നികുതി ലാഭിക്കാൻ അഞ്ച് വർഷത്തെ സ്ഥിര നിക്ഷേപം; മികച്ച പലിശ നിരക്ക് നൽകുന്ന ബാങ്കുകൾ ഇവയാണ്, നോക്കുന്നോ

2023-24 സാമ്പത്തിക വർഷത്തേക്ക് നികുതി ലാഭിക്കൽ നിക്ഷേപം നടത്താനുള്ള അവസാന തീയതി മാർച്ച് 31 ആണ്. തൊഴിലുടമകൾ ജീവനക്കാരോട് നിക്ഷേപ തെളിവുകൾ സമർപ്പിക്കാൻ ജീവനക്കാരോട് ആവശ്യപ്പെടാൻ തുടങ്ങി. റിസ്ക് പ്രൊഫൈലും സാമ്പത്തിക ലക്ഷ്യങ്ങളും അനുസരിച്ച് നിക്ഷേപം വിവേകത്തോടെ തിരഞ്ഞെടുക്കണമെന്ന് പ്രത്യേകം പറയേണ്ടതില്ലല്ലോ. പബ്ലിക് പ്രൊവിഡൻ്റ് ഫണ്ട് , നാഷണൽ പെൻഷൻ സ്കീം, സുകന്യ സമൃദ്ധി യോജന , ഇക്വിറ്റി-ലിങ്ക്ഡ് സേവിംഗ്സ് സ്കീമുകൾ, എംപ്ലോയീസ് പ്രൊവിഡൻ്റ് ഫണ്ട്, ലൈഫ് ഇൻഷുറൻസ് പ്രീമിയങ്ങൾ തുടങ്ങിയവയിലെ നിക്ഷേത്തിലൂടെ നികുതി ലാഭിക്കാൻ സാധിക്കും.

താഴ്ന്ന നികുതി ബ്രാക്കറ്റിലുള്ളവർക്കും സുരക്ഷിതമായ നിക്ഷേപ പദ്ധതി തിരഞ്ഞെടുക്കുന്നവർക്കും നികുതി ലാഭിക്കുന്ന സ്ഥിര നിക്ഷേപങ്ങൾ (എഫ്ഡി) അനുയോജ്യമാണ്. ഒരു കോടി രൂപയിൽ താഴെയുള്ള നികുതി ലാഭിക്കുന്ന എഫ്ഡി
നിക്ഷേപങ്ങൾക്ക് മികച്ച പലിശ നിരക്കുകൾ വാഗ്ദാനം ചെയ്യുന്ന ബാങ്കുകൾ പരിശോധിക്കാം.

ആക്‌സിസ് ബാങ്ക് : നികുതി ലാഭിക്കുന്ന നിക്ഷേപങ്ങൾക്ക് 7 ശതമാനം വരെ പലിശ ആക്‌സിസ് ബാങ്ക് വാഗ്ദാനം ചെയ്യുന്നു. നിക്ഷേപിച്ച 1.5 ലക്ഷം രൂപ അഞ്ച് വർഷത്തിനുള്ളിൽ 2.12 ലക്ഷം രൂപയായി വളരും.

എച്ച്‌ഡിഎഫ്‌സി ബാങ്ക് : 7 ശതമാനം വരെ പലിശയാണ് നികുതി ലാഭിക്കുന്ന നിക്ഷേപങ്ങൾക്ക് എച്ച്‌ഡിഎഫ്‌സി ബാങ്ക് വാഗ്ദാനം ചെയ്യുന്നത്. നിക്ഷേപിച്ച 1.5 ലക്ഷം രൂപ അഞ്ച് വർഷത്തിനുള്ളിൽ 2.12 ലക്ഷം രൂപയായി വളരും.

ഐസിഐസിഐ ബാങ്ക് : നികുതി ലാഭിക്കുന്ന നിക്ഷേപങ്ങൾക്ക് 7 ശതമാനം വരെ പലിശ ആക്‌സിസ് ബാങ്ക് വാഗ്ദാനം ചെയ്യുന്നു. നിക്ഷേപിച്ച 1.5 ലക്ഷം രൂപ അഞ്ച് വർഷത്തിനുള്ളിൽ 2.12 ലക്ഷം രൂപയായി വളരും.

