കോടികൾ കിട്ടിയാൽ നിങ്ങൾ നേരത്തെ വിരമിക്കില്ലേ? എങ്കിൽ നാഷണൽ പെൻഷൻ സ്‌കീമുണ്ട് കൂടെ

ഉത്തരാധുനിക കാലത്ത് മനുഷ്യന് ജീവിക്കാൻ ധാരാളം പണം ആവശ്യമായതുകൊണ്ടുതന്നെ, നാഷണൽ പെൻഷൻ സ്‌കീം ഒരു മികച്ച റിട്ടയർമെന്റ് സമ്പാദ്യമായി മാറുന്ന ഒന്നാണ്. ഒരു മനുഷ്യന്റെ വിരമിക്കലിന് ശേഷമുള്ള എല്ലാ സാമ്പത്തിക ലക്ഷ്യങ്ങളും കൈവരിക്കാൻ ഈ പദ്ധതി വലിയ രീതിയിൽ സഹായിക്കും. പ്രത്യേകിച്ച് നേരത്തെ വിരമിക്കൽ ആഗ്രഹിക്കുന്നവർക്ക് എൻ പി എസ് ഒരു നല്ല നിക്ഷേപ പദ്ധതിയാണ്. ഉയർന്ന വരുമാന സാധ്യതയും നികുതി ആനുകൂല്യങ്ങളും ഈ സ്കീമിനെ കൂടുതൽ ആകർഷകമാക്കുന്നു.

എൻ പി എസ് നേരത്തെ വിരമിക്കലിനെ എങ്ങനെ സഹായിക്കുന്നു?

എൻ പി എസ് ഏറെ സൗകര്യപ്രദമായ ഒരു സമ്പാദ്യ മാർഗമാണ്. ഏറ്റവും കുറഞ്ഞത് ₹1,000 രൂപ വരെ നിക്ഷേപിക്കാനാവുന്ന ഈ പദ്ധതി എല്ലാത്തരത്തിലും ഉള്ള ആളുകളെ ഒരുപോലെ സഹായിക്കുന്നു. ഇ സെഡ് ക്യാപിറ്റലിന്റെ സിഇഒ രാജേഷ് കാടോച് പറയുന്നത് പ്രകാരം സ്ഥിരമായ വരുമാനമില്ലാത്തവർക്ക് പോലും ഇത് പ്രയോജനപ്പെടും എന്നതാണ് വസ്തുത.

യുവാക്കൾക്ക് ഏകദേശം 30-ആം വയസ്സിൽ ആരംഭിച്ച് വലിയൊരു തുക മുൻകൂർ നിക്ഷേപിക്കാനുള്ള അവസരം എൻ പി എസ് നൽകുന്നു. ഇതുവഴി അവർക്ക് നേരത്തെ വിരമിക്കൽ എന്ന അവസ്ഥ നേടാൻ കഴിയുന്നു. അതുകൊണ്ടുതന്നെ എല്ലാവരും എൻപിഎസിൽ ചേരുന്നതിലൂടെ, അവന്റെ വിരമിക്കൽ ഭംഗിയാക്കാം എന്ന ആഗ്രഹത്തിന് നിറം കൊടുക്കൽ കൂടിയാണ് ചെയ്യുന്നത്.

ഉദാഹരണം:

ഒരു 30 വയസ്സുകാരൻ പ്രതിമാസം ₹12,000 നിക്ഷേപിച്ചാൽ (വാർഷികം 10% ലാഭവരുമാന നിരക്ക് കണക്കാക്കി) 50-ആം വയസ്സിൽ അദ്ദേഹത്തിന് ₹2.35 കോടി രൂപയോളം സമ്പാദ്യമായി ലഭിക്കും. ഇത് നേരത്തെ വിരമിക്കൽ എന്ന ലക്ഷ്യം കൈവരിക്കാൻ സഹായിക്കും. പണ്ടുള്ള മനുഷ്യരെപ്പോലെ എല്ലാ പ്രായത്തിലും ജോലി ചെയ്യാമെന്ന് ഒരവസ്ഥയല്ല ഇന്നത്തേത്, അതുകൊണ്ടുതന്നെ നേരത്തെയുള്ള റിട്ടയർമെന്റ് നമ്മൾ മലയാളികൾക്ക് ആവശ്യമായി വരും എന്ന് ഉറപ്പാണ്.

