കയ്യിൽ പണില്ലേ, വിഷമിക്കേണ്ട; കുറഞ്ഞ പലിശയിൽ ഈ ബാങ്കുകൾ ലോൺ തരും, വിശദമായി അറിയാം

പെട്ടെന്ന് പണം ആവശ്യമായി വരുമ്പോൾ പലരും ആശ്രയിക്കുന്നത് ബാങ്കുകളെയാണ്. വ്യക്തിഗത വായ്പ അഥവാ പേഴ്സണൽ ലോണിലൂടെ ഈടില്ലാതെ തന്നെ ഉയർന്ന തുക കണ്ടെത്താൻ ആളുകളെ സഹായിക്കുന്നു. 2025 ജൂണിൽ റിസർവ് ബാങ്ക് റിപ്പോ നിരക്ക് 0.5% കുറച്ചു. ഇത് ബാങ്കുകളെ അവരുടെ വായ്പാ നിരക്കുകൾ കുറയ്ക്കാൻ പ്രേരിപ്പിച്ചു. എന്നിരുന്നാലും, വ്യക്തിഗത വായ്പയുടെ പലിശ നിരക്ക് ക്രെഡിറ്റ് സ്കോർ, വരുമാനം, വായ്പ കാലാവധി തുടങ്ങിയവയെ ആശ്രയിച്ചാണ് തീരുമാനിക്കുന്നത്. നമുക്ക് വിശദമായി നോക്കാം. അതോടൊപ്പം വിവിധ ബാങ്കുകൾ വ്യക്തിഗത വായ്പയ്ക്ക് ഈടാക്കുന്ന പലിശ നിരക്കും പരിശോധിക്കാം.

പലിശ നിരക്കിനെ ബാധിക്കുന്ന ഘടകങ്ങൾ

1. ക്രെഡിറ്റ് സ്കോർ: 730 ന് മുകളിൽ ക്രെഡിറ്റ് സ്കോർ ഉള്ള വായ്പക്കാർക്ക് പൊതുവെ മികച്ച നിരക്കുകൾ ലഭിക്കും. ഉയർന്ന ക്രെഡിറ്റ് സ്കോർ, വ്യക്തിഗത വായ്പയുടെ നിബന്ധനകളും വ്യവസ്ഥകളും മികച്ചതായിരിക്കും .

2. വരുമാനം: പ്രശസ്ത കമ്പനികളിൽ നിന്നോ സ്ഥിരതയുള്ള സ്വയംതൊഴിൽ ചെയ്യുന്ന പ്രൊഫഷണലുകളിൽ നിന്നോ ശമ്പളം വാങ്ങുന്നവർക്ക് അനുകൂലമായ വിലനിർണ്ണയം ലഭിക്കും. നിങ്ങളുടെ തൊഴിൽ സ്ഥിരതയുള്ളതാണെങ്കിൽ മികച്ച പലിശ നിരക്ക് നേടാം.

3. പ്രോസസ്സിംഗ് ഫീസും മറ്റ് ചാർജുകളും : കുറഞ്ഞ പ്രോസസ്സിംഗ് ഫീസ് മുൻകൂർ ചെലവുകൾ ഗണ്യമായി കുറയ്ക്കും.

4. കാലാവധിയും വായ്പാ തുകയും: കുറഞ്ഞ കാലാവധി മൊത്തത്തിലുള്ള പലിശ നിരക്ക് കുറയ്ക്കുമെങ്കിലും ഇഎംഐ വർദ്ധിപ്പിക്കും.

എന്തൊക്കെ കാര്യങ്ങൾ ശ്രദ്ധിക്കണം..?

1. പലിശ നിരക്കുകളും ഫീസുകളും താരതമ്യം ചെയ്യുക

2. പ്രീപേയ്‌മെന്‍റ്, ഫോർക്ലോഷർ ചാർജുകൾ പരിശോധിക്കുക

3. ഇഎംഐ കാൽകുലേറ്റർ ഉപയോഗിക്കുക

പലിശ നിരക്ക്

1. കാനറ ബാങ്ക്: 9.95 ശതമാനം മുതൽ 15.40 ശതമാനം വരെ നിരക്കിലാണ് കാനറ ബാങ്ക് വ്യക്തിഗത വായ്പ നൽകുന്നത്. 2500 രൂപവരെ പ്രോസസ്സിംഗ് ഫീസും ബാങ്ക് ഈടാക്കും.

2. ആക്സിസ് ബാങ്ക്: 9.99 മുതൽ 22 ശതമാനം വരെ പലിശ നിരക്കാണ് വ്യക്തിഗത വായ്പയ്ക്ക് ബാങ്ക് ഈടാക്കുന്ന്. 2 ശതമാനമാണ് പ്രോസസ്സിംഗ് ഫീ.

3. യൂണിയൻ ബാങ്ക് ഓഫ് ഇന്ത്യ: വ്യക്തിഗത വായ്പകൾക്ക് 10.35 മുതൽ 14.45 ശതമാനം വരെ പലിശയാണ് യൂണിയൻ ബാങ്ക് ഈടാക്കുന്നത്. 7500 രൂപയാണ് പ്രോസസ്സിംഗ് ഫീ.

4. ബാങ്ക് ഓഫ് ബറോഡ: 10.40 ശതമാനം മുതൽ 18.20 ശതമാനം വരെയാണ് പലിശ നിരക്ക്. 2 ശതമാനം വരെ പ്രോസസ്സിംഗ് ഫീയും ബാങ്ക് ഈടാക്കുന്നു.

5. ഐസിഐസിഐ ബാങ്ക്: 10.60 ശതമാനം മുതലുള്ള പലിശ നിരക്കിലാണ് ബാങ്ക് വ്യക്തിഗത വായ്പകൾ നൽകുന്നത്. 2 ശതമാനം വരെ പ്രോസസ്സിംഗ് ഫീയും ബാങ്ക് ഈടാക്കുന്നു.

6. സ്റ്റേറ്റ് ബാങ്ക് ഓഫ് ഇന്ത്യ: 10.10 മുതൽ 15.10 ശതമാനം പലിശയാണ് ബാങ്ക് ഈടാക്കുന്നത്. പ്രോസസ്സിംഗ് ഫീ 1.5 ശതമാനം വരെ.

7. എച്ച്ഡിഎഫ്സി ബാങ്ക്: 10.90 മുതൽ- 24 ശതമാനം വരെ പലിശ വ്യക്തിഗത വായ്പയ്ക്ക് ബാങ്ക് ഈടാക്കുന്നു. 6,500 വരെ പ്രോസസ്സിംഗ് ഫീയും നൽകണം.

വായ്പ എടുക്കുന്നതിന് മുമ്പ് പലിശ നിരക്കുകൾ, ഫീസ്, സേവന നിലവാരം എന്നിവ ശ്രദ്ധാപൂർവ്വം താരതമ്യം ചെയ്യേണ്ടത് നിർണായകമാണ്, കൂടാതെ നിങ്ങളുടെ തിരിച്ചടവ് ശേഷി സമഗ്രമായി വിലയിരുത്തിയ ശേഷം മാത്രം വായ്പ എടുക്കുക.