'ക്രെഡിറ്റ് കാർഡിന് ഇങ്ങനെ ചില പ്രശ്നങ്ങൾ ഉണ്ട്', ആക്സിസ് വിസ്താര എടുത്തവർ അറിയേണ്ട മാറ്റങ്ങൾ

നമുക്കറിയാം ക്രെഡിറ്റ് കാർഡുകൾ എപ്പോഴും മികച്ച ഒരു പണ വിനിമയ ഉപാധിയാണ്. 40 ദിവസത്തോളം തിരിച്ചടവ് കാലാവധി ലഭിക്കുന്ന തരത്തിൽ പണം ചിലവിടലും, ഷോപ്പിങ്ങും നടത്താൻ കഴിയുന്ന കാർഡുകൾ ഫൈനാൻഷ്യൽ മാനേജ്മെന്റിന് എല്ലാവരെയും സഹായിക്കുന്ന ഒന്നു കൂടിയാണ്. എന്നാൽ കാലാതീതമായി ഈ കാർഡുകളിൽ എല്ലാം പലതരത്തിലുള്ള മാറ്റങ്ങൾ വന്നുകൊണ്ടേയിരിക്കും. അത്തരത്തിൽ ആക്സിസ് വിസ്താര ക്രെഡിറ്റ് കാർഡുകളിൽ വന്ന ചില മാറ്റങ്ങൾ ഏപ്രിൽ 18 മുതൽ നിലവിൽ വരുമെന്നാണ് റിപ്പോർട്ടുകൾ സൂചിപ്പിക്കുന്നത്.

ആക്‌സിസ് ബാങ്ക് വിസ്താര ക്രെഡിറ്റ് കാർഡിന്റെ നേട്ടങ്ങളിലാണ് വലിയ മാറ്റങ്ങൾ വരാൻ പോകുന്നത്. ഏപ്രിൽ 18, 2025 മുതൽ നിലവിൽ വരുന്ന പുതിയ വ്യവസ്ഥകൾ പ്രകാരം കാർഡ് പുതുക്കുന്നതിനുള്ള വാർഷിക ഫീസ് ഒഴിവാക്കിയിട്ടുണ്ട്. എന്നാല്‍, ചില പ്രധാന യാത്രാസംബന്ധിത ആനുകൂല്യങ്ങൾ ഇനി ലഭ്യമാകില്ല.

വിമാനയാന മേഖലയിലെ സുപ്രധാന ലയനമായ എയർ ഇന്ത്യ-വിസ്താര ലയന പ്രകാരമുള്ള മാറ്റങ്ങളുടെ ഭാഗമായാണ് ആക്‌സിസ് ബാങ്ക് ഈ പുതുക്കലുകൾ അവതരിപ്പിച്ചിരിക്കുന്നത്. ആക്‌സിസ് ബാങ്ക് വിസ്താര ക്രെഡിറ്റ് കാർഡിന്റെ ഇപ്പോഴുള്ള ഉപഭോക്താക്കളെയും പുതുതായി കാർഡ് എടുക്കാനാഗ്രഹിക്കുന്നവരെയും ഈ മാറ്റങ്ങൾ ബാധിക്കും.

വരാൻ പോകുന്ന പ്രധാന മാറ്റങ്ങൾ

1. വാർഷിക ഫീസ് ഒഴിവാക്കൽ

ഏപ്രിൽ 18, 2025 മുതൽ ആക്സിസ് ബാങ്ക് വിസ്താരാ ക്രെഡിറ്റ്‌ കാർഡ് എടുക്കുന്ന ഉടമകൾക്ക് ഇനി വാർഷിക ഫീസ് നൽകേണ്ടതില്ല. എന്നാല്‍, ഏപ്രിൽ 18, 2025-ന് മുമ്പ് കാർഡ് എടുക്കുന്നവർക്ക് നിലവിലെ വാർഷിക ഫീസ് തുടരുമെന്ന് ബാങ്ക് വ്യക്തമാക്കിയിട്ടുണ്ട്.

2. ചില പ്രധാന ആനുകൂല്യങ്ങൾ ഇനി ലഭ്യമാകില്ല

വിസ്താര ക്രെഡിറ്റ് കാർഡ് എടുക്കുന്ന ഉപഭോക്താക്കൾക്ക് ഇനി ഈ ആനുകൂല്യങ്ങൾ ലഭിക്കില്ല:

*മഹാരാജ ക്ലബ്‌ എലൈറ്റ് ടയർ അംഗത്വം

എയർ ഇന്ത്യയുടെ പ്രീമിയം അംഗത്വം ഇനി ലഭ്യമാകില്ല.

*കാർഡ് എടുക്കുമ്പോഴുള്ള സൗജന്യ ടിക്കറ്റ് വൗച്ചറുകൾ

നേരത്തെ കാർഡ് എടുക്കുമ്പോൾ ലഭിച്ചിരുന്ന വിസ്താര എയർലൈൻസ് ടിക്കറ്റ് വൗച്ചർ ലഭ്യമാകില്ല.

*മൈൽസ്റ്റോൺ സ്പെൻഡ്‌സ് ബെനിഫിറ്റ്

നിശ്ചിത തുക ചെലവഴിക്കുമ്പോൾ ലഭിച്ചിരുന്ന സൗജന്യ ടിക്കറ്റ് വൗച്ചറുകൾ ഒഴിവാക്കി.

3. മഹാരാജാ പോയിന്റ് ലഭിക്കുന്നതിൽ മാറ്റമുണ്ടോ?

