12,500 രൂപ വീതം നിക്ഷേപിച്ച് 2.27 കോടി രൂപ വരെ റിട്ടേൺസ് നേടാം

കഷ്ടപ്പെട്ട് സമ്പാദിക്കുന്ന പണം സുരക്ഷിതമായി നിക്ഷേപിക്കാനും അതിൽ നിന്ന് പരമാവധി റിട്ടേൺസ് സ്വന്തമാക്കാനുമാണ് ഏതൊരാളും ആഗ്രഹിക്കുന്നതും ശ്രമിക്കുന്നതും. അത്തരത്തിൽ അപകട സാധ്യത കുറഞ്ഞതും മികച്ച റിട്ടേൺസ് ലഭിക്കുന്നതുമായ നിക്ഷേപ മാർഗമാണ് പബ്ലിക് പ്രൊവിഡന്റ് ഫണ്ട്. സർക്കാർ പിന്തുണയുള്ള ഈ നിക്ഷേപ രീതിയിലൂടെ മികച്ച റിട്ടേൺസ് സ്വന്തമാക്കുന്നതിനൊപ്പം നികുതിയളവുകളും ആസ്വദിക്കാൻ സാധിക്കും. മെച്യൂരിറ്റി കാലയളവിന് ശേഷം ലഭിക്കുന്ന നിക്ഷേപ തുകയും അതിന്റെ പലിശയും പൂർണമായും നികുതി രഹിതമാണെന്നതാണ് പബ്ലിക് പ്രൊവിഡന്റ് ഫണ്ടിന്റെ പ്രധാന സവിശേഷത. ദീർഘകാല നിക്ഷേപങ്ങളിൽ മികച്ച തിരഞ്ഞെടുപ്പായിരിക്കും പബ്ലിക് പ്രെവിഡന്റ് ഫണ്ട് അഥവ പിപിഎഫ്. 

വളരെ എളുപ്പത്തിൽ പബ്ലിക് പ്രൊവിഡന്റ് ഫണ്ടിൽ നിക്ഷേപിച്ച് തുടങ്ങാൻ സാധിക്കും. ഇതിന് അടുത്തുള്ള ഏതെങ്കിലും പോസ്റ്റ് ഓഫീസോ ബാങ്കോ സന്ദർശിച്ച് അക്കൗണ്ട് ആരംഭിക്കാം. കുറഞ്ഞത് 500 രൂപയും പരമാവധി 1,50,000 രൂപയും ഒരാൾക്ക് സ്കീമിൽ നിക്ഷേപിക്കാവുന്നതാണ്. ഓരോ പദത്തിലും നിർണയിക്കുന്ന പലിശ നിരക്ക് വാർഷിക അടിസ്ഥാനത്തിലാണ് കണക്കാക്കുന്നത്. 15 വർഷത്തെ മെച്യൂരിറ്റി കാലയളവിലുള്ള നിക്ഷേപ പദ്ധതിയുടെ പലിശ നിരക്ക് 7.1 ശതമാനമാണ്.

ഇത്തരത്തിൽ ഒരു വർഷത്തെ പരമാവധി നിക്ഷേപം പ്രയോജനപ്പെടുത്തുന്നതിലൂടെ 2.27 കോടി വരെ റിട്ടേൺസ് നേടാൻ നിക്ഷേപകന് സാധിക്കും. പ്രതിമാസം 12,500 രൂപ വീതം നിക്ഷേപിച്ച് രണ്ട് കോടിയിലധികം സമ്പാദിക്കാൻ സാധിക്കും. 15 വർഷമാണ് പബ്ലിക് പ്രൊവിഡന്റ് ഫണ്ടിന്റെ മെച്യൂരിറ്റി കാലയളവ്. എന്നാൽ ഇത് അഞ്ച് വർഷത്തേക്ക് എത്ര തവണ വേണമെങ്കിലും നീട്ടാനും സാധിക്കും. 15 വർഷത്തെ നിക്ഷേപത്തിൽ നിന്ന് മാത്രം നിങ്ങളുടെ റിട്ടേൺ 40 ലക്ഷമായിരിക്കും. നിക്ഷേപകൻ പിപിഎഫ് അക്കൗണ്ട് 5 വർഷത്തേക്ക് നീട്ടുകയാണെങ്കിൽ, നിക്ഷേപം 30,00,000 രൂപയും പലിശ വരുമാനം 36,58,288 രൂപയുമായി ആകെ 66,58,288 രൂപ റിട്ടേൺസ് ലഭിക്കും.

ഇത്തരത്തിൽ 15 വർഷത്തേക്ക് കൂടെ നീട്ടുമ്പോൾ നിക്ഷേപ കാലാവധി നീട്ടുകയാണെങ്കിൽ നിക്ഷേപകന് ഫോം 16 എച്ച് സമർപ്പിക്കേണ്ടി വരും. എന്നാൽ, പിപിഎഫ് അക്കൗണ്ട് 20 വർഷത്തിനപ്പുറം നീട്ടുന്നത് ഗണ്യമായ സമ്പത്ത് സൃഷ്ടിക്കാൻ ഇടയാക്കും. ഉദാഹരണത്തിന്, പ്രതിമാസം 12,500 രൂപയോ 1.50 ലക്ഷം രൂപയോ നിക്ഷേപിച്ചാൽ 2,26,97,857 രൂപ അല്ലെങ്കിൽ ഏകദേശം 2.27 കോടി രൂപ, നിലവിലെ പിപിഎഫ് പലിശ നിരക്ക് 7.10 ശതമാനം കണക്കിലെടുക്കുമ്പോൾ മെച്യൂരിറ്റി തുകയായി ലഭിക്കും.