കലണ്ടറിൽ ജൂലൈ 6, അവധി ജൂലൈ 7ന്: തിങ്കളാഴ്ചയാണോ ബാങ്ക് അവധി? ബാങ്ക് ഇടപാടുകൾ പ്ലാൻ ചെയ്യാം

ബാങ്കുമായി ബന്ധപ്പെട്ട സാമ്പത്തിക ഇടപാടുകൾ പ്ലാൻ ചെയ്യുമ്പോൾ അവധി ദിനങ്ങൾ മനസിലാക്കുക. ജൂൺ മാസം അവസാനിച്ച് ജൂലൈ മാസത്തിലേക്ക് കടക്കുന്നു. ഇനി വരാനിരിക്കുന്നത് ഇസ്ലാമിക പുതുവത്സരത്തിന്റെ ആരംഭം കുറിക്കുന്ന മുഹറം തന്നെയാണ്. ഈ ദിവസം ഇന്ത്യയിലെ ഭൂരിഭാ​ഗം സ്ഥലങ്ങളിലും പൊതു അവധിയായിരിക്കും. നിങ്ങൾ ബാങ്ക് ഇടപാടുകൾ പ്ലാൻ ചെയ്യുന്നുണ്ടെങ്കിൽ ഈ ദിവസത്തെ കുറിച്ച് മനസിലാക്കുക.

മുഹറം ആഘോഷിക്കുന്നതിനാൽ ജൂലൈ 7ന് രാജ്യത്തെ ബാങ്കുകൾ അവധിയാണോ? കലണ്ടറിലെ അവധി ദിനം അനുസരിച്ച് ജൂലൈ 6 ഞായറാഴ്ചയാണ് മുഹറം. പക്ഷേ അത് ജൂലൈ 7 തിങ്കളാഴ്ചയിലേക്ക് മാറാനും സാധ്യതയുണ്ട്. മുഹറം ദിനം കണക്കാക്കുന്നത് ചന്ദ്രനെ കാണുന്ന സമയത്തെ ആശ്രയിച്ചാണ്. അതിനാൽ ഇന്ത്യയിൽ 2025 ജൂലൈ 6 അല്ലെങ്കിൽ 7 തീയതികളിൽ മുഹറം ആചരിച്ചേക്കാം.

ജൂലൈ 7നാണ് മുഹറം ആഘോഷിക്കുന്നത് എങ്കിൽ അന്ന് രാജ്യത്തുടനീളമുള്ള സ്കൂളുകൾ, ബാങ്കുകൾ, സർക്കാർ ഓഫീസുകൾ, സ്റ്റോക്ക് മാർക്കറ്റുകൾ എന്നിവ പ്രവർത്തിക്കില്ല. ജൂലൈ 7ന് മുഹറം കണക്കാക്കിയാൽ വാരാന്ത്യ അവധി ഉൾപ്പെടെ തുടർച്ചയായ അവധി ലഭിക്കുന്നു.

ഇസ്ലാമിക കലണ്ടറിൽ മുഹറത്തിന്റെ പ്രാധാന്യം

പുതിയ ഇസ്ലാമിക വർഷത്തിന്റെ ആരംഭം കുറിക്കുന്ന മുഹറം, ഇസ്ലാമിക കലണ്ടറിലെ പവിത്രമായ മാസങ്ങളിലൊന്നായും കണക്കാക്കപ്പെടുന്നു. മുഹറം പത്താം ദിവസത്തിലെ ആശൂറ ദിനത്തിന് പ്രത്യേക പ്രാധാന്യമുണ്ട്. പല മുസ്ലീങ്ങൾക്കും, പ്രത്യേകിച്ച് ഷിയ വിഭാഗത്തിൽപ്പെട്ടവർക്ക്, ആശൂറ ഒരു ദുഃഖദിനമാണ്. അത് ദുഃഖദിനമായി ആചരിക്കപ്പെടുന്നു. അതായത് എ.ഡി 680-ൽ കർബല യുദ്ധത്തിൽ കൊല്ലപ്പെട്ട പ്രവാചകൻ മുഹമ്മദ് നബിയുടെ ചെറുമകനായ ഇമാം ഹുസൈൻ ഇബ്നു അലിയുടെ രക്തസാക്ഷിത്വത്തെയാണ് ഇത് അനുസ്മരിക്കുന്നത്.

