ഇപ്പോൾ വാങ്ങിയാൽ ഇരട്ടി വാങ്ങാം; ആഭരണങ്ങൾക്ക് നിരവധി ഇളവുകൾ പ്രഖ്യാപിച്ച പ്രമുഖ ജ്വല്ലറികൾ

തിന്മയ്ക്കുമേൽ നന്മ തേടിയ വിജയത്തിന്റെ ആഘോഷമാണ് ദീപാവലി. പടക്കം പൊട്ടിച്ചും ചേരാത് വിളക്കുകൾ കത്തിച്ചും രാജ്യം മുഴുവൻ ദീപാവലി ആഘോഷിക്കുന്നു. ആഘോഷത്തിന് മാറ്റുകൂട്ടാൻ സ്വർണാഭരണങ്ങൾ വാങ്ങുകയാണ് ആഭരണ പ്രേമികൾ ചെയ്യുന്നത്. ദീപാവലി കാലത്ത് ആഭരണങ്ങൾ വാങ്ങുന്നത് ഐശ്വര്യം കൊണ്ടുവരുമെന്നാണ് പൊതുവിലുള്ള വിശ്വാസം..

ദീപാവലി ആഘോഷത്തിന്റെ തുടക്കമാണ് ധൻ തേരസ് .സ്വർണ്ണം , വജ്രം മറ്റ് വിലപിടിപ്പുള്ള ആഭരണങ്ങൾ ഒക്കെ ഈ ദിവസം വാങ്ങുന്നത് സമൃദ്ധി വർദ്ധിക്കാൻ കാരണം ആകും എന്നതാണ് വിശ്വാസം. ധൻ തേരസിന്റെ അന്ന് സമ്പത്തിന്റെ ദേവതയായ മഹാലക്ഷ്മിയേയും , ധനത്തിന്റെ അധിപനായ കുബേരനെയും ആരാധിക്കുന്നു. ധൻ എന്നാൽ സമ്പത്ത് എന്നും തേരസ് എന്നാൽ ചന്ദ്ര ചക്രത്തിന്റെ പതിമൂന്നാം ദിനം എന്നുമാണ് അർഥം.

നവംബർ 12-നാണ് ദീപാവലി. ദീപാവലിയോടനുബന്ധിച്ച് തനിഷ്‌ക്, കല്യാൺ ജ്വല്ലേഴ്‌സ്, മലബാർ ഗോൾഡ് & ഡയമണ്ട്‌സ് തുടങ്ങിയ പ്രമുഖ ജ്വല്ലറി ബ്രാൻഡുകൾ ഉപഭോക്താക്കൾക്ക് വേണ്ടി നിരവധി ഡീലുകളും ഡിസ്‌കൗണ്ടുകളും നൽകുന്നുണ്ട്. ആ ഓഫറുകൾ ഉപയോഗിക്കുന്നത് ദീപാവലിനാളിൽ കുറഞ്ഞ വിലയ്ക്ക് സ്വർണ്ണം വാങ്ങിക്കാൻ സഹായിക്കും. പ്രമുഖ ജ്വല്ലറി ബ്രാൻഡുകൾ നൽകുന്ന ഓഫറുകളെ കുറിച്ച് വിശദമായി അറിയാം

തനിഷ്ക്

സ്വർണ്ണ, വജ്രാഭരണങ്ങൾക്കുള്ള ചാർജുകളിൽ തനിഷ്‌ക് 20% വരെ കിഴിവ് വാഗ്ദാനം ചെയ്യുന്നു. ഏത് ജ്വല്ലറിയിൽ നിന്നും വാങ്ങിയതായാലും

പഴയ സ്വർണ്ണത്തിന് 100% എക്‌സ്‌ചേഞ്ച് മൂല്യവും നൽകുന്നു. എസ്ബിഐ കാർഡ് ഉപഭോക്താക്കൾക്ക് , കുറഞ്ഞത് 80,000 രൂപയുടെ ഇടപാടിന് 4,000 രൂപ തൽക്ഷണ കിഴിവ് ലഭ്യമാണ്. ഈ ഓഫർ നവംബർ 12 വരെ മാത്രമാണ്

