷേപ മാർഗം സിസ്റ്റമാറ്റിക് ഇൻവെസ്റ്റ്‌മെൻ്റ് പ്ലാൻ ആണ്. നിങ്ങള്‍ക്ക് ഇഷ്ടമുള്ള ഒരു മ്യൂച്വല്‍ ഫണ്ടില്‍ നിങ്ങളുടെ സൗകര്യത്തിനനുസരിച്ച് നിശ്ചിത തുക വ്യത്യസ്ത തവണകളായി നിക്ഷേപിക്കാം. അതിനുള്ള സൗകര്യം തന്നെയാണ് സിസ്റ്റമാറ്റിക് ഇന്‍വെസ്റ്റ്‌മെന്‍റ് പ്ലാനിന്‍റെ പ്രത്യേകതയും. കഴിഞ്ഞ കാലത്തിനിടെ നിക്ഷേപകർക്ക് മികച്ച സമ്പാദ്യം നൽകിയ ഒരു മ്യൂച്വൽ ഫണ്ടിന്‍റെ വിവിരങ്ങൾ നമുക്ക് പരിശോധിക്കാം.

ആദിത്യ ബിർള സൺ ലൈഫ് ഇന്ത്യ ജെൻനെക്സ്റ്റ് ഫണ്ട്

2005-ലാണ് ആദിത്യ ബിർള സൺ ലൈഫ് ഇന്ത്യ ജെൻനെക്സ്റ്റ് ഫണ്ട് ആരംഭിക്കുന്നത്. ഓപ്പൺ-എൻഡ് ഇക്വിറ്റി ഫണ്ട് ഒരു ഉപഭോഗ തീം പിന്തുടരുന്നു. 2015 മുതൽ ചഞ്ചൽ ഖണ്ഡേൽവാളും 2022 മുതൽ ധവൽ ജോഷിയും കൈകാര്യം ചെയ്യുന്ന ഈ ഫണ്ട്, ഉയർന്ന ഡിസ്പോസിബിൾ വരുമാനവും ചെലവിടൽ ശക്തിയും കൊണ്ട് നയിക്കപ്പെടുന്ന ഇന്ത്യയിലെ വർദ്ധിച്ചുവരുന്ന ഉപഭോഗ രീതികളിൽ നിന്ന് പ്രയോജനം നേടുന്ന കമ്പനികളിൽ ശ്രദ്ധ കേന്ദ്രീകരിക്കുന്നു.

10,000 രൂപയുടെ എസ്ഐപി 1.6 കോടി

1 വർഷത്തിനിടെ 17.68 ശതമാനം, മൂന്ന് വർഷത്തിനിടെ 22.38 ശതമാനം, 5 വർഷത്തിനിടെ 18.84 ശതമാനം എന്നിങ്ങനെ സംയുക്ത വാർഷിക വളർച്ചാ നിരക്കുകൾ ഫണ്ട് നൽകിയിട്ടുണ്ട്.

ആദിത്യ ബിർള സൺ ലൈഫ് ഇന്ത്യ ജെൻനെക്സ്റ്റ് ഫണ്ട് ആരംഭിച്ചപ്പോൾ തന്നെ, അതായത് 2005-ൽ തന്നെ 10,000 രൂപയുടെ പ്രതിമാസ എസ്ഐപി തുടങ്ങിയിരുന്നെങ്കിൽ നിക്ഷേപം ഇപ്പോൾ 1.60 കോടി രൂപയായി വളർന്നിട്ടുണ്ടാകും.

ജനപ്രിയ ഫണ്ട്

ദീർഘകാല മൂലധന വളർച്ച ആഗ്രഹിക്കുന്ന നിക്ഷേപകർക്ക് ആദിത്യ ബിർള സൺ ലൈഫ് ഇന്ത്യ ജെൻനെക്സ്റ്റ് ഫണ്ട് ഒരു മികച്ച തിരഞ്ഞെടുപ്പായി മാറുന്നു. ഈ പ്രവണത മുതലാക്കാൻ ആഗ്രഹിക്കുന്ന നിക്ഷേപകർ അവരുടെ റിസ്ക് പ്രൊഫൈലും നിക്ഷേപ ലക്ഷ്യങ്ങളുമായി ഈ ഫണ്ട് യോജിക്കുന്നുണ്ടോ എന്ന് വിലയിരുത്താൻ അവരുടെ സാമ്പത്തിക ഉപദേഷ്ടാക്കളെ സമീപിക്കേണ്ടതാണ്. എല്ലായ്പ്പോഴും എന്നപോലെ, മ്യൂച്വൽ ഫണ്ട് നിക്ഷേപങ്ങൾ വിപണി അപകടസാധ്യതകൾക്ക് വിധേയമാണ്, കൂടാതെ മുൻകാല പ്രകടനം ഭാവി ഫലങ്ങൾ ഉറപ്പുനൽകുന്നില്ല. അതുകൊണ്ടു തന്നെ നിക്ഷേപത്തിന് മുൻപ് കൃത്യമായ പഠനം നടത്തണം.

മ്യൂച്വൽ ഫണ്ടുകളുടെ നേട്ടങ്ങൾ

1. നിക്ഷേപത്തിലെ വൈവിധ്യമാണ് മ്യൂച്വൽ ഫണ്ടുകളുടെ പ്രധാന നേട്ടം. വിവിധങ്ങളായ ആസ്തികളിൽ പണം നിക്ഷേപിക്കുന്നതിലൂടെ ഒരു പ്രത്യേക ആസ്തിയുമായി ബന്ധപ്പെട്ട് ഉണ്ടായേക്കാവുന്ന നഷ്ടം മറ്റ് ആസ്തികളിലൂടെ മറികടക്കാൻ കഴിയും.

2. ധാരാളം നിക്ഷേപകർക്ക് വ്യക്തിഗത സ്റ്റോക്കുകൾ വാങ്ങുന്നതുമായി ബന്ധപ്പെട്ട് വിശദമായ ഗവേഷണം നടത്താനൊന്നും സമയം ലഭിക്കാറില്ല. അത്തരക്കാർക്ക് മ്യൂച്വൽ ഫണ്ടിലൂടെ ലഭിക്കുന്ന പ്രൊഫഷണൽ മാനേജ്‌മെന്റ് സേവനം വളരെയധികം പ്രയോജനപ്രദമായിരിക്കും.

3. ഓൺലൈൻ ആയോ ഓഫ്‌ലൈൻ ആയോ നിക്ഷേപം നടത്താവുന്നതാണ്.

അറിയിപ്പ് :
മുകളിൽ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങൾ എടുക്കും മുൻപ് സാമ്പത്തിക വിദഗ്ധന്റെ നിർദേശം തേടാം. മ്യൂച്വൽ ഫണ്ടിലെ നിക്ഷേപം നഷ്ട സാധ്യതകൾക്ക് വിധേയമാണ്. സ്വന്തം റിസ്‌കിൽ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തിൽ സംഭവിക്കുന്ന ലാഭനഷ്ടങ്ങൾക്ക് ഗ്രേനിയം ഇൻഫർമേഷൻ ടെക്നോളജീസും ലേഖകനും ഉത്തരവാദികളല്ല.