സമ്പാദ്യം വളർത്താൻ നല്ലത് സ്ഥിര നിക്ഷേപം, പലിശ നിരക്കുയർത്തി ഈ ബാങ്ക്, പലിശയിലൂടെ മാത്രം ലക്ഷങ്ങൾ സമ്പാദിക്കാം

ഏറ്റവും സുരക്ഷിതമായ സാമ്പത്തിക നിക്ഷേപമാണ് സ്ഥിര നിക്ഷേപം അഥവാ എഫ്.ഡി. ഒരു നിശ്ചിത കാലത്തേക്ക് നിശ്ചിത തുക നിക്ഷേപിക്കുന്നതിനെയാണ് സ്ഥിര നിക്ഷേപം എന്നു പറയുന്നത്. നിക്ഷേപത്തിന് നേരത്തെ വാഗ്ധാനം ചെയ്യുന്ന പലിശ ലഭിക്കുകയും ചെയ്യും. ഭാവിയിലെ ആവശ്യങ്ങൾ മുൻകൂട്ടി കണ്ട് അതിനായി സാമ്പാദ്യം കണ്ടെത്താൻ ഏറ്റവും മികച്ച മാർഗമാണ് സ്ഥിര നിക്ഷേപം. 7 ദിവസം മുതൽ 10 വർഷം വരെ കാലാവധിയിൽ സ്ഥിര നിക്ഷേപങ്ങൾ ലഭ്യമാണ്. എന്നാൽ പലിശ നിരക്ക് ബാങ്കുകൾക്ക് അനുസരിച്ച് വ്യത്യാസപ്പെടും.

രാജ്യത്തെ പ്രമുഖ ബാങ്കുകളിലൊന്നായ ആക്സിസ് ബാങ്ക് സ്ഥിര നിക്ഷേപത്തിന്‍റെ പലിശ നിരക്കുകൾ പരിഷ്കരിച്ചിട്ടുണ്ട്. സാധാരണ ഉപഭോക്താക്കൾക്ക് 3 ശതമാനം മുതൽ 7.20 ശതമാനം വരെ പലിശ ബാങ്ക് വാഗ്ദാനം ചെയ്യുന്നു. അതേസമയം, മുതിർന്ന പൗരന്മാർക്ക് 3.50 ശതമാനം മുതൽ 7.85 ശതമാനം വരെയാണ് പലിശ നൽകുന്നത്. 7 ദിവസം മുതൽ 10 വർഷം വരെയുള്ള എഫ്ഡികൾ ബാങ്ക് വാഗ്ദാനം ചെയ്യുന്നു. ആക്‌സിസ് ബാങ്കിൻ്റെ പുതിയ പലിശ നിരക്കുകൾ 2024 ഓഗസ്റ്റ് 1 മുതൽ നിലവിൽ വന്നു.

3 കോടി രൂപയിൽ താഴെയുന്ന സ്ഥിര നിക്ഷേപത്തിന് ആക്സിസ് ബാങ്ക് വാഗ്ധാനം ചെയ്യുന്ന പലിശ നിരക്കുകൾ പരിശോധിക്കാം.

1. 7 ദിവസം മുതൽ 14 ദിവസം വരെ: പൊതുജനങ്ങൾക്ക് 3.00%; മുതിർന്ന പൗരന്മാർക്ക് 3.50%

2. 30 ദിവസം മുതൽ 45 ദിവസം വരെ: പൊതുജനങ്ങൾക്ക് 3.50%; മുതിർന്ന പൗരന്മാർക്ക് 4%

3. 61 ദിവസം മുതൽ 3 മാസത്തിൽ താഴെ: പൊതുജനങ്ങൾക്ക് 4.50%; മുതിർന്ന പൗരന്മാർക്ക് 5%

4. 4 മാസം മുതൽ 5 മാസത്തിൽ താഴെ: പൊതുജനങ്ങൾക്ക് 4.75%; മുതിർന്ന പൗരന്മാർക്ക് 5.25%

6. 6 മാസം മുതൽ 9 മാസത്തിൽ താഴെ: പൊതുജനങ്ങൾക്ക് 5.75% ; മുതിർന്ന പൗരന്മാർക്ക് 6.25%

7. 9 മാസം മുതൽ 11 മാസത്തിൽ താഴെ: പൊതുജനങ്ങൾക്ക് 6.00%; മുതിർന്ന പൗരന്മാർക്ക് 6.50%

8. 10 മാസം മുതൽ 1 വർഷത്തിൽ താഴെ: പൊതുജനങ്ങൾക്ക് 6.00%; മുതിർന്ന പൗരന്മാർക്ക് 6.50%

9. 1 വർഷം 15 മാസത്തിൽ താഴെ: പൊതുജനങ്ങൾക്ക് 6.70%; മുതിർന്ന പൗരന്മാർക്ക് 7.20%

10. 15 മാസം മുതൽ 17 മാസത്തിൽ താഴെ: പൊതുജനങ്ങൾക്ക് 7.10%, മുതിർന്ന പൗരന്മാർക്ക് 7.60%

11. 17 മാസം മുതൽ 18 മാസം വരെ: പൊതുജനങ്ങൾക്ക് 7.20%; മുതിർന്ന പൗരന്മാർക്ക് 7.85%

12. 18 മാസം മുതൽ 2 വർഷത്തിൽ താഴെ: പൊതുജനങ്ങൾക്ക് 7.10%; മുതിർന്ന പൗരന്മാർക്ക് 7.70%

13. 2 വർഷം മുതൽ 30 മാസത്തിൽ താഴെ: പൊതുജനങ്ങൾക്ക് 7.10%; മുതിർന്ന പൗരന്മാർക്ക് 7.60%

14. 30 മാസം മുതൽ 3 വർഷത്തിൽ താഴെ: പൊതുജനങ്ങൾക്ക് 7.10%; മുതിർന്ന പൗരന്മാർക്ക് 7.60%

15. 3 വർഷം മുതൽ 5 വർഷം വരെ: പൊതുജനങ്ങൾക്ക് 7.10%; മുതിർന്ന പൗരന്മാർക്ക് 7.60%

16. 5 വർഷം മുതൽ 10 വർഷം വരെ: പൊതുജനങ്ങൾക്ക് 7.00%; മുതിർന്ന പൗരന്മാർക്ക് 7.75%