കാലാവധി ഒന്നര വർഷം, പലിശ 8 ശതമാനം, സമ്പാദ്യം വർധിപ്പിക്കാൻ ഈ ബാങ്ക് തന്നെയാണ് നല്ലത്

ഏറ്റവും സുരക്ഷിതമായ നിക്ഷേപം മാർഗം ഏത് എന്ന ചോദ്യത്തിന് സ്ഥിര നിക്ഷേപമെന്നായിരിക്കും ഭൂരിപക്ഷം ആളുകളുടേയും ഉത്തരം. കൃത്യമായ പലിശ ലഭിക്കുന്നത് കൊണ്ടു തന്നെ സ്ഥിര നിക്ഷേപം ഭാവിയിലെ സാമ്പത്തിക ചിലവുകൾ നിർവഹിക്കുന്നതിനുള്ള മികച്ച മാർഗാണ്. അതേസമയം വിവിധ കാലാവധിക്കനുസരിച്ച് വ്യത്യസ്ത പലിശ നിരക്കാണ് ഓരോ ബാങ്കുകളും വാഗ്ധാനം ചെയ്യുന്നത്. അതുകൊണ്ടു തന്നെ ഏറ്റവും മികച്ച പലിശ നൽകുന്ന ബാങ്ക് തന്നെ നിക്ഷേപത്തിനായി തിരഞ്ഞെടുക്കാൻ പ്രത്യേകം ശ്രദ്ധിക്കണം.

എയു സ്മോൾ ഫിനാൻസ് ബാങ്ക് 2 കോടി രൂപയിൽ താഴെയുള്ള സ്ഥിര നിക്ഷേപങ്ങളുടെ പലിശ നിരക്ക് വർദ്ധിപ്പിച്ചിട്ടുണ്ട്. തുടർച്ചയായ എട്ടാം തവണയും ബെഞ്ച്മാർക്ക് റിപ്പോ നിരക്ക് 6.5% ആയി നിലനിർത്താൻ മോണിറ്ററി പോളിസി കമ്മിറ്റി (എംപിസി) തീരുമാനിച്ചതായി ആർബിഐ ഗവർണർ പ്രസ്താവിച്ചതിന് പിന്നാലെയാണ് എയു സ്മോൾ ഫിനാൻസ് ബാങ്ക് സ്ഥിര നിക്ഷേപങ്ങളുടെ പലിശ നിരക്ക് ഉയർത്തിയത്.

മികച്ച പലിശ നേടാം

7 ദിവസം മുതൽ 1 മാസവും 15 ദിവസം വരെ കാലാവധിയുള്ള സ്ഥിര നിക്ഷേപക്കിന് 3.75 ശതമാനം പലിശയമാണ് എയു സ്മോൾ ഫിനാൻസ് ബാങ്ക് വാഗ്ധാനം ചെയ്യുന്നത്. 1 മാസവും 16 ദിവസവും മുതൽ 3 മാസം വരെ കാലാവധിയുള്ള നിക്ഷേപത്തിന്‍റെ പലിശ 5.50 ശതമാനമാണ്. എന്നാൽ നിക്ഷേപ കാലാവധി മൂന്ന് മാസം മുതൽ 6 മാസം വരെയാണെങ്കിൽ 6 ശതമാനം പലിശ നേടാം. ആറ് മാസം മുതൽ 1 വർഷം വരെ കാലാവധിയുള്ള നിക്ഷേപത്തിന് ബാങ്ക് നൽകുന്ന പലിശ 7.25 ശതമാനമാണ്.

8 ശതമാനം പലിശ

നിക്ഷേപ കാലാവധി 1 വർഷം മുതൽ 15 മാസം വരെയാണെങ്കിൽ 7.85 ശതമാനം പലിശ നേടാം. എന്നാൽ 15 മുതൽ 18 മാസം വരെയാണ് നിക്ഷേപ കാലാവധിയെങ്കിൽ 7.50 ശതമാനം പലിശ മാത്രമേ ലഭിക്കുകയുള്ളു. 18 മാസത്തിനുള്ളിൽ കാലാവധി പൂർത്തിയാകുന്ന സ്ഥിരനിക്ഷേപങ്ങൾക്ക് എയു സ്മോൾ ഫിനാൻസ് ബാങ്ക് 8 ശതമാനം പലിശ വാഗ്ധാനം ചെയ്യുന്നു.

അതേസമയം 18 മാസം മുതൽ 24 മാസം വരെ കാലാവധിയുള്ള നിക്ഷേപത്തിന് നൽകുന്ന പലിശ 7.75 ശതമാനമാണ്. നിക്ഷേപ കാലാവധി 24 മാസം മുതൽ 45 മാസം വരെയാണെങ്കിൽ 7.5 ശതമാനം പലിശയും 45 മാസം മുതൽ 120 മാസം വരെയുള്ള നിക്ഷേപത്തിന് 7.25 ശതമാനം പലിശയും നേടാം.

മുതിർന്ന പൗരന്മാർക്ക് അധിക പലിശ

സ്ഥിര നിക്ഷേപം നടത്തുന്ന മുതിർന്ന പൗരന്മാർക്ക് എയു സ്മോൾ ഫിനാൻസ് ബാങ്ക് 50 ബിപിഎസ് അധിക ആനുകൂല്യം നൽകുന്നുണ്ട്. അതായത് ഏത് കാലയളവിലെ നിക്ഷേപമാണെങ്കിലും 0.50 ശതമാനം അധിക പലിശ നേടാൻ സാധിക്കും.

നിക്ഷേപ കാലാവധി 1 വർഷം മുതൽ 15 മാസം വരെയാണെങ്കിൽ മുതിർന്ന പൗരന്മാർക്ക് 8.35 ശതമാനം പലിശ ലഭിക്കും. ഇനി 18 മാസമാണ് നിക്ഷേപ കാലാവധിയെങ്കിൽ ലഭിക്കുന്ന പലിശ 8.5 ശതമാനമായിരിക്കും. നിക്ഷേപ കാലാവധി 24 മാസം മുതൽ 45 മാസം വരെയാണെങ്കിൽ 8 ശതമാനം പലിശയും 45 മാസം മുതൽ 120 മാസം വരെയുള്ള നിക്ഷേപത്തിന് 7.75 ശതമാനം പലിശയും മുതിർന്ന പൗരന്മാർക്ക് നേടാം.