ബാങ്ക് അവധി ദിനങ്ങൾ: ആ​ഗസ്റ്റിൽ 15 ദിവസത്തോളം ഇന്ത്യയിലെ ബാങ്കുകൾ അടച്ചിടും, ഈ അവധി ദിനങ്ങൾ അറിയാം

2025 ആ​ഗസ്റ്റ് മാസത്തിൽ നിരവധി അവധികളും ആഘോഷങ്ങളുമാണ് വരാനിരിക്കുന്നത്. നിങ്ങൾ ആ​ഗസ്റ്റിൽ സാമ്പത്തിക ഇടപാടുകൾക്കായി ബാങ്കിൽ പോകുവാൻ ഒരുങ്ങുകയാണോ? എങ്കിൽ ഇത്തവണ ആ​ഗസ്റ്റ് മാസത്തിൽ മൊത്തം 15 ദിവസത്തോളം ബാങ്കുകൾ അടച്ചിടും. രാജ്യത്തുടനീളമുള്ള അവധികളും, വിവിധ ന​ഗരങ്ങളിലെ പ്രാദേശിക അവധികളും ബാങ്ക് അവധികൾക്ക് കാരണമാവുന്നു.

ഇന്ത്യയിലെ എല്ലാ പൊതു, സ്വകാര്യ ബാങ്കുകൾക്കും രണ്ടാമത്തെയും നാലാമത്തെയും ശനിയാഴ്ചകൾ അവധിയാണ്. ഇതിനു പുറമേ മാസത്തിലെ എല്ലാ ഞായറാഴ്ചകളിലും ബാങ്കുകൾ പ്രവർത്തിക്കില്ല. അതിനാൽ അടിയന്തിര ​ഘട്ടങ്ങളിൽ ബാങ്കിൽ പോകാനുണ്ടെങ്കിൽ ആ​ഗസ്റ്റിലെ ഏറ്റവും പുതിയ അവധി കലണ്ടർ അറിഞ്ഞിരിക്കാം.

2025 ആഗസ്റ്റിലെ ബാങ്ക് അവധി ദിനങ്ങൾ

ഓഗസ്റ്റ് 3, ഞായർ : ഇന്ത്യയിലുടനീളം എല്ലാ ഞായറാഴ്ചയും ബാങ്കുകൾക്ക് അവധിയാണ്.

ഓഗസ്റ്റ് 8, വെള്ളി : ടെൻഡോങ് ലോ റംഫാത്ത് ആഘോഷം നടക്കുന്നതിനാൽ സിക്കിമിലെ ബാങ്കുകൾക്ക് അവധിയാണ്.

ഓഗസ്റ്റ് 9, ശനി : രക്ഷാബന്ധൻ, ജുലാന പൂർണിമ എന്നീ ആഘോഷങ്ങൾ നടക്കുന്നതിനാൽ ​ഗുജറാത്ത്, മധ്യപ്രദേശ്, ഒഡീഷ, ഉത്തരാഖണ്ഡ്, രാജസ്ഥാൻ, ഉത്തർപ്രദേശ്, ഹിമാചൽ പ്രദേശ് എന്നീ സംസ്ഥാനങ്ങളിലെ ബാങ്കുകൾ അടച്ചിടും. മാത്രമല്ല ഈ ദിവസം രണ്ടാം ശനിയായതിനാൽ ഇന്ത്യയിൽ എല്ലാ സ്ഥലങ്ങളിലും അവധിയാണ്.

ഓഗസ്റ്റ് 10, ഞായർ : എല്ലാ ഞായറാഴ്ചയും ബാങ്ക് അവധിയാണ്.

ഓഗസ്റ്റ് 13, ബുധൻ : ദേശസ്നേഹ ദിനമായതിനാൽ മണിപ്പൂരിലെ ബാങ്കുകൾക്ക് ഈ ദിവസം അവധിയായിരിക്കും.

