നിക്ഷേപത്തിന് റെക്കോർഡ് പലിശ, ഒരു നിബന്ധന മാത്രം, സമ്പാദ്യം വളർത്താൻ ഇതാ മികച്ച മാർഗം

മുതിർന്ന പൗരന്മാർ സുരക്ഷ, ഉറപ്പായ വരുമാനം, കുറഞ്ഞ റിസ്ക് എന്നിവ കാരണമാണ് സ്ഥിര നിക്ഷേപത്തെ കൂടുതലായി ഇഷ്ടപ്പെടുന്നത്. റിസ്ക് രഹിത നിക്ഷേപം ഇഷ്ടപ്പെടുന്ന ഈ വിഭാഗത്തിന് ബാങ്കുകൾ പലപ്പോഴും ഉയർന്ന പലിശ നിരക്കുകൾ വാഗ്ദാനം ചെയ്യുന്നു. അതുകൊണ്ടുതന്നെ സ്ഥിര നിക്ഷേപത്തിന്‍റെ റിട്ടേണുകൾ പരമാവധിയാക്കാൻ മത്സരാധിഷ്ഠിത പലിശ നിരക്കുകളുള്ള ബാങ്ക് തിരഞ്ഞെടുക്കേണ്ടത് അത്യാവശ്യമാണ്.

ഒരു കോടി രൂപ വരെയുള്ള നിക്ഷേപങ്ങൾക്ക് മികച്ച പലിശ വാഗ്ധാനം ചെയ്യുന്ന മുൻനിര സ്വകാര്യ, പൊതുമേഖലാ ബാങ്കുകളുടെ പട്ടിക നമുക്ക് പരിശോധിക്കാം. സെപ്റ്റംബർ 1 ലെ ബാങ്ക്ബസാർ ഡാറ്റയെ അടിസ്ഥാനമാക്കിയുള്ളതാണ് വിവരങ്ങൾ.

ഇൻഡസ്ഇൻഡ് ബാങ്ക്: ഇൻഡസ്ഇൻഡ് ബാങ്ക് മുതിർന്ന പൗരന്മാർക്ക് രണ്ട് വർഷത്തെ എഫ്ഡികൾക്ക് 7.5 ശതമാനം പലിശ നിരക്ക് വാഗ്ദാനം ചെയ്യുന്നു. ഇത് സ്വകാര്യ ബാങ്കുകളിൽ ഏറ്റവും ഉയർന്ന നിരക്കാണ്.

ആക്‌സിസ് ബാങ്ക്: മുതിർന്ന പൗരന്മാർക്ക് 5-10 വർഷത്തെ എഫ്‌ഡികൾക്ക് ആക്‌സിസ് ബാങ്ക് 7.35 ശതമാനം പലിശ നൽകുന്നു.

എച്ച്.ഡി.എഫ്.സി ബാങ്ക്: 18 മുതൽ 21 മാസം കാലാവധിയുള്ള സ്ഥിര നിക്ഷേപത്തിന് ബാങ്ക് 7.10 ശതമാനം പലിശ വാഗ്ദാനം ചെയ്യുന്നു.

ഐസിഐസിഐ ബാങ്ക്: ഐസിഐസിഐ ബാങ്ക് മുതിർന്ന പൗരന്മാർക്ക് രണ്ട് വർഷം ഒരു ദിവസം മുതൽ 10 വർഷം വരെ കാലാവധിയുള്ള എഫ്‌ഡികൾക്ക് 7.10 ശതമാനം പലിശ വാഗ്ദാനം ചെയ്യുന്നു.

കൊട്ടക് മഹീന്ദ്ര ബാങ്ക്: 391 ദിവസം മുതൽ 23 മാസത്തിൽ താഴെ കാലാവധിയുള്ള എഫ്‌ഡികൾക്ക് കൊട്ടക് മഹീന്ദ്ര ബാങ്ക് മുതിർന്ന പൗരന്മാർക്ക് 7.1 ശതമാനം പലിശ വാഗ്ദാനം ചെയ്യുന്നു.

ബാങ്ക് ഓഫ് ബറോഡ: ബാങ്ക് ഓഫ് ബറോഡ മുതിർന്ന പൗരന്മാർക്ക് 444 ദിവസത്തെ കാലാവധിയുള്ള എഫ്‌ഡികൾക്ക് 7.10 ശതമാനം പലിശ വാഗ്ദാനം ചെയ്യുന്നു.

പഞ്ചാബ് നാഷണൽ ബാങ്ക്: പഞ്ചാബ് നാഷണൽ ബാങ്ക് മുതിർന്ന പൗരന്മാർക്ക് 390 ദിവസത്തെ കാലാവധിയുള്ള എഫ്‌ഡികൾക്ക് 7.10 ശതമാനം പലിശ നിരക്ക് വാഗ്ദാനം ചെയ്യുന്നു.

യൂണിയൻ ബാങ്ക് ഓഫ് ഇന്ത്യ: യൂണിയൻ ബാങ്ക് ഓഫ് ഇന്ത്യ മുതിർന്ന പൗരന്മാർക്ക് 456 ദിവസത്തെ കാലാവധിയുള്ള എഫ്‌ഡികൾക്ക് 7.10 ശതമാനം പലിശ നിരക്ക് വാഗ്ദാനം ചെയ്യുന്നു.

സ്റ്റേറ്റ് ബാങ്ക് ഓഫ് ഇന്ത്യ: സ്റ്റേറ്റ് ബാങ്ക് ഓഫ് ഇന്ത്യ മുതിർന്ന പൗരന്മാരുടെ 5-10 വർഷത്തെ എഫ്ഡിക്ക് 7.05 ശതമാനം പലിശ നിരക്ക് വാഗ്ദാനം ചെയ്യുന്നു.

കാനറ ബാങ്ക്: കാനറ ബാങ്ക് മുതിർന്ന പൗരന്മാർക്ക് 444 ദിവസത്തെ കാലാവധിയുള്ള എഫ്‌ഡികൾക്ക് 7 ശതമാനം പലിശ നിരക്ക് നൽകുന്നു.

ഇൻഷുറൻസ്

ആർ‌ബി‌ഐ അനുബന്ധ സ്ഥാപനമായ ഡെപ്പോസിറ്റ് ഇൻഷുറൻസ് ആൻഡ് ക്രെഡിറ്റ് ഗ്യാരണ്ടി കോർപ്പറേഷൻ, 5 ലക്ഷം രൂപ വരെയുള്ള സ്ഥിര നിക്ഷേപങ്ങളിലെ നിക്ഷേപങ്ങൾക്ക് ഗ്യാരണ്ടി നൽകുന്നു.