പിഎഫിൽ പണം നിക്ഷേപിക്കുന്നുണ്ടോ? 40 വർഷത്തെ ജോലിക്ക് ശേഷം നിങ്ങൾക്ക് എത്ര തുക ലഭിക്കും?

സ്വകാര്യ മേഖലയിലെ ജീവനക്കാർക്ക് റിട്ടയർമെന്റ് ജീവിതത്തിൽ വരുമാനം ഉറപ്പാക്കുന്നതിനുള്ള സ്‌കീമാണ് എംപ്ലോയീസ് പ്രൊവിഡന്റ് ഫണ്ട് (ഇപിഎഫ്). പിഎഫ് അക്കൗണ്ടിലേക്ക് തൊഴിലുടമയും ജീവനക്കാരനും തുല്യമായാണ് സംഭാവന ചെയ്യുന്നത്. ഈ പദ്ധതി എംപ്ലോയീസ് പ്രൊവിഡന്റ് ഫണ്ട് ഓർഗനൈസേഷൻ (ഇപിഎഫ്ഒ) ആണ് കൈകാര്യം ചെയ്യുന്നത്.

ഓരോ മാസവും, നിങ്ങളുടെ അടിസ്ഥാന ശമ്പളത്തിന്റെയും ക്ഷാമബത്തയുടെയും (ഡിഎ) ഒരു ശതമാനം ഇപിഎഫിലേക്ക് സംഭാവന ചെയ്യുന്നു. നിങ്ങളുടെ തൊഴിലുടമയും നിങ്ങളുടെ അടിസ്ഥാന ശമ്പളത്തിന്റെയും ഡിഎയുടെയും സംയുക്ത തുകയുടെ 12% വീതം സംഭാവന ചെയ്യുന്നു. ഇപിഎഫ്ഒയിലെ പലിശ പ്രതിവർഷം സർക്കാരാണ് നിശ്ചയിക്കുന്നത്. മെഡിക്കൽ അത്യാഹിതങ്ങൾ, വിവാഹം, വിദ്യാഭ്യാസം, അല്ലെങ്കിൽ ഒരു പുതിയ വീട് വയ്ക്കുന്നത് തുടങ്ങിയ അടിയന്തര ഘട്ടങ്ങളിൽ അകാല പിൻവലിക്കൽ അനുവദനീയമാണ്.

ഇപിഎഫ് സംഭാവനകൾ എങ്ങനെയാണ് വിഭജിക്കപ്പെടുന്നത്?

അടിസ്ഥാന ശമ്പളത്തിന്റെയും ഡിഎയുടെയും 12% നേരിട്ട് ഇപിഎഫിലേക്ക് സംഭാവന ചെയ്യുന്നു. തൊഴിലുടമയും 12% സംഭാവന ചെയ്യുന്നു. എന്നിരുന്നാലും, തൊഴിലുടമയുടെ വിഹിതം രണ്ട് ഭാഗങ്ങളായി തിരിച്ചിരിക്കുന്നു. