പോസ്റ്റ് ഓഫീസ് സേവിംഗ്സ് അക്കൗണ്ട്; പലിശ നിരക്കും മറ്റ് നേട്ടങ്ങളും അറിയാം

പോസ്റ്റ് ഓഫീസ് നിക്ഷേപ പദ്ധതികള്‍ക്ക് കീഴില്‍ ഏതൊരാള്‍ക്കും പോസ്റ്റ് ഓഫീസ് സേവിംഗ്‌സ് അക്കൗണ്ട് ആരംഭിക്കാവുന്നതാണ്. എന്നാല്‍ ബാങ്ക് സേവിംഗ്‌സ് അക്കൗണ്ടിന് വിപരീതമായി ഇവിടെ നിങ്ങള്‍ക്ക് ഒരു സാമ്പത്തീക വര്‍ഷത്തില്‍ 13,500 രൂപ ആദായ നികുതി ഇനത്തില്‍ ലാഭിക്കുവാന്‍ സാധിക്കും.

 

അതേ സമയം പോസ്റ്റ് ഓഫീസ് സേവിംഗ്‌സ് അക്കൗണ്ട് ജോയിന്റ് അക്കൗണ്ട് ആണെങ്കില്‍ ഈ നികുതി നേട്ടം 17,000 രൂപയായി ഉയരും. ആദായ നികുതി റിട്ടേണ്‍ ഫയല്‍ ചെയ്യുന്ന സമയത്ത് പോസ്റ്റ് ഓഫീസ് സേവിംഗ്‌സ് അക്കൗണ്ട് ഉടമകള്‍ക്ക് ഈ നികുതി നേട്ടത്തിന് ക്ലെയിം ചെയ്യാവുന്നതാണ്.

ഇഎംഐ ഉള്ളവരാണോ നിങ്ങള്‍? ഓര്‍ക്കുക, ഇനി അവധിയില്ലാതെ അടയ്‌ക്കേണ്ടി വരും

ബാങ്ക് സേവിംഗ്‌സ് അക്കൗണ്ടുകളിലെ പലിശ നിരക്ക് 3 ശതമാനത്തിനോടടുത്താണ്. എന്നാല്‍ പോസ്റ്റ് ഓഫീസ് സേവിംഗ്‌സ് അക്കൗണ്ടുകള്‍ 4 ശതമാനം പലിശ നിരക്ക് അക്കൗണ്ട് ഉടമകള്‍ക്ക് വാഗ്ദാനം ചെയ്യുന്നു. അതായത് ബാങ്ക് സേവിംഗ്‌സ് അക്കൗണ്ടുകളേക്കാള്‍ ഏകദേശം മൂന്നിലൊന്ന് അധികം പലിശ നിരക്ക്.

ഈ സീരിയല്‍ നമ്പറുള്ള കറന്‍സിനോട്ട് കയ്യിലുണ്ടോ? നിങ്ങളെ കാത്തിരിക്കുന്നത് ലക്ഷാധിപതിയാകുവാനുള്ള എളുപ്പവഴി

അതിനാല്‍ റിസ്‌ക് എടുക്കുവാന്‍ തീരെ താത്പര്യമില്ലാത്ത നിക്ഷേപകര്‍ക്ക് പോസ്റ്റ് ഓഫീസ് സേവിംഗ്‌സ് അക്കൗണ്ടുകള്‍ മികച്ച തെരഞ്ഞെടുപ്പാണ്. 33 ശതമാനം അധിക പലിശ നിരക്കും, 35 ശതമാനം അധിക ആദായ നികുതി കിഴിവും ബാങ്ക് നിക്ഷേപങ്ങളേക്കാള്‍ പോസ്റ്റ് ഓഫീസ് നിക്ഷേപങ്ങള്‍ക്ക് ലഭിക്കും.