കോമ്പൗണ്ടിംഗിന്റെ കരുത്തിൽ കോടികൾ നേടാം; 10000 രൂപയുടെ നിക്ഷേപം എത്ര കോടിയാകുമെന്നറിയാമോ?

ദീർഘകാല അടിസ്ഥാനത്തിൽ നിങ്ങളുടെ സാമ്പത്തിക ലക്ഷ്യങ്ങളിലേക്ക് എത്തിച്ചേരാൻ സാധിക്കുന്ന ഏറ്റവും മികച്ച നിക്ഷേപ രീതികളിലൊന്നാണ് സിസ്റ്റമാറ്റിക് ഇൻവെസ്റ്റ്മെന്റ് പ്ലാൻ അഥവ എസ്ഐപി. കൃത്യമായ ഇടവേളകളിൽ ഒരു നിശ്ചിത തുക ഓഹരി വിപണിയിലേക്ക് നിക്ഷേപിക്കാൻ നിക്ഷേപകരെ അനുവദിക്കുന്ന ഒരു നിക്ഷേപ രീതിയാണ് എസ്ഐപി. ഓഹരി വിപണിയിലെ ചാഞ്ചാട്ടങ്ങളും അപകട സാധ്യതകളും ഒരു പരിധിവരെ സന്തുലിതമാക്കി നിങ്ങൾക്ക് ഉറപ്പായ റിട്ടേൺസ് നൽകാൻ ദീർഘകാല അടിസ്ഥാനത്തിൽ സാധിക്കുന്നവെന്നതാണ് എസ്ഐപിയുടെ ഏറ്റവും വലിയ സവിശേഷതകളിലൊന്ന്. അച്ചടക്കത്തോടെയുള്ള നിക്ഷേപവും ഉയർന്ന റിട്ടേൺസും എസ്ഐപിയെ കൂടുതൽ ജനപ്രിയമാക്കുന്നു. ഏറ്റവും പുതിയ റിപ്പോർട്ടുകൾ വ്യക്തമാക്കുന്നത് പുതിയ തലമുറയുടെ ഏറ്റവും പ്രിയപ്പെട്ട നിക്ഷേപ രീതിയാണ് എസ്ഐപി എന്നാണ്.

കോമ്പൗണ്ടിംഗിന്റെ കരുത്തിലാണ് എസ്ഐപി നിക്ഷേപം വലിയ രീതിയിൽ വളരുന്നത്. ഇവിടെ നിങ്ങളുടെ മൂലധന നിക്ഷേപവും അതുണ്ടാക്കിയ പലിശയും കൂട്ടുപലിശയുടെ കരുത്തിൽ കൂടുതൽ വളരുന്നു. നിങ്ങൾ പ്രതിമാസം 10,000 രൂപ നിക്ഷേപത്തിന് മാറ്റിവെക്കാൻ സാധിക്കുന്ന ആളാണെങ്കിൽ, കുട്ടികളുടെ ഭാവി, ഭവന നിർമ്മാണം, റിട്ടയർമെന്റ് ആസൂത്രണം എന്നിവ പോലെയുള്ള സാമ്പത്തിക ലക്ഷ്യങ്ങളുള്ള ആളുകളാണെങ്കിൽ എസ്ഐപി ഒരു ശരിയായ തിരഞ്ഞെടുപ്പായിരിക്കുമെന്ന കാര്യത്തിൽ തർക്കമില്ല. എത്രത്തോളം നിങ്ങളുടെ നിക്ഷേപം വളരാൻ നിങ്ങൾ അനുവദിക്കുന്നുവോ അത്രത്തോളം റിട്ടേൺസ് നൽകാൻ എസ്ഐപി നിക്ഷേപങ്ങൾക്ക് സാധിക്കും.

നിലവിലത്തെ സാഹചര്യത്തിൽ എസ്ഐപി നിക്ഷേപത്തിലൂടെ നിങ്ങൾക്ക് ലഭിക്കാൻ സാധ്യതയുള്ള റിട്ടേൺസ് പ്രതിവർഷം ഏകദേശം 12 ശതമാനമാണ്. എന്നിരുന്നാലും, എന്തെങ്കിലും സാഹചര്യത്തിൽ അത് 10 ശതമനമാനമായി കുറയാനും 15 ശതമാനമായി കൂടാനുമുള്ള സാധ്യത കൂടി ഇവിടെ പരിഗണിക്കപ്പെടുന്നു. ഈ മൂന്ന് വ്യത്യസ്ത വരുമാന സാഹചര്യങ്ങളിലും നിങ്ങളുടെ പ്രതിമാസ എസ്ഐപി തുകയായ 10000 രൂപ എത്ര രൂപയുടെ സമ്പാദ്യം സൃഷ്ടിക്കുമെന്ന് നോക്കാം. 25 വർഷക്കാലത്തെ നിക്ഷേപ കാലയളവാണ് നമ്മൽ പരിശോധിക്കുന്നത്.

