10 ലക്ഷം രൂപയുടെ കാറിൽ കറങ്ങി ഓണം അടിച്ച് പൊളിക്കാം, പണം ഈ ബാങ്കുകൾ നൽകും, പലിശ നിരക്കറിയാം

ഓണം ഇങ്ങെത്താറായി. ഇനി ചുരുക്കം ദിവസങ്ങൾ മാത്രമാണുള്ളത്. ഈ ഓണത്തിന് ഒരു അടിപൊളി കാർ വാങ്ങിയാലോ..? കാരണം ഉത്സവ സീസണിൽ കാർ വാങ്ങുന്നവർക്ക് ബാങ്കുകളിൽ നിന്നും ധനകാര്യ സ്ഥാപനങ്ങളിൽ നിന്നും ആവേശകരമായ ലോൺ ഓഫറുകൾ പ്രതീക്ഷിക്കാം. പൂജ്യം ഫോർക്ലോഷർ ചാർജുകൾ, വഴക്കമുള്ള തിരിച്ചടവ് ഓപ്ഷനുകൾ, പൂജ്യം പ്രോസസ്സിംഗ് ഫീസ്, ഉയർന്ന ക്രെഡിറ്റ് സ്കോറുകൾ ഉള്ളവർക്ക് കൂടുതൽ കിഴിവുകൾ തുടങ്ങിയ ആനുകൂല്യങ്ങൾ ഇതിൽ ഉൾപ്പെടുന്നു. എന്നിരുന്നാലും, നിങ്ങളുടെ ബജറ്റിനുള്ളിൽ ഏറ്റവും മികച്ച കാർ ലോൺ കണ്ടെത്തുന്നതിന് നിബന്ധനകളും വ്യവസ്ഥകളും ശ്രദ്ധാപൂർവ്വം അവലോകനം ചെയ്യേണ്ടത് അത്യാവശ്യമാണ്.

ഓഗസ്റ്റ് 19 ലെ ബാങ്ക് വെബ്‌സൈറ്റുകളിൽ നിന്നുള്ള ഡാറ്റ പ്രകാരം, അഞ്ച് വർഷത്തെ കാലാവധിയുള്ള 10 ലക്ഷം രൂപയുടെ പുതിയ കാർ ലോണിന്, മുൻനിര പൊതു, സ്വകാര്യ ബാങ്കുകൾ 7.80 ശതമാനം മുതൽ 9.99 ശതമാനം വരെ പലിശ നിരക്കുകൾ വാഗ്ദാനം ചെയ്യുന്നുണ്ടെന്ന് ബാങ്ക് ബസാർ പറയുന്നു. അതേസയമം ഈ നിരക്കുകളിൽ മാറ്റം വരാം. കാരണം അന്തിമമായി പലിശ നിരക്ക് ലോൺ എടുക്കുന്ന വ്യക്തിയുടെ ക്രെഡിറ്റ് സ്കോറുമായി ബന്ധപ്പെട്ടരിക്കുന്നു.

പഞ്ചാബ് നാഷണൽ ബാങ്ക്: പൊതുമേഖലാ ബാങ്കായ പഞ്ചാബ് നാഷണൽ ബാങ്ക് അഞ്ച് വർഷത്തെ കാലാവധിയിൽ 10 ലക്ഷം രൂപയുടെ പുതിയ കാർ ലോണിന് 7.80 ശതമാനം ഈടാക്കുന്നു. ഇഎംഐ 20,181 രൂപയായിരിക്കും.

യൂണിയൻ ബാങ്ക് ഓഫ് ഇന്ത്യ: 10 ലക്ഷം രൂപയുടെ പുതിയ കാർ ലോണിന് അഞ്ച് വർഷത്തെ കാലാവധിയിൽ 7.90 ശതമാനം പലിശയാണ് യൂണിയൻ ബാങ്ക് ഈടാക്കുന്നത്. ഇഎംഐ 20,229 രൂപയാണ്.

കാനറ ബാങ്ക്: അഞ്ച് വർഷത്തെ കാലാവധിയുള്ള 10 ലക്ഷം രൂപയുടെ പുതിയ കാർ ലോണിന് കാനറ ബാങ്ക് 8.25 ശതമാനം ഈടാക്കുന്നു. ഇഎംഐ 20,396 രൂപയാണ്.

ബാങ്ക് ഓഫ് ബറോഡ: സർക്കാർ ഉടമസ്ഥതയിലുള്ള ബാങ്ക് ഓഫ് ബറോഡ 10 ലക്ഷം രൂപയുടെ പുതിയ കാർ വായ്പയ്ക്ക് അഞ്ച് വർഷത്തേക്ക് 8.40 ശതമാനം പലിശ നിരക്ക് ഈടാക്കുന്നു. ഇഎംഐ 20,468 രൂപയായിരിക്കും.

സ്റ്റേറ്റ് ബാങ്ക് ഓഫ് ഇന്ത്യ: ഇന്ത്യയിലെ ഏറ്റവും വലിയ ബാങ്കായ സ്റ്റേറ്റ് ബാങ്ക് ഓഫ് ഇന്ത്യ, അഞ്ച് വർഷത്തെ കാലാവധിയുള്ള 10 ലക്ഷം രൂപയുടെ പുതിയ കാർ ലോണിന് 9.00 ശതമാനം പലിശ നിരക്ക് ഈടാക്കുന്നു. ഇഎംഐ 20,758 രൂപയാണ്.

ഐഡിബിഐ ബാങ്ക്: അഞ്ച് വർഷത്തെ കാലാവധിയുള്ള 10 ലക്ഷം രൂപയുടെ പുതിയ കാർ ലോണിന് ഐഡിബിഐ ബാങ്ക് 8.30 ശതമാനം ഈടാക്കുന്നു. ഇഎംഐ 20,420 രൂപയാണ്.

ആക്‌സിസ് ബാങ്ക് : അഞ്ച് വർഷത്തെ കാലാവധിയുള്ള 10 ലക്ഷം രൂപയുടെ പുതിയ കാർ ലോണിന് ആക്‌സിസ് ബാങ്ക് 8.90 ശതമാനം ഈടാക്കുന്നു. ഇഎംഐ 20,710 രൂപയാണ്.

ഐസിഐസിഐ ബാങ്ക്: അഞ്ച് വർഷത്തെ കാലാവധിയുള്ള 10 ലക്ഷം രൂപയുടെ പുതിയ കാർ ലോണിന് ഐസിഐസിഐ ബാങ്ക് 9.15 ശതമാനം ഈടാക്കുന്നു. ഇഎംഐ 20,831 രൂപയാണ്.

എച്ച്ഡിഎഫ്സി ബാങ്ക്: അഞ്ച് വർഷത്തെ കാലാവധിയുള്ള 10 ലക്ഷം രൂപയുടെ പുതിയ കാർ ലോണിന് എച്ച്ഡിഎഫ്സി ബാങ്ക് 9.40 ശതമാനം ഈടാക്കുന്നു. ഇഎംഐ 20,953 രൂപയാണ്.

ഐഡിഎഫ്‌സി ഫസ്റ്റ് ബാങ്ക്: അഞ്ച് വർഷത്തെ കാലാവധിയുള്ള 10 ലക്ഷം രൂപയുടെ പുതിയ കാർ ലോണിന് ഐഡിഎഫ്‌സി ഫസ്റ്റ് ബാങ്ക് 9.99 ശതമാനം ഈടാക്കുന്നു. ഇഎംഐ 21,242 രൂപയാണ്.