Click it and Unblock the Notifications
ക്രെഡിറ്റ് കാർഡുകൾ ഉപയോഗിക്കുന്നത് ഇന്നത്തെ കാലത്ത് സാധാരണമാണ്. ദൈനംദിന ജീവിതത്തിന്റെയും പണമിടപാടുകളുടെയും ഭാഗമായി കഴിഞ്ഞു ഇതിനോടകം ക്രെഡിറ്റ് കാർഡുകൾ. ഷോപ്പിംഗ് മുതൽ സിനിമ ടിക്കറ്റ് ബുക്ക് ചെയ്യാൻ വരെ ഇപ്പോൾ ക്രെഡിറ്റ് കാർഡുകൾ ഉപയോഗപ്പെടുത്തിവരുന്നു. ഇത്തരത്തിയ സിനിമ കാണാൻ ടിക്കറ്റ് ബുക്ക് ചെയ്യുന്നവർക്ക് കൂടുതൽ നേട്ടങ്ങൾ ലഭിച്ചാലോ? സാധാരണ ഗതിയിൽ ക്രെഡിറ്റ് കാർഡുകൾ ക്യാഷ്ബാക്ക്, റിവാർഡ് പോയിന്റുകൾ മുതലായവ വാഗ്ദാനം ചെയ്യുന്നു. അതുപോലെ നിങ്ങളുടെ ക്രെഡിറ്റ് കാർഡ് ഉപയോഗിച്ച് ഓരോ തവണയും നിങ്ങൾ ഒരു സിനിമാ ടിക്കറ്റ് വാങ്ങുമ്പോൾ 10 ശതമാനം അധിക കിഴിവ് ലഭിക്കുന്നത് സങ്കൽപ്പിക്കുക. അല്ലെങ്കിൽ അധിക റിവാർഡ് പോയിന്റുകൾ ലഭിക്കുന്നത് സങ്കൽപ്പിക്കുക. സിനിമാ ടിക്കറ്റുകളിൽ ആരോഗ്യകരമായ ചില കിഴിവ് ഉറപ്പാക്കാൻ സഹായിക്കുന്ന ഒരു ക്രെഡിറ്റ് കാർഡാണ് നിങ്ങൾ തിരയുന്നതെങ്കിൽ, നിങ്ങൾക്ക് നിരവധി ഓപ്ഷനുകളുണ്ട്.
1. എസ്ബിഐ കാർഡ് എലൈറ്റ്: ഈ കാർഡ് എല്ലാ വർഷവും 6,000 രൂപ വരെയുള്ള സൗജന്യ സിനിമാ ടിക്കറ്റുകൾ വാഗ്ദാനം ചെയ്യുന്നു. ഓരോ ബുക്കിംഗിലും പ്രതിമാസം കുറഞ്ഞത് 2 ടിക്കറ്റുകൾക്കെങ്കിലും ഇടപാടുകൾക്ക് സാധുതയുണ്ട്. രണ്ട് ടിക്കറ്റുകൾക്ക് മാത്രം ഒരു ടിക്കറ്റിന് 250 രൂപയാണ് പരമാവധി കിഴിവ്. ഇതിൽ കൺവീനിയൻസ് ഫീസ് ഈടാക്കുമെന്നും എസ്ബിഐ കാർഡിറെ വെബ്സൈറ്റിൽ പറയുന്നു.
2. ഐസിഐസിഐ ബാങ്ക് കോറൽ ക്രെഡിറ്റ് കാർഡ്: ഈ കാർഡ് ഉപയോഗിച്ച്, ബുക്ക് മൈ ഷോ, ഐനോക്സ് എന്നിവയിൽ ഓരോ ഇടപാടിനും കുറഞ്ഞത് രണ്ട് സിനിമാ ടിക്കറ്റുകൾ വാങ്ങുമ്പോൾ ഉപയോക്താക്കൾക്ക് 100 വരെ അതായത് 25 ശതമാനം കിഴിവ് ലഭിക്കും. മാസത്തിൽ രണ്ട് തവണ ഓഫർ ലഭിക്കും.
3. ആക്സിസ് ബാങ്ക് മൈ സോൺ ക്രെഡിറ്റ് കാർഡ്: ഡിസ്ട്രിക്ട് ആപ്പ് വഴി ബുക്ക് ചെയ്യുന്ന രണ്ടാമത്തെ സിനിമാ ടിക്കറ്റുകൾക്ക് 100 ശതമാനം കിഴിവ് ഈ ക്രെഡിറ്റ് കാർഡ് വാഗ്ദാനം ചെയ്യുന്നു. നിങ്ങൾക്ക് പ്രതിമാസം 200 രൂപ വരെ കിഴിവ് ലഭിക്കും. ഇതിനായി കാർഡ് ഉപയോഗിക്കുന്നവർ AXIS200 എന്ന കൂപ്പൺ കോഡ് പ്രയോഗിക്കേണ്ടതുണ്ട്. എന്നാൽ സിനിമാ ഇടപാടുകൾക്ക് റിവാർഡ് പോയിറുകളൊന്നും ലഭിക്കില്ല.
4. കൊട്ടക് പിവിആർ പ്ലാറ്റിനം ക്രെഡിറ്റ് കാർഡ്: ഈ കാർഡ് ഓരോ മാസവും 400 രൂപ വരെ രണ്ട് സൗജന്യ സിനിമാ ടിക്കറ്റുകൾ വാഗ്ദാനം ചെയ്യുന്നു. പ്രതിമാസ ബില്ലിംഗ് സൈക്കിളിൽ 10,000 രൂപയും അതിൽ കൂടുതലും ചെലവഴിക്കുമ്പോൾ നിങ്ങൾക്ക് എല്ലാ മാസവും സൗജന്യ ടിക്കറ്റുകൾ ലഭിക്കും. ഡയറക്ടേഴ്സ് കട്ട്, പിവിആർ ഐമാക്സ് ഒഴികെയുള്ള എല്ലാ ഹാളുകളിലുടനീളമുള്ള ഏത് ഷോയ്ക്കും പിവിആർ വെബ്സൈറ്റിൽ ഗോൾഡ് ക്ലാസ്, യൂറോപ്പ ഒഴികെയുള്ള എല്ലാ ബുക്കിംഗ് ക്ലാസുകൾക്കും സൗജന്യ പിവിആർ സിനിമാ ടിക്കറ്റുകൾക്കായി അയച്ച കൂപ്പൺ കോഡുകൾ കാർഡ് ഉപയോക്താക്കൾക്ക് ഉപയോഗിക്കാം.
5. ആർബിഎൽ ബാങ്ക് പോപ്കോൺ ക്രെഡിറ്റ് കാർഡ്: ഈ കാർഡ് ബുക്ക് മൈ ഷോയിൽ 500 രൂപ കിഴിവ് വാഗ്ദാനം ചെയ്യുന്നു. കാർഡ് ഉപയോക്താക്കൾക്ക് ഒരു സിനിമാ ടിക്കറ്റ് വാങ്ങാനും 100 രൂപയുടെ ഭക്ഷണ പാനീയങ്ങൾ നേടാനും കഴിയും.
Sign in with Google