എളുപ്പത്തിൽ സമ്പാദ്യം വളർത്താം, ലക്ഷങ്ങൾ അധികം ലഭിക്കും, ഇവിടെയാണ് മികച്ച പലിശ

നിങ്ങളുടെ പണം സുരക്ഷിതമായി നിക്ഷേപിച്ച് സ്ഥിരമായ വരുമാനം നേടാൻ ആഗ്രഹിക്കുന്നുണ്ടോ..? സ്ഥിര നിക്ഷേപങ്ങൾ (എഫ്ഡി) സാധാരണ നിക്ഷേപകർക്കും മുതിർന്ന പൗരന്മാർക്കും ഏറ്റവും ജനപ്രിയമായ ഓപ്ഷനുകളിൽ ഒന്നാണ്. എസ്‌ബി‌ഐ, കാനറ ബാങ്ക്, പി‌എൻ‌ബി, ബാങ്ക് ഓഫ് ബറോഡ തുടങ്ങിയ മുൻനിര ബാങ്കുകൾ 2025 ലെ എഫ്ഡി പലിശ നിരക്കുകൾ പരിഷ്കരിച്ചു. മുതിർന്ന പൗരന്മാർക്ക് അൽപ്പം ഉയർന്ന വരുമാനം പുതിയ നിരക്കുകൾ വാഗ്ദാനം ചെയ്യുന്നു.

എസ്‌ബി‌ഐ

7 മുതൽ 45 ദിവസം വരെയുള്ള സ്ഥിര നിക്ഷേപത്തിന് 3.05 ശതമാനമാണ് പലിശ. എന്നാൽ കാലാവധി 1 മുതൽ 2 വർഷത്തേക്കാണെങ്കിൽ 6.25 ശതമാനം പലിശ നേടാം. അഞ്ച് മുതൽ 10 വർഷത്തേക്കാണ് നിക്ഷേപം നടത്തുന്നതെങ്കിൽ 6.05 ശതമാനമാണ് പലിശ ലഭിക്കുക. മുതിർന്ന പൗരന്മാർക്ക് അൽപ്പം ഉയർന്ന വരുമാനം ലഭിക്കും. ഹ്രസ്വകാല നിക്ഷേപങ്ങൾക്ക് 3.55 ശതമാനം മുതൽ 5-10 വർഷത്തെ കാലാവധിയുള്ളവയ്ക്ക് 7.05 ശതമാനം വരെയാണ് നിരക്കുകൾ.

പഞ്ചാബ് നാഷണൽ ബാങ്ക്

7 മുതൽ 14 ദിവസം വരെയുള്ള സ്ഥിര നിക്ഷേപത്തിന് ബാങ്ക് 3 ശതമാനം പലിശ വാഗ്ധാനം ചെയ്യുന്നു. എന്നാൽ നിക്ഷേപ കാലാവധി 1 വർഷമാണെങ്കിൽ 6.25 ശതമാനമായി പലിശ നിരക്ക് ഉയരും. 10 വർഷം വരെയുള്ള ദീർഘകാല നിക്ഷേപങ്ങൾക്ക് 6 ശതമാനം വരെ നിരക്കുകൾ ലഭിക്കും. മുതിർന്ന പൗരന്മാർക്ക് ഉയർന്ന റിട്ടേണുകൾ ലഭിക്കും, ദീർഘകാല നിക്ഷേപങ്ങൾക്ക് 6.80 ശതമാനം വരെയാണ് പലിശ.

കാനറ ബാങ്ക്

മൂന്ന് കോടി രൂപയിൽ താഴെയുള്ള നിക്ഷേപങ്ങൾക്ക് കാനറ ബാങ്ക് 7-45 ദിവസത്തേക്ക് 3.25% മുതൽ ആരംഭിക്കുന്ന നിരക്കുകൾ വാഗ്ദാനം ചെയ്യുന്നു. 1 വർഷവും അതിൽ കൂടുതലുമുള്ള നിക്ഷേപ കാലാവധിക്ക് 6.25 ശതമാനം വരെ പലിശ ലഭിക്കും. മുതിർന്ന പൗരന്മാർക്ക് 7-45 ദിവസത്തേക്ക് 3.25% മുതൽ ഒരു വർഷവും 3 മാസവും കൂടുതലുള്ള നിക്ഷേപങ്ങൾക്ക് 6.75% വരെ ഉയർന്ന നിരക്കുകൾ ലഭിക്കും.

ബാങ്ക് ഓഫ് ബറോഡ

3 കോടി രൂപയിൽ താഴെയുള്ള ആഭ്യന്തര ടേം നിക്ഷേപങ്ങൾക്ക് ബാങ്ക് ഓഫ് ബറോഡ സാധാരണ ഉപഭോക്താക്കൾക്ക് 7-14 ദിവസത്തേക്ക് 3.50%, 1 വർഷത്തെ നിക്ഷേപങ്ങൾക്ക് 6.25%, 1 വർഷത്തിന് മുകളിലുള്ള കാലാവധികൾക്ക് 6.50% വരെ പലിശ നൽകുന്നു. മുതിർന്ന പൗരന്മാർക്ക് ഉയർന്ന പലിശ ലഭിക്കും. ഏറ്റവും കുറഞ്ഞ കാലാവധിക്ക് 4.00% മുതൽ 1 വർഷത്തിന് മുകളിലുള്ള നിക്ഷേപങ്ങൾക്ക് 7.00% വരെയാണ് പലിശ.

റിസ്‌കില്ലാതെ സ്ഥിരമായ വരുമാനം ആഗ്രഹിക്കുന്നവർക്ക് ഏറ്റവും സുരക്ഷിതമായ നിക്ഷേപ ഓപ്ഷനുകളിൽ ഒന്നാണ് സ്ഥിര നിക്ഷേപങ്ങൾ. എന്നിരുന്നാലും, ഭാവിയിൽ റിപ്പോ നിരക്കുകൾ താഴേക്ക് പോകാൻ സാധ്യതയുള്ളതിനാൽ, ഇപ്പോൾ ഉയർന്ന എഫ്‌ഡി നിരക്കുകൾ ലോക്ക് ചെയ്യുന്നത് ഒരു മികച്ച സാമ്പത്തിക നീക്കമായിരിക്കാം. കൂടാതെ, മുതിർന്ന പൗരന്മാർക്ക്, മിക്ക ബാങ്കുകളും വാഗ്ദാനം ചെയ്യുന്ന അധിക 50 ബേസിസ് പോയിന്‍റുകൾ അവരുടെ വരുമാനത്തിൽ ശ്രദ്ധേയമായ വ്യത്യാസം വരുത്തും.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.