ഓഗസ്റ്റ് 15, വെള്ളിയാഴ്ച : രാജ്യം സ്വാതന്ത്ര്യ ദിനം ആഘോഷിക്കുന്നതിനാൽ ഈ ദിവസം കേരളം ഉൾപ്പെടെ രാജ്യത്തുടനീളമുള്ള എല്ലാ ബാങ്കുകൾക്കും അവധിയാണ്.

ഓഗസ്റ്റ് 16, ശനി : ജന്മാഷ്ടമി (ശ്രാവണ വാദ്-8), കൃഷ്ണ ജയന്തി എന്നീ ആഘോഷങ്ങൾ നടക്കുന്നതിനാൽ ഈ ദിവസം ഗുജറാത്ത്, മിസോറം, മധ്യപ്രദേശ്, ചണ്ഡീഗഡ്, തമിഴ്നാട്, ഉത്തരാഖണ്ഡ്, സിക്കിം, തെലങ്കാന, രാജസ്ഥാൻ, രാജസ്ഥാൻ, മേഘാലയ, ജമ്മു ആൻഡ് ശ്രീനഗർ, ആന്ധ്രപ്രദേശ് എന്നിവിടങ്ങളിൽ ബാങ്കുകൾ പ്രവർത്തിക്കില്ല.

ഓഗസ്റ്റ് 17, ഞായർ : എല്ലാ ഞായറാഴ്ചയും ബാങ്കുകൾ പ്രവർത്തിക്കില്ല.

ഓഗസ്റ്റ് 19, ചൊവ്വ : മഹാരാജ ബീർ ബിക്രം കിഷോർ മാണിക്യ ബഹദൂറിന്റെ ജന്മദിനമായതിനാൽ ത്രിപുരയിലെ ബാങ്കുകൾ അടച്ചിടും.

ഓഗസ്റ്റ് 23, ശനി : എല്ലാ നാലാം ശനിയാഴ്ചയും വാരാന്ത്യ അവധിയാണ്.

ഓഗസ്റ്റ് 24, ഞായർ : എല്ലാ ഞായറാഴ്ചയും ബാങ്കുകൾ അടച്ചിടും.

ഓഗസ്റ്റ് 25, തിങ്കളാഴ്‌ച : ശ്രീമന്ത ശങ്കരദേവന്റെ തിരുഭാവ തിഥി കാരണം അസമിൽ ബാങ്കുകൾ അടച്ചിരിക്കും.

ഓഗസ്റ്റ് 27, ബുധൻ : ഗണേശപൂജയും വിനായകർ ചതുർത്ഥിയും ആഘോഷിക്കുന്നതിനാൽ ഗുജറാത്ത്, മഹാരാഷ്ട്ര, കർണാടക, ഒഡീഷ, തമിഴ്നാട്, തെലങ്കാന, ഗോവ, ആന്ധ്രാപ്രദേശ് എന്നിവിടങ്ങളിലെ ബാങ്കുകൾ പ്രവർത്തിക്കില്ല.

ഓഗസ്റ്റ് 28, വ്യാഴം : അയ്യങ്കാളി ദിനമായതിനാൽ ഈ ദിനം കേരളത്തിലെ ബാങ്കുകൾക്ക് അവധിയായിരിക്കും.

ഓഗസ്റ്റ് 31, ഞായർ : ഇന്ത്യയിലുടനീളമുള്ള ബാങ്കുകൾ ഞായറാഴ്ച പ്രവർത്തിക്കില്ല.

ഈ അവധി ദിനങ്ങളിൽ വാരാന്ത്യ അവധി ഒഴിച്ചു നിർത്തിയാൽ കേരളത്തിൽ ആ​ഗസ്റ്റ് 15നും, ആ​ഗസ്റ്റ് 28നുമാണ് അധികമായ ബാങ്ക് അവധികൾ രേഖപ്പെടുത്തിയിരിക്കുന്നത്. അതിനാൽ ബാങ്ക് ഇടപാടുകൾക്കു മുന്നേ നിങ്ങളുടെ സ്ഥലത്തെ ബാങ്കുകളുടെ അവധി അറിഞ്ഞിരിക്കാം.