വീട് പണിയാന്‍ 75 ലക്ഷം രൂപ കിട്ടും, പലിശയും കുറവാണ്, ഈ ബാങ്കുകളിലേക്ക് പോകൂ

2024ലെ ഇടക്കാല ബജറ്റാണ് ഫെബ്രുവരി ഒന്നിന് കേന്ദ്ര ധനമന്ത്രി നിർമ്മല സീതാരാമൻ അവതരിപ്പിക്കുന്നത്. ലോക്സഭ തെരഞ്ഞെടുപ്പിന്റെ വർഷമായത് കൊണ്ടു തന്നെ ജനകീയമായ പ്രഖ്യാപനങ്ങൾ ഒരു പക്ഷെ ബജറ്റിലുണ്ടായേക്കാം. നിർമ്മാണ സാമഗ്രഹികളുടെ വിലയിൽ ഏതെങ്കിലും തരത്തിൽ വില കുറയുമോ എന്നും ആളുകൾ ഉറ്റുനോക്കുന്നുണ്ട്. എന്തായാലും സ്വന്തമായി വീട് വെക്കാൻ ആഗ്രഹിക്കുന്നവർ ഭവന വായ്പ പലിശ നിരക്ക് പരിശോധിക്കുന്നതും നല്ലതായിരിക്കും.

ഭവന വായിപയുടെ പലിശ നിരക്കുകൾ ഓരോ വ്യക്തിക്കും വ്യത്യാസപ്പെടും. ക്രെഡിറ്റ് സ്കോർ , വരുമാനം, കാലാവധി പലിശ, ലോൺ-ടു-വാല്യൂ അനുപാതം, എംസിഎൽആർ തുടങ്ങിയ കാര്യങ്ങളെ അടിസ്ഥാനമാക്കിയാണ് വായ്പയുടെ പലിശ നിരക്ക്. അതുകൊണ്ടു തന്നെ വായ്പ എടുക്കുന്നതിന് മുൻപ് ഈ കാര്യങ്ങൾ പരിശോധിക്കുന്നത് നല്ലതായിരിക്കും. ഇത് മികച്ച ലോൺ കണ്ടെത്താൻ സഹായിക്കും.

75 ലക്ഷത്തിന് മുകളിലുള്ള തുകകൾക്ക് സ്വകാര്യ ബാങ്കുകൾ 8.35% മുതൽ 14.85% വരെ പലിശ വാഗ്ദാനം ചെയ്യുന്നു.

1. കൊട്ടക് മഹീന്ദ്ര ബാങ്ക് - 8.70% മുതൽ

2. ഐസിഐസിഐ ബാങ്ക് - 8.75% മുതൽ

3. ആക്സിസ് ബാങ്ക് - 8.70% - 9.10%

4.എച്ച്എസ്ബിസി ബാങ്ക് - 8.45% മുതൽ

5. സൗത്ത് ഇന്ത്യൻ ബാങ്ക് - 9.84% -11.69%

6. കരൂർ വൈശ്യ ബാങ്ക് - 8.95% - 11.00%

7. കർണാടക ബാങ്ക് - 8.58% -10.58 %

8. ഫെഡറൽ ബാങ്ക് - 8.80% മുതൽ

9. ധനലക്ഷ്മി ബാങ്ക് - 9.35% -10.50%

10. ബന്ധൻ ബാങ്ക് - 9.16% -13.33%

11. ആർബിഎൽ ബാങ്ക് - 8.90 മുതൽ

12. സി എസ് ബി ബാങ്ക് - 10.69% -12.54%

13. എച്ച്ഡിഎഫ്സി ബാങ്ക് ലിമിറ്റഡ് - 8.35% മുതൽ

14. സിറ്റി യൂണിയൻ ബാങ്ക് - 13.35% -14.85%

പൊതുമേഖലാ ബാങ്കുകൾ

1. സ്റ്റേറ്റ് ബാങ്ക് ഓഫ് ഇന്ത്യ - 8.40% മുതൽ 10.05%

2. ബാങ്ക് ഓഫ് ബറോഡ - 8.40% മുതൽ 10.90%

3. യൂണിയൻ ബാങ്ക് ഓഫ് ഇന്ത്യ - 8.35% മുതൽ 10.90%

4. പഞ്ചാബ് നാഷണൽ ബാങ്ക് - 8.40% മുതൽ 10.15

5. ബാങ്ക് ഓഫ് ഇന്ത്യ - 8.30% മുതൽ 10.75%

6. കാനറ ബാങ്ക് - 8.40% മുതൽ 11.15%

7. യുകോ ബാങ്ക് - 8.45%മുതൽ 10.30 %

8. ബാങ്ക് ഓഫ് മഹാരാഷ്ട്ര - 8.35% മുതൽ 11.15%

9. പഞ്ചാബ് ആൻഡ് സിന്ദ് ബാങ്ക് - 8.50% മുതൽ 10%

10. ഇന്ത്യൻ ഓവർസീസ് ബാങ്ക് - 8.40% മുതൽ

11. സെൻട്രൽ ബാങ്ക് ഓഫ് ഇന്ത്യ - 8.45% മുതൽ 9.80%

ക്രെഡിറ്റ് സ്കോർ

ക്രെഡിറ്റ് സ്കോർ പലിശ നിരക്കിൽ സ്വാധീനം ചെലുത്തുന്നു എന്ന് തുടക്കത്തിൽ സൂചിപ്പിച്ചിരുന്നല്ലോ. പേയ്‌മെൻ്റ് ചരിത്രം, സാമ്പത്തിക ഉത്തരവാദിത്തം, വിശ്വാസ്യത എന്നിവയെല്ലാം ക്രെഡിറ്റ് സ്‌കോറിൽ പ്രതിഫലിക്കുന്നു. അതുകൊണ്ടു തന്നെ ബാങ്കുകൾ കുറഞ്ഞ ക്രെഡിറ്റ് സ്‌കോറുകളുള്ള വായ്പക്കാരുടെ പലിശ നിരക്ക് ഉയർത്തും. എന്നാൽ മികച്ച ക്രെഡിറ്റ് സ്കോർ ഉള്ള ഒരു വ്യക്തിയെ കടം കൊടുക്കുന്നവർ കുറഞ്ഞ അപകടസാധ്യതയുള്ളതായി കണക്കാക്കുന്നു. ഇത് അവർക്ക് കുറഞ്ഞ പലിശ നിരക്ക് നൽകാനുള്ള സാധ്യത വർദ്ധിപ്പിക്കുന്നു.

കുറച്ച് കാത്തിരിക്കാം

2024 രണ്ടാം പാദം മുതൽ അല്ലെങ്കിൽ ഒരുപക്ഷേ ജൂൺ അല്ലെങ്കിൽ ജൂലൈയിൽ റിസർവ്വ് ബാങ്ക് ഓഫ് ഇന്ത്യ റിപ്പോ നിരക്ക് കുറയ്ക്കാൻ തുടങ്ങുമെന്നാണ് പ്രതീക്ഷിക്കുന്നത്. അങ്ങനെ സംഭവിച്ചാൽ

ഭവനവായ്പകളുടെ ഇഎംഐയിൽ എന്തെങ്കിലും കുറവുണ്ടാകാൻ സാധ്യതയുണ്ട്. അതുകൊണ്ടു തന്നെ ഭവനവായ്പ എടുക്കുന്നവർ വർഷത്തിൻ്റെ ആദ്യപകുതിയിൽ കാത്തിരിക്കുന്നത് ഒരു പക്ഷെ സാമ്പത്തിക ലാഭത്തിന് കാരണമായേക്കാം.

ഭവന വായ്പ എന്നത് ദീർഘകാലത്തേക്ക് സാമ്പത്തിക ഉത്തരവാദിത്തം നൽകുന്ന വായ്പയാണ്. അതുകൊണ്ടു തന്നെ വായ്പ എടുക്കുന്നതിന് മുൻപ് എല്ലാ കാര്യങ്ങളും പരിശോധിക്കുക.