കാനറ ബാങ്ക് : പൊതുമേഖലാ ബാങ്കുകളിൽ മികച്ച പലിശനിരക്ക് വാഗ്ദാനം ചെയ്യുന്നത് കാനറ ബാങ്കാണ്. നികുതി ലാഭിക്കുന്ന നിക്ഷേപങ്ങൾക്ക് കാനറ ബാങ്ക് 6.7 ശതമാനം വരെ പലിശ വാഗ്ദാനം ചെയ്യുന്നു. നിക്ഷേപിച്ച 1.5 ലക്ഷം രൂപ അഞ്ച് വർഷത്തിനുള്ളിൽ 2.09 ലക്ഷം രൂപയായി വളരും.

സ്റ്റേറ്റ് ബാങ്ക് ഓഫ് ഇന്ത്യ : മുൻനിര പൊതുമേഖലാ ബാങ്കായ സ്റ്റേറ്റ് ബാങ്ക് ഓഫ് ഇന്ത്യ നികുതി ലാഭിക്കുന്നതിനുള്ള നിക്ഷേപങ്ങൾക്ക് 6.5 ശതമാനം വരെ പലിശ വാഗ്ദാനം ചെയ്യുന്നു. നിക്ഷേപിച്ച 1.5 ലക്ഷം രൂപ അഞ്ച് വർഷത്തിനുള്ളിൽ 2.07 ലക്ഷം രൂപയായി വളരും.

ബാങ്ക് ഓഫ് ബറോഡ : 6.50 ശതമാനം വരെ പലിശയാണ് നികുതി ലാഭിക്കുന്ന നിക്ഷേപങ്ങൾക്ക് ബാങ്ക് ഓഫ് ബറോഡ വാഗ്ദാനം ചെയ്യുന്നത്. നിക്ഷേപിച്ച 1.5 ലക്ഷം രൂപ അഞ്ച് വർഷത്തിനുള്ളിൽ 2.07 ലക്ഷം രൂപയായി വളരും.

പഞ്ചാബ് നാഷണൽ ബാങ്ക് : നികുതി ലാഭിക്കുന്നതിനുള്ള നിക്ഷേപങ്ങൾക്ക് 6.5 ശതമാനം വരെ പലിശ വാഗ്ദാനം ചെയ്യുന്നു. നിക്ഷേപിച്ച 1.5 ലക്ഷം രൂപ അഞ്ച് വർഷത്തിനുള്ളിൽ 2.07 ലക്ഷം രൂപയായി വളരും.

യൂണിയൻ ബാങ്ക് ഓഫ് ഇന്ത്യ : 6.50 ശതമാനം വരെ പലിശയാണ് നികുതി ലാഭിക്കുന്ന നിക്ഷേപങ്ങൾക്ക് യൂണിയൻ ബാങ്ക് ഓഫ് ഇന്ത്യ വാഗ്ദാനം ചെയ്യുന്നത്. നിക്ഷേപിച്ച 1.5 ലക്ഷം രൂപ അഞ്ച് വർഷത്തിനുള്ളിൽ 2.07 ലക്ഷം രൂപയായി വളരും.

ഇന്ത്യൻ ബാങ്ക് : നികുതി ലാഭിക്കുന്ന നിക്ഷേപങ്ങൾക്ക് 6.25 ശതമാനം വരെ പലിശ ഇന്ത്യൻ ബാങ്ക് വാഗ്ദാനം ചെയ്യുന്നു. നിക്ഷേപിച്ച 1.5 ലക്ഷം രൂപ അഞ്ച് വർഷത്തിനുള്ളിൽ 2.05 ലക്ഷം രൂപയായി വളരും.

ബാങ്ക് ഓഫ് ഇന്ത്യ : നികുതി ലാഭിക്കുന്ന നിക്ഷേപങ്ങൾക്ക് 6 ശതമാനം വരെ പലിശ വാഗ്ദാനം ചെയ്യുന്നു. നിക്ഷേപിച്ച 1.5 ലക്ഷം രൂപ അഞ്ച് വർഷത്തിനുള്ളിൽ 2.02 ലക്ഷം രൂപയായി വളരും.

ആർബിഐയുടെ അനുബന്ധ സ്ഥാപനമായ ഡെപ്പോസിറ്റ് ഇൻഷുറൻസ് ആൻഡ് ക്രെഡിറ്റ് ഗ്യാരൻ്റി കോർപ്പറേഷൻ (ഡിഐസിജിസി) 5 ലക്ഷം രൂപ വരെയുള്ള സ്ഥിരനിക്ഷേപങ്ങൾക്ക് ഗ്യാരണ്ടി നൽകുന്നു എന്നത് നിഷേപത്തിന് സുരക്ഷ നൽകുന്ന കാര്യമാണ്.