കല്യാൺ ജ്വലേഴ്സ്

കല്യാൺ ജ്വല്ലേഴ്സിൽ ഡയമണ്ട് വിലയിൽ 20 ശതമാനം കിഴിവ് ലഭിക്കുന്നതാണ് . പ്രധാന ബാങ്കുകളുടെ ഡെബിറ്റ്, ക്രെഡിറ്റ് കാർഡ് ഉപയോഗിച്ച് വാങ്ങുമ്പോൾ 3 ശതമാനം കിഴിവും ലഭിക്കുന്നു

മലബാർ ഗോൾഡ് ആൻഡ് ഡയമണ്ട്സ്

ഡയമണ്ടിന്റെ മൂല്യത്തിൽ 30 ശതമാനം കിഴിവ് ലഭിക്കും. എസ്ബിഐ കാർഡ് ഉടമകൾക്ക് നവംബർ 12 വരെ കുറഞ്ഞത് 25,000 രൂപയുടെ ഇടപാടുകൾക്ക് 5 ശതമാനം അധിക ക്യാഷ്ബാക്കും ലഭിക്കുക്കും.

കാരറ്റ് ലെയിൻ

കാരറ്റ് ലെയ്നിൽ വജ്രങ്ങൾക്കായി 4,000 രൂപയോ അതിൽ കൂടുതലോ ചെലവഴിക്കുമ്പോൾ 25 ശതമാനം ഇളവ് ലഭിക്കും. എസ്ബിഐ കാർഡ് ഉടമകൾക്ക് 5 ശതമാനം ഇളവ് ലഭിക്കും . ഓഫർ കാലവധി നവംബർ 12 വരെയാണ്

പി സി ജ്വല്ലേഴ്സ്

പിസി ജ്വല്ലറിയിൽ വജ്രങ്ങൾക്ക് പണിക്കൂലിയിൽ 25 ശതമാനം കിഴിവ് ലഭിക്കും. അതോടൊപ്പം വിലയിൽ 10 ശതമാനം ഇളവുമുണ്ട്. ഒരു ഗ്രാം സ്വർണ്ണാഭരണങ്ങൾക്ക് 100 രൂപ ഇളവും എല്ലാ ആഭരണങ്ങളുടെയും മേക്കിങ് ചാർജിൽ 25 ശതമാനം കിഴിവും ലഭിക്കും. നവംബർ 15 വരെയാണ് ഓഫർ.

ഇന്നത്തെ സർണ്ണ വില

സംസ്ഥാനത്ത് സ്വർണ വിലയിൽ വർധന. പവന് 240 രൂപ കൂടി ഒരു പവൻ സ്വർണത്തിന് 44,800 രൂപയായി. ഒരു ഗ്രാം സ്വർണത്തിന് 5,600 രൂപയാണ് വില. രാജ്യാന്തര വിപണിയിൽ ട്രോയ് ഔൺസിന് 1957 ഡോളറാണ് വില. ഇന്നലെ ഒരു പവൻ സ്വർണത്തിന് 44,560 രൂപയായിരുന്നു വില. ഈ മാസത്തെ ഏററവും കുറഞ്ഞ നിരക്കായിരുന്നു ഇത്.

വെള്ളി വില

ഇന്ന് വെള്ളി വിലയിൽ വ‍ർധന. ഒരു ഗ്രാം വെള്ളിക്ക് 77 രൂപയാണ് വില. എട്ടു ഗ്രാം വെള്ളിക്ക് 616 രൂപയും 10 ഗ്രാം വെള്ളിക്ക് 762 രൂപയുമാണ് വില. കിലോഗ്രാമിന് 77,000 രൂപയാണ് വില. ഇന്നലെ ഒരു കിലോഗ്രാമിന് 76,200 രൂപയായിരുന്നു വില.

ഇസ്രായേൽ-ഹമാസ് യുദ്ധം കാരണം സ്വർണത്തിന്റെയും വെള്ളിയുടെയും വില മൂന്നാഴ്ചയ്ക്കിടെ 10 ശതമാനം വരെ ഉയർന്നിരുന്നു. ഒരു ഘട്ടത്തിൽ അന്താരാഷ്ട്ര വിപണിയിൽ സ്വർണ വില 2,000 ഡോളറിന് മുകളിലെത്താൻ ഇത് കാരണമായി.