സര്‍ക്കാര്‍ ഉത്തരവ് പിന്‍വലിച്ചതിന് ശേഷമുള്ള ചെറുകിട നിക്ഷേപ പദ്ധതികളുടെ പലിശ നിരക്ക് അറിയാമോ?

ചെറുകിട നിക്ഷേപ പദ്ധതികളുടെ പലിശ നിരക്ക് കുറച്ച നടപടി കേന്ദ്രസര്‍ക്കാര്‍ ഇന്ന് പിന്‍വലിച്ചിരുന്നു.

ചെറുകിട നിക്ഷേപ പദ്ധതികളുടെ പലിശ 0.4 ശതമാനം മുതല്‍ 1.1 ശതമാനം വരെ കുറച്ചതായി ബുധനാഴ്ച രാത്രിയാണ് കേന്ദ്രസര്‍ക്കാര്‍ അറിയിച്ചത്. പബ്ലിക് പ്രൊവിഡന്റ് ഫണ്ട് 7,1 ശതമാനത്തില്‍ നിന്ന് 6.4 ശതമാനമായും നാഷണല്‍ സേവിങ്‌സ് സര്‍ട്ടിഫിക്കറ്റ് 5.9 ശതമാനമായും സുകന്യസമൃദ്ധി യോജനയുടേത് 6.9 ശതമാനമായുമായിട്ടായിരുന്നു കുറച്ചത്. കൂടാതെ പോസ്റ്റ് ഓഫീസിലെ നിക്ഷേപങ്ങളുടെ പലിശ നിരക്ക് 0.40 ശതമാനത്തില്‍ നിന്ന് 1.1 ശതമാനം വരെയും മുതിര്‍ന്ന പൗരന്മാര്‍ക്കുള്ള സീനിയര്‍ സിറ്റിസന്‍ സേവിങ് സ്‌കീം പദ്ധതിയുടെ പലിശ 0.9 ശതമാനവും കുറച്ചിരുന്നു.

പദ്ധതികളിലെ പലിശ നിരക്ക് കുറച്ചത് ദശലക്ഷക്കണക്കിന് ഇടത്തരക്കാരായ നിക്ഷേപകരെ നിരാശപ്പെടുത്തിയിരുന്നു.

2020 - 2021 അവസാന പാദങ്ങളിലെ അതേ നിരക്കില്‍ നിക്ഷേപ പദ്ധതികളിലെ പലിശ നിരക്ക് തുടരുമെന്ന് കേന്ദ്ര ധനകാര്യ മന്ത്രി നിര്‍മല സീതാരാമന്‍ ട്വിറ്ററിലൂടെ അറിയിച്ചു.

നേരത്തെയുണ്ടായിരുന്നതും ഇനി തുടരാന്‍ പോകുന്നതുമായ പിപിഎഫ്, സുകന്യ സമൃദ്ധി, മറ്റ് ചെറുകിട നിക്ഷേപ പദ്ധതികള്‍ എന്നിവയുടെ പലിശ നിരക്കുകള്‍ എങ്ങനെയാണെന്ന് നമുക്കൊന്ന് നോക്കാം.

സേവിംഗ്‌സ് ഡെപ്പോസിറ്റുകളുടെ പലിശ നിരക്ക് 4 ശതമാനമാണ്.

സുകന്യ സമൃദ്ധി അക്കൗണ്ട് സ്‌കീം നല്‍കുന്നത് 7.6 ശതമാനം പലിശ നിരക്കാണ്.

പബ്ലിക് പ്രൊവിഡന്റ് ഫണ്ടില്‍ 7.1 ശതമാനം പലിശ നിരക്ക് ലഭിക്കും.

നാഷണല്‍ സേവിംഗ്‌സ് സര്‍ട്ടിഫിക്കറ്റ് വാഗ്ദാനം ചെയ്യുന്നത് 6.8 ശതമാനം പലിശ നിരക്കാണ്.

കിസാന്‍ കിസാന്‍ വികാസ് പത്രയില്‍ നിന്നും 6.6 ശതമാനം പലിശ നിരക്ക് ലഭിക്കും.

സീനിയര്‍ സിറ്റിസണ്‍ സേവിംഗ്‌സ് സ്‌കീമില്‍ 7.6 ശതമാനമാണ് പലിശ ലഭിക്കുക.

ത്രൈമാസ ആവൃത്തിയില്‍ കൂട്ടിച്ചേര്‍ക്കുന്ന പദ്ധതികള്‍ക്ക് ഒരു വര്‍ഷം മുതല്‍ മൂന്ന് വര്‍ഷം വരെയുള്ള നിക്ഷേപങ്ങള്‍ക്ക് 5.5 ശതമാനം പലിശ നിരക്ക് ലഭിക്കും. 5 വര്‍ഷത്തെ നിക്ഷേപത്തിന് 6.7 ശതമാനമാണ് പലിശ നിരക്ക്.

5 വര്‍ഷത്തെ റക്കറിംഗ് നിക്ഷേപങ്ങള്‍ക്ക് 5.8 ശതമാനമാണ് പലിശ നിരക്ക്.