എൻ പി എസ് വാത്സല്യ: കുട്ടികളുടെ ഭാവി സുരക്ഷിതമാക്കാം

എൻ പി എസിന്റെ പുതിയ പദ്ധതി ആയ എൻ പി എസ് വാത്സല്യ കുട്ടികളുടെ പേരിൽ പെൻഷൻ അക്കൗണ്ട് ആരംഭിക്കാനുള്ള അവസരം മാതാപിതാക്കൾക്ക് നൽകുന്നു. ഈ പദ്ധതി പെൻഷൻ ഫണ്ട്‌ റെഗുലേറ്ററി ആൻഡ് ഡെവലപ്പ്മെന്റ് അതോറിറ്റി നിയന്ത്രിക്കുന്നതായിരിക്കും. ഇതെടുക്കുമ്പോൾ തന്നെ കുട്ടികൾക്ക് പെർമനെന്റ് റിട്ടയേർമെന്റ് അക്കൗണ്ട് നമ്പർ കാർഡ് ലഭിക്കും.

എൻ പി എസ് വാത്സല്യയുടെ സാധ്യതകൾ:

ഒരു കുട്ടിക്ക് 18 വയസ്സിനുള്ളിൽ ₹5 ലക്ഷം രൂപയും, 60 വയസ്സാകുമ്പോൾ വൻ തുകയുമാണ് ഈ പദ്ധതി വഴി കൈവരിക്കാൻ കഴിയുക. വാർഷിക സംഭാവന ₹10,000 രൂപ നിക്ഷേപിക്കുന്നതിലൂടെ 18 വർഷത്തെ നിക്ഷേപ കാലാവധിക്ക് ശേഷം, 18-ആം വയസ്സിൽ ഒരു കുട്ടിക്ക് ലഭിക്കുന്ന തുക ₹5 ലക്ഷം (വാർഷികം 10% ലാഭവരുമാന നിരക്ക്) രൂപയാണ്. 60-ആം വയസ്സിൽ സമ്പാദ്യത്തിന്റെ അളവ് 10% ലാഭവരുമാന നിരക്കിലൂടെ ₹2.75 കോടി ആയി മാറും. ഇതിനെ 11.59% ലാഭവരുമാന നിരക്കിലൂടെ നോക്കിയാൽ ₹5.97 കോടിയും, 12.86% ലാഭവരുമാന നിരക്കിലൂടെ നോക്കിയാൽ ₹11.05 കോടി രൂപയും എന്ന നിലയിലേക്കും വളരാൻ സാധ്യതയുണ്ട്.

എൻ പി എസ് ആണോ ഏറ്റവും മികച്ചത്

ഒരിക്കലും അല്ല, എന്നാണ് പല വിദഗ്ധരുടെയും അഭിപ്രായം. എൻ പി എസിന്റെ വൻ നഷ്ടം എന്നത്, നിക്ഷേപം അഭിമുഖവൽക്കരിക്കാനുള്ള സ്വാതന്ത്ര്യത്തിലെ കുറവാണ്. ഇൻവെസ്റ്റ്മെന്റ് അഡ്വൈസറിന്റെ പേർസണൽ ഫിനാൻസ് & വെൽത്ത് മാനേജ്മെന്റ് വിഭാഗം തലവൻ പറയുന്നു.

എൻ പി എസിൽ 75% വരെ മാത്രമേ ഓഹരി നിക്ഷേപം അനുവദിക്കുകയുള്ളു. വയസ്സാകുമ്പോൾ ഈ അളവ് കുറയുകയും അതിനാൽ ലാഭ സാധ്യത കുറയുകയും ചെയ്യും. മ്യൂച്വൽ ഫണ്ട്സ് പോലുള്ള മാർഗങ്ങൾ കൂടുതൽ സ്വാതന്ത്ര്യവും വർദ്ധിത ലാഭവുമാണ് നൽകുന്നത്. അതുകൊണ്ട് അവ തിരഞ്ഞെടുക്കുന്നതും നല്ല ലാഭം തരും.