ജൂലൈ 7 പൊതു അവധിയാണോ? ഈ കാര്യങ്ങൾ അറിയാം

ഇസ്ലാമിലെ നാല് പുണ്യ മാസങ്ങളിൽ ഒന്നാണ് മുഹറം. ഈ ദിവസം ഇന്ത്യയിൽ പൊതു അവധി ദിവസമായി ആചരിക്കുന്നു. ചന്ദ്രനെ കാണുന്നതിനെ ആശ്രയിച്ചായിരിക്കും അവധി ദിനം കണക്കാക്കുന്നത്. പ്രതീക്ഷിക്കുന്ന തീയതിയിൽ ചന്ദ്രൻ ദൃശ്യമായില്ലെങ്കിൽ, അടുത്ത ദിവസം മുഹറം ആചരിക്കാം.

എന്നാൽ ജൂലൈ 7ന് മുഹറം ആഘോഷിക്കും എന്ന് ഔദ്യോ​ഗികമായി ഇനിയും പ്രഖ്യാപിച്ചിട്ടില്ല. മുഹറം കാരണം ചില സംസ്ഥാനങ്ങളിൽ ഇത് പൊതു അവധിയായിരിക്കാം, പക്ഷേ ഇത് ഒരു പൊതു ദേശീയ അവധിയല്ല എന്നത് ഓർമിക്കുക. അതിനാൽ ഔദ്യോ​ഗിക അവധിയെ കുറിച്ച് അറിഞ്ഞിരിക്കുക.

മുഹറം പ്രമാണിച്ച് ഓഹരി വിപണികൾക്കും അവധിയായിരിക്കും.

മുഹറം ദിനത്തിൽ ബാങ്കുകൾക്ക് മാത്രമല്ല ഓഹരി വിപണിക്കും അവധിയായിരിക്കും. വിപണിയിൽ സജീവമായിരിക്കുന്ന നിക്ഷേപകർ മുഹറം അവധിയെ കുറിച്ച് അറിഞ്ഞിരിക്കണം. ജൂലൈ 6 ഞായറാഴ്ചയാണ്. സാധാരണ എല്ലാ ശനിയും ഞായറും ഓഹരി വിപണി അവധിയാണ്. എന്നാൽ ഇത്തവണ ജൂലൈ 7ന് മുഹറം അവധി പ്രഖ്യാപിച്ചാൽ തിങ്കളാഴ്ചയും ഓഹരി വിപണി അവധിയാവും. അങ്ങനെയെങ്കിൽ തുടർച്ചയായ മൂന്ന് ദിവസവും ഓഹരി വിപണിയിലെ അവധി തുടരും.

നാഷണൽ സ്റ്റോക്ക് എക്സ്ചേഞ്ചും (എൻഎസ്ഇ) ബോംബെ സ്റ്റോക്ക് എക്സ്ചേഞ്ചും (ബിഎസ്ഇ) ഈ ദിവസം പ്രവർത്തിക്കില്ല. ഇക്വിറ്റി, ഇക്വിറ്റി ഡെറിവേറ്റീവുകൾ, എസ്എൽബി (സെക്യൂരിറ്റീസ് ലെൻഡിംഗ് ആൻഡ് ബോറോയിംഗ്), കറൻസി ഡെറിവേറ്റീവുകൾ, പലിശ നിരക്ക് ഡെറിവേറ്റീവുകൾ എന്നിവയിലെ വ്യാപാരം ഇതിൽ ഉൾപ്പെടുന്നു. എംസിഎക്സ് (മൾട്ടി കമ്മോഡിറ്റി എക്സ്ചേഞ്ച്) രാവിലെ വ്യാപാരം നിർത്തിവച്ച് വൈകുന്നേരം (വൈകുന്നേരം 5:00 മുതൽ രാത്രി 11:30/11:55 വരെ) പുനരാരംഭിക്കും.

അറിയിപ്പ്:
മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗുഡ്റിട്ടേൺസ് മലയാളവും ലേഖകനും ഉത്തരവാദികളല്ല.