ഇനി എളുപ്പത്തിൽ കാർ വാങ്ങാം! കുറഞ്ഞ പലിശ നിരക്കിൽ ലോൺ കിട്ടുന്ന ബാങ്കുകൾ ഇതാ: ബുക്ക് ചെയ്യുന്നില്ലേ?

കാർ വാങ്ങാനുള്ള പ്ലാനുണ്ടോ? ഇതാണ് സുവർണാവസരം. ജിഎസ്ടി പരിഷ്കരണം വന്നപ്പോൾ ഏറ്റവുമധികം നേട്ടം ലഭിച്ചത് ഓട്ടോമൊബൈൽ മേഖലയിലാണ്. വിവിധ കാറുകളുടെ വില ​ഗണ്യമായി കുറഞ്ഞിട്ടുണ്ട്. ഇതോടെ വിൽപ്പന ശക്തമായി ഉയർന്നു. പലരും കാർ വാങ്ങുന്നത് വായ്പാ മാർ​ഗത്തിലൂടെയാണ്. ആർബിഐ തുടർച്ചയായ മൂന്നാം തവണയും പലിശ നിരക്ക് ഉയർത്താതിരുന്നതോടെ കാർ വായ്പകളുടെ പലിശ നിരക്കും കുറഞ്ഞിട്ടുണ്ട്.

നിലവിലെ കണക്കുകൾ പ്രകാരം, കാർ വായ്പകളുടെ പലിശ നിരക്ക് 7.6% മുതലാണ് ആരംഭിക്കുന്നത്. ആകർഷകമായ കുറഞ്ഞ പലിശ നിരക്ക് വാഗ്ദാനം ചെയ്യുന്ന ബാങ്ക് വായ്പകൾ തേടുന്ന ഉപഭോക്താക്കൾക്കായി ഇത് ഒരു മികച്ച അവസരമാണ്. ഇവിടെ നിങ്ങൾ 5 ലക്ഷം രൂപ വരെയുള്ള വായ്പകൾക്ക് 5 വർഷത്തെ തിരിച്ചടവ് കാലാവധിയിൽ അപേക്ഷിച്ചാൽ കുറഞ്ഞ പലിശ നിരക്ക് ഉറപ്പാക്കുന്ന ബാങ്കുകളും ഉണ്ട്. വിശദമായി അറിയാം;

യുക്കോ ബാങ്ക് : 7.6 ശതമാനമാണ് കാർ വായ്പകൾക്ക് ഈ ബാങ്ക് പലിശ നൽകുന്നത്. ഇലക്ട്രിക്ക് വാഹനങ്ങൾ ഉൾപ്പെടെ എല്ലാ കാറുകൾക്കും പ്രോസസ്സിംഗ് ഫീസ് ഈടാക്കുന്നില്ല. ഇതു പ്രകാരം പ്രതിമാസ ഇഎംഐ 10,043 രൂപ കണക്കാക്കാം.

കാനറാ ബാങ്ക് : 7.7 ശതമാന മുതൽ പലിശ നിരക്കാണ് ഈ ബാങ്ക് വാ​ഗ്ദാനം ചെയ്യുന്നത്. 5 ലക്ഷം വായ്പ എടുത്താൽ പ്രതിമാസം 10,067 രൂപ മുതൽ ഇഎംഐ അടക്കേണ്ടി വരും.

യൂണിയൻ ബാങ്ക് : കാർ വായ്പയ്ക്ക് 7.8% മുതൽ 9.7% വരെയാണ് പലിശ ഈടാക്കുന്നത്. 1000 രൂപ വരെ പ്രോസസ്സിംഗ് ഫീസ് നൽകേണ്ടി വരും. ഈ പലിശ പ്രകാരം പ്രതിമാസ ഇഎംഐ 10,090 രൂപ മുതൽ 10,550 രൂപ വരെയാണ് അടക്കേണ്ടത്.

എച്ച്ഡിഎഫ്സി ബാങ്ക് : ഈ സ്വകാര്യ ബാങ്കിൽ 9.2 ശതമാനം മുതലാണ് കാർ വായ്പക്ക് പലിശ നിരക്ക് ആരംഭിക്കുന്നത്. ഈ നിരക്ക് പ്രകാരം പ്രതിമാസ ഇഎംഐ 10,428 രൂപ മുതൽ അടക്കേണം. മാത്രമല്ല വായ്പ തുകയുടെ 1% പ്രോസസ്സിംഗ് ഫീസായി നൽകേണ്ടി വരും.

ഐസിഐസിഐ ബാങ്ക് : ഈ സ്വകാര്യ ബാങ്ക് കാർ വായ്പക്ക് 8.5% മുതൽ പലിശ ഈടാക്കുന്നു. ഇവിടെ പ്രതിമാസ ഇഎംഐ 10,258 രൂപ മുതൽ ആരംഭിക്കുന്നു. വായ്പാ തുകയുടെ 2% വരെ പ്രോസസ്സിംഗ് ഫീസ് നൽകേണം.

പഞ്ചാബ് നാഷണൽ ബാങ്ക് : ഈ പൊതുമേഖലാ ബാങ്ക് 7.8% മുതൽ 9.7% വരെ കാർ വായ്പക്ക് പലിശ ഈടാക്കുന്നുണ്ട്. അതായത് പ്രതിമാസ ഇഎംഐ 10,090 രൂപ മുതൽ 10,550 രൂപ വരെ അടക്കേണ്ടി വരുന്നു. ഇവിടെ വായ്പയുടെ 0.25 ശതമാനം വരെ പ്രോസസ്സിംഗ് ഫീയും ഈടാക്കും.

ബാങ്ക് ഓഫ് ബറോഡ : 7.85% മുതൽ 12.15% വരെയാണ് ഈ ബാങ്ക് കാർ ലോണുകൾക്ക് പലിശ ഈടാക്കുന്നത്. ഇതു പ്രകാരം, 10,174 രൂപ മുതൽ 11,021 രൂപ വരെ ഇഎംഐ അടക്കേണ്ടി വരും. മാത്രമല്ല വായ്പക്ക് അപേക്ഷിക്കുമ്പോൾ പ്രോസസ്സിംഗ് ഫീസായി ഈടാക്കുന്നത് 2000 രൂപ വരെയാണ്.

എസ്ബിഐ : രാജ്യത്തെ ഏറ്റവും വലിയ പൊതുമേഖലാ ബാങ്കായ എസ്ബിഐ കാർ വായ്പക്ക് വാ​ഗ്ദാനം ചെയ്യുന്ന പലിശ നിരക്ക് 8.75 ശതമാനമാണ്. അതായത് പ്രതിമാസ ഇഎംഐ 10,319 രൂപയായിരിക്കും. പ്രോസസ്സിങ് ഫീസ് ഇനത്തിൽ 750 -1500 രൂപ വരെ നൽകേണ്ടി വരും.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.