കാർഡുടമകൾക്ക് ഇപ്പോഴും എല്ലാ അർഹമായ ഇടപാടുകൾക്കും മഹാരാജാ പോയിന്റുകൾ നേടാം.
മഹാരാജാ പോയിന്റുകളുടെ വാലിഡിറ്റി അതുപോലെ തന്നെ തുടരും. എയർ ഇന്ത്യയുടെ മഹാരാജ ക്ലബ്‌ ലോയൽറ്റി പ്രോഗ്രാം പ്രകാരമാണ് പോയിന്റുകൾ ഉപയോഗിക്കാവുന്നത്. പോയിന്റുകളുടെ ഉപയോഗവും എയർ ഇന്ത്യയുടെ ഔദ്യോഗിക വെബ്‌സൈറ്റിൽ വ്യക്തമാക്കിയ നിബന്ധനകൾക്കനുസൃതമായിരിക്കും.

4. ക്രെഡിറ്റ് കാർഡ് ഉപയോഗം തുടരുക

ആക്സിസ് ബാങ്ക് വിസ്താരാ ക്രെഡിറ്റ്‌ കാർഡ് ഉപയോഗം തുടരുക. കാർഡ് ഉപയോഗിച്ച് ദേശീയ, അന്തർദേശീയ ഇടപാടുകൾ നടത്തി മഹാരാജാ പോയിന്റുകൾ നേടാം. ഓൺലൈൻ ഷോപ്പിംഗ്, സ്റ്റോർ ഇടപാടുകൾ, വിമാന ടിക്കറ്റ് ബുക്കിംഗ് മുതലായ ഇടപാടുകൾക്ക് മഹാരാജാ പോയിന്റുകൾ ലഭിക്കും.

എന്നാൽ, താഴെപ്പറയുന്ന ഇടപാടുകൾക്ക് മഹാരാജാ പോയിന്റുകൾ ലഭ്യമാകില്ല:

1. വാടക പണമടയ്ക്കൽ

2. വാലറ്റ് ലോഡിംഗ് ട്രാൻസാക്ഷനുകൾ

3. യൂട്ടിലിറ്റി ബിൽ പേയ്മെന്റ്

4. സർക്കാർ സേവനങ്ങൾ

5. ചില പ്രീമിയം ആനുകൂല്യങ്ങൾ തുടരും

*ഏയർപോർട്ട് ലൗഞ്ച് ആക്‌സസ്

കാർഡ് വിഭാഗത്തിനനുസരിച്ച് ഫ്രീ ലൗഞ്ച് ആക്‌സസ്.

*ഗോൾഫ് ആനുകൂല്യങ്ങൾ

ചില പ്രമുഖ ഗോൾഫ് കോഴ്‌സുകളിൽ ആനുകൂല്യങ്ങൾ.

*ഡൈനിംഗ് ഓഫറുകൾ

മികച്ച റെസ്റ്റോറന്റുകളിൽ പ്രത്യേക ഇളവുകൾ.

ഉദാഹരണങ്ങൾ: പുതിയ വ്യവസ്ഥ എങ്ങനെ ബാധിക്കും?

ഉദാഹരണം 1: കാർഡ് പുതുക്കൽ ഏപ്രിൽ 18, 2025-നു മുമ്പാണെങ്കിൽ:

*വാർഷിക ഫീസ് ഈടാക്കും.

*വെൽക്കം ടിക്കറ്റ് വൗച്ചർ, മൈൽസ്റ്റോൺ സ്പെൻഡ്‌സ് ബെനിഫിറ്റ് എന്നിവ ലഭിക്കും.

*മഹാരാജാ പോയിന്റുകൾ സാധുവായ എല്ലാ ഇടപാടുകൾക്കും ലഭിക്കും.

ഉദാഹരണം 2: കാർഡ് പുതുക്കൽ ഏപ്രിൽ 18, 2025-ന് ശേഷമാണെങ്കിൽ:

*വാർഷിക ഫീസ് ഒഴിവാക്കും.

*വെൽക്കം ടിക്കറ്റ് വൗച്ചർ, ക്ലാസ് അപ്‌ഗ്രേഡ് വൗച്ചർ, ടയർ മെമ്പർഷിപ്, മൈൽസ്റ്റോൺ സ്പെൻഡ്‌സ് ബെനിഫിറ്റ് എന്നിവ ഇനി ലഭ്യമാകില്ല.

*മഹാരാജാ പോയിന്റുകൾ തുടരും.

ഉപഭോക്താക്കൾക്കുള്ള പ്രധാന സന്ദേശം

എയർ ഇന്ത്യ-വിസ്താര ലയനം മൂലമുള്ള ഈ മാറ്റങ്ങൾ വിമാനയാത്രയ്ക്കുള്ള ആനുകൂല്യങ്ങൾ കുറക്കുന്നതായിരിക്കും. എന്നാൽ, കാർഡ് ഉപഭോക്താക്കൾക്ക് വാർഷിക ഫീസ് ഒഴിവാക്കി മഹാരാജാ പോയിന്റുകൾ ഉപയോഗിച്ച് യാത്രാ ആനുകൂല്യങ്ങൾ നേടാൻ കഴിയുന്നതായിരിക്കും.
നിലവിലെ ഉപഭോക്താക്കൾക്ക് എയർ ഇന്ത്യയുടെ ഔദ്യോഗിക വെബ്‌സൈറ്റിൽ പോയിന്റ് റീഡംപ്ഷൻ സംബന്ധിച്ച കൂടുതൽ വിവരങ്ങൾ ലഭിക്കും.
എന്തായാലും ഏപ്രിൽ 18, 2025-നു ശേഷം ആക്‌സിസ് ബാങ്ക് ഈ ക്രെഡിറ്റ് കാർഡ് സംബന്ധിച്ച് അധിക അപ്ഡേറ്റുകൾ വരുത്തുമോയെന്ന് കാത്തിരുന്ന് കാണേണ്ടതായിരിക്കും.