25 വർഷത്തേയ്ക്ക് നിങ്ങൾ തുടർച്ചയായി 10,000 രൂപ നിക്ഷേപിക്കുകയാണെങ്കിൽ നിങ്ങളുടെ ആകെ നിക്ഷേപം 30 ലക്ഷം രൂപയായിരിക്കും. ഇതിന് 12 ശതമാനമെന്ന ശരാശരി റിട്ടേൺസ് കണക്കാക്കിയാൽ 25 വർഷത്തിനപ്പുറം നിങ്ങളുടെ സമ്പാദ്യം 2.54 കോടി രൂപയായിരിക്കും. ഇതേ സാഹചര്യത്തിൽ നിങ്ങൾക്ക് ലഭിക്കുന്നത് 15 ശതമാനം റിട്ടേൺസാണെങ്കിൽ സമ്പാദ്യവും കൂടും. ഏകദേശം നിങ്ങൾക്ക് ലഭിക്കുക 3.74 കോടി ആയിരിക്കും. അതായത് നിങ്ങളുടെ നിക്ഷേപത്തിന്റെ പത്ത് ഇരട്ടിയിലധികം റിട്ടേൺസായി ലഭിക്കുന്നു. എന്നാൽ നിങ്ങളുടെ റിട്ടേൺസ് എന്തെങ്കിലും സാഹചര്യത്തിൽ 10 ശതമാനമായി കുറഞ്ഞാൽ നിങ്ങൾക്ക് 1.92 കോടി രൂപ ലഭിക്കും. ഇത് 12 ശതമാനം അല്ലെങ്കിൽ 15 ശതമാനം റിട്ടേണുകളിൽ ലഭിക്കാൻ സാധ്യതയുള്ള സമ്പാദ്യത്തേക്കാൾ കുറവാണെങ്കിലും, അച്ചടക്കമുള്ള നിക്ഷേപത്തിന്റെയും ദീർഘകാല സമ്പത്ത് സൃഷ്ടിക്കലിന്റെയും പ്രാധാന്യം ഇത് ഇപ്പോഴും എടുത്തുകാണിക്കുന്നു. മിതമായ റിട്ടേണിൽ പോലും, നിങ്ങളുടെ സാമ്പത്തിക ലക്ഷ്യങ്ങൾ ഫലപ്രദമായി നേടാൻ സിസ്റ്റമാറ്റിക് ഇൻവെസ്റ്റ്മെന്റ് പ്ലാൻ നിങ്ങളെ സഹായിക്കാനാകും.

വിപണിയിലെ ഏറ്റക്കുറച്ചിലുകൾ അല്ലെങ്കിൽ സാമ്പത്തിക അടിയന്തരാവസ്ഥകൾ കാരണം പല നിക്ഷേപകരും അവരുടെ നിക്ഷേപം നേരത്തെ ഉപേക്ഷിക്കുന്നു. എന്നിരുന്നാലും, മുഴുവൻ കാലയളവിലും നിക്ഷേപം തുടരുന്നത് കോമ്പൗണ്ടിംഗിന്റെ പരമാവധി നേട്ടങ്ങൾ നേടാൻ നിങ്ങളെ ഉറപ്പാക്കുന്നു. ഹ്രസ്വകാല അസ്ഥിരത സാധാരണമാണ്, എന്നാൽ ദീർഘകാലാടിസ്ഥാനത്തിൽ, ഇക്വിറ്റി മ്യൂച്വൽ ഫണ്ടുകൾ ശക്തമായ വരുമാനം നൽകുന്നു. ബാങ്ക് എഫ്ഡി, ആർഡി നിക്ഷേപ രീതികളെ അപേക്ഷിച്ച് സിസ്റ്റമാറ്റിക് ഇൻവെസ്റ്റ്മെന്റ് പ്ലാൻ എപ്പോഴും മികച്ച റിട്ടേൺസാണ് വാഗ്ദാനം ചെയ്യുന്നതും നൽകുന്നതും. ബാങ്ക് സ്ഥിര നിക്ഷേപങ്ങളിൽ നിങ്ങൾക്ക് ലഭിക്കുന്ന പരമാവധി പലിശ നിരക്ക് 6 ശതമാനം മുതൽ 8 ശതമാനം വരെയാണ്. അതേസമയം, പണപ്പെരുപ്പം യഥാർത്ഥ വരുമാനം കുറയ്ക്കുന്നു. ഇതിനു വിപരീതമായി, ഇക്വിറ്റി എസ്ഐപികൾക്ക് പണപ്പെരുപ്പത്തെ മറികടക്കാനും ഉയർന്ന സമ്പത്ത് ശേഖരണം നൽകാനും കഴിവുണ്ട്.

അറിയിപ്പ്: മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.