പരമ്പരാഗത സാമ്പത്തീക നിക്ഷേപ രീതികളില് നിന്നും മാറിയുള്ള രീതിയാണ് ക്രിപ്റ്റോ കറന്സികള്. ഇലോണ് മസ്ക്, ജാക്ക് ഡോഴ്സേ, മിഖായേല് നോവോഗ്രാറ്റ്സ് തുടങ്ങിയ ആഗോള ശതകോടീശ്വരന്മാരുടെ പിന്തുണ ലഭിച്ചതോടെ ഈ ഡിജിറ്റല് നാണയങ്ങള്ക്ക് ലോകമെമ്പാടും വീണ്ടും ജനപ്രീതി ഉയര്ന്നുകൊണ്ടിരിക്കുകയാണ്. കഴിഞ്ഞ കുറച്ചു മാസങ്ങളില് ക്രിപ്റ്റോ വിപണി കുറച്ച് പുറകിലേക്ക് പോയെങ്കിലും ജനങ്ങള്ക്ക് വീണ്ടും താത്പര്യം വര്ധിച്ചു വരുന്നതിനാല് വിപണിയും അധികം വൈകാതെ ശക്തിപ്രാപിക്കുമെന്നാണ് നിരീക്ഷകര് വിലയിരുത്തുന്നത്.
നിങ്ങള്ക്ക് ക്രിപ്റ്റോ കറന്സിയില് നിക്ഷേപിക്കുവാന് താത്പര്യമുണ്ടെങ്കില് അതിനായി എന്താണ് ചെയ്യേണ്ടതെന്ന് അറിയാം.
ഈ 1 രൂപാ നോട്ട് കൈയ്യിലുണ്ടെങ്കില് 7 ലക്ഷം രൂപ സ്വന്തമാക്കാം
നിങ്ങള് ഒരു ക്രിപ്റ്റോ നിക്ഷേപകനാകുവാന് ആഗ്രഹിക്കുന്നുവെങ്കില് ആദ്യം ചെയ്യേണ്ടത് ഒരു ക്രിപ്റ്റോ എക്സ്ചേഞ്ച് തെരഞ്ഞെടുക്കുക എന്നതാണ്. ഇന്ത്യയില് ക്രിപ്റ്റോ കറന്സികള് നിയമപരമായ നിയന്ത്രണങ്ങള് ഇല്ലാത്തതിനാല് ആര്ക്കും എക്സ്ചേഞ്ച് ആരംഭിക്കുവാന് സാധിക്കും. അതിനാല് എക്സ്ചേഞ്ചിനെക്കുറിച്ച് കൃത്യമായ പരിശോധകള്ക്കും അന്വേഷണങ്ങള്ക്കും മാത്രം തെരഞ്ഞെടുപ്പ് നടത്തുക. വാസ്റിക്സ്, കോയിന്ഡിസിഎക്സ്, കോയിന് സ്വിച്ച് കുബര് തുടങ്ങിയവയാണി ഇന്ത്യയില ജനപ്രിയ എക്സ്ചേഞ്ചുകള്.
എക്സ്ചേഞ്ചിന്റെ കാര്യത്തില് തീരുമാനത്തിലെത്തിയാല് അക്കൗണ്ട് ആരംഭിക്കാം. പ്ലാറ്റ്ഫോമിന്റെ പോളിസികളും നിങ്ങള് നിക്ഷേപിക്കുവാന് തയ്യാറെടുക്കുന്ന തുകയും അടിസ്ഥാനമാക്കി നിങ്ങളുടെ തിരിച്ചറിയല് തെളിവുകള് പ്ലാറ്റ്ഫോം ആവശ്യപ്പെട്ടേക്കാം. തട്ടിപ്പുകള് സംഭവിക്കാതിരിക്കാനുള്ള മുന്കരുതലാണിത്. അതിനായി നിങ്ങള്ക്ക് തിരിച്ചറിയല് രേഖ സമര്പ്പിക്കേണ്ടതായി വന്നേക്കാം.
ക്രിപ്റ്റോ വാങ്ങിക്കുന്നതിനായി നിങ്ങളുടെ അക്കൗണ്ടില് പണം ഉണ്ടായിരിക്കേണ്ടതുണ്ട്. നിങ്ങളുടെ ബാങ്ക് അക്കൗണ്ട് ക്രിപ്റ്റോ അക്കൗണ്ടുമായി ബന്ധിപ്പിക്കുക വഴി ആവശ്യത്തിന് തുക നിങ്ങള്ക്ക് അക്കൗണ്ടിലെത്തിക്കാം. നിങ്ങളുടെ പണം ഉപയോഗിച്ച് ട്രേഡിംഗ് ആരംഭിക്കുന്നതിനായി ഒരു വെയ്റ്റിംഗ് പിരീഡും ചിലപ്പോള് നിശ്ചയിച്ചിട്ടുണ്ടാകാം.
കൂടുതല് സുരക്ഷയും കുറഞ്ഞ ചിലവും മികച്ച ആദായവും; ഈ നിക്ഷേപങ്ങള്ക്ക് പ്രത്യേകതകള് ഏറെയാണ്
നിങ്ങള് നിക്ഷേപം നടത്തുവാന് തയ്യാറായാല് നിങ്ങള് ഒരു ക്രിപ്റ്റോ കോയിന് തെരഞ്ഞെടുക്കേണ്ടതുണ്ട്. നൂറുകണക്കിന് ക്രിപ്റ്റോ കറന്സികള് വിപണിയിലുണ്ട്. ബിറ്റ്കോയിന്, എഥിരിയം, ഡോഗ്കോയിന് തുടങ്ങിയവ അവയില് ഏറ്റവും ജനകീയമായ ക്രിപ്റ്റോ കറന്സികളില് ചിലതാണ്. ഇവയില് ഏതെങ്കിലും ഒന്ന് നിക്ഷേപത്തിനായി നിങ്ങള്ക്ക് തെരഞ്ഞെടുക്കാം. ഒരേ സമയം ഒന്നിലധികം ക്രിപ്റ്റോ കറന്സികളിലും നിക്ഷേപിക്കാവുന്നതാണ്. ഈ കോയിനുകള് ഓരോന്നും അവയുടെ പ്രതീകങ്ങള് വഴിയാണ് വിപണിയില് അറിയപ്പെടുന്നതെന്നും ഓര്ക്കേണ്ടതുണ്ട്. ഉദാഹരണത്തിന് ബിറ്റ്കോയിന് ബിടിസി എന്നും, എഥിരിയം ഇടിഎച്ച് എന്നും. ഡോഗ്കോയിന് ഡോജി എന്നുമാണ് പൊതുവേ അറിയപ്പെടുന്നത്.
പാസ്വേഡുകള് മാറ്റേണ്ടത് എപ്പോള്? ഓണ്ലൈനിലും സേഫ് ആയിരിക്കാന് ഗൂഗിള് സിഇഒയുടെ ടിപ്സ് ഇങ്ങനെ
ക്രിപ്റ്റോ എക്സ്ചേഞ്ചുകള് എപ്പോഴും ഹാക്കിംഗ് എന്ന ഭീഷണിയ്ക്ക് കീഴിലാണുള്ളത്. നിലവില് അവയ്ക്ക് ഇന്ഷുറന്സ് പരിരക്ഷയും ലഭിക്കുകയില്ല. നിങ്ങളുടെ അക്കൗണ്ട് ഉപയോഗിക്കുന്നതിനുള്ള കോഡുകള് മറന്നു പോവുകയോ നഷ്ടപ്പെടുകയോ ചെയ്താല് നിങ്ങള്ക്ക് നിങ്ങളുടെ പണവും നഷ്ടപ്പെട്ടേക്കാം. അതിനാല് നിങ്ങളുടെ ഡിജിറ്റല് കോയിനുകള്ക്കായി സുരക്ഷിതമായ സ്റ്റോറേജും നിങ്ങള് ഉറപ്പുവരുത്തേണ്ടതുണ്ട്.