ജീവനക്കാര്ക്കായുള്ള ദീര്ഘകാല നിക്ഷേപ പദ്ധതിയാണ് പ്രൊവിഡന്റ് ഫണ്ട് അഥവാ പിഎഫ്. എന്നാല് എംപ്ലോയീസ് പ്രൊവിഡന്റ് ഫണ്ട് ഓര്ഗനൈസേഷന്റെ (ഇപിഎഫ്ഒ) നയങ്ങള് പ്രകാരം ചില പ്രത്യേക സാഹചര്യങ്ങളില് മാത്രമാണ് പിഎഫ് തുക പിന്വലിക്കുവാന് സാധിക്കുന്നത്. വീട് വാങ്ങിക്കുക, വീട് നിര്മിക്കുക, വിവാഹം, വിദ്യാഭ്യാസം, അടിയന്തിര ചികിത്സ തുടങ്ങിയ ആവശ്യങ്ങള്ക്ക് വേണ്ടി മാത്രമാണ് സാധാരണ ഗതിയില് പിഫ് പിന്വലിക്കാന് അനുവദിക്കുക.
ഉയര്ന്ന ചിലവുകള് ആവശ്യമായി വരുന്ന അടിയന്തിര ചികിത്സാ ചിലവുകള്ക്കായി ഒരു വ്യക്തിയ്ക്ക് പിഎഫ് പിന്വലിക്കാന് സാധിക്കുമെന്നാണ് നികുതി നിക്ഷേപ വിദഗ്ധരുടെ അഭിപ്രായം. കോവിഡ് രോഗം ബാധിച്ച് ആശുപത്രി ചികിത്സ ആവശ്യമായ വ്യക്തികള്ക്കും പിഎഫ് അല്ലെങ്കില് ഇപിഎഫ് അക്കൗണ്ടില് നിന്നും പിഎഫ് തുക പിന്വലിക്കാന് സാധിക്കമെന്നും അവര് വ്യക്തമാക്കുന്നു.
ക്യുആര് കോഡ് തട്ടിപ്പ്; ഉപയോക്താക്കള്ക്ക് മുന്നറിയിപ്പുമായി എസ്ബിഐ
പിഎഫ്/ഇപിഎഫ് അക്കൗണ്ട് ഉടമയ്ക്കോ, പങ്കാളിയ്ക്കോ, മക്കള്ക്കോ, മാതാപിതാക്കള്ക്കോ അടിയന്തിര ചികിത്സ ആവശ്യമായി വരുന്ന സാഹചര്യങ്ങളില് പിഎഫ് തുക പിന്വലിക്കുവാന് നിക്ഷേപകന് സാധിക്കും. എന്നാല് അതീവ ഗുരുതരമായും ഉയര്ന്ന ചികിത്സാ ചിലവ് ആവശ്യമുള്ളതുമായ രോഗങ്ങളുടെ ചികിത്സയ്ക്കായി മാത്രമേ പിഎഫ് പിന്വലിക്കാന് അനുമതി നല്കുകയുള്ളൂ.
അക്കൗണ്ട് ഉടമയുടെ അടിസ്ഥാന ശമ്പളത്തിന്റെ ആറ് മടങ്ങ് വരുന്ന തുകയോ, പലിശയടക്കമുള്ള ആ വ്യക്തിയുടെ വിഹിതമോ ഏതാണ് ചെറിയ തുക, ആ തുകയാണ് ചികിത്സാ ആവശ്യങ്ങള്ക്കായി പിഎഫില് നിന്നും പിന്വലിക്കുവാന് സാധിക്കുക. ചികിത്സാ അടിയന്തിര ആവശ്യങ്ങള്ക്കായി പിന്വലിക്കുന്ന പിഎഫ് / ഇപിഎഫ് തുകയ്ക്ക് ലോക്ക് ഇന് കാലാവധിയോ, നിര്ബന്ധിത സേവന കാലാവധിയോ ഇല്ല.
കോവിഡ് വീണ്ടും പിടിമുറുക്കുമ്പോള് സ്വര്ണവിലയില് എന്ത് മാറ്റമുണ്ടാകും?
അക്കൗണ്ട് ഉടമയോ, അയാളുടെ പങ്കാളിയോ, മക്കളോ, മാതാപിതാക്കളോ കോവിഡ് ബാധിച്ച് ആശുപത്രിയില് പ്രവേശിപ്പിക്കപ്പെടുന്ന സാഹചര്യത്തിലും പിഎഫ്/ ഇപിഎഫ് നിക്ഷേപം പിന്വലിക്കുവാന് സാധിക്കും. എന്നാല് അതേ സമയം ചികിത്സയ്ക്കായി ഉയര്ന്ന തുക ചിലവ് വന്നു എന്ന് വ്യക്തമാക്കുന്ന രേഖകളും ആശുപത്രിയില് പ്രവേശിപ്പിക്കപ്പെട്ടതിന്റെ പേപ്പറുകളും ആശുപത്രി ബില്ലുകളും ഒപ്പം സമര്പ്പിച്ചാല് മാത്രമേ അക്കൗണ്ട് ഉടമയ്ക്ക് നിക്ഷേപം പിന്വലിക്കാന് സാധിക്കുകയുള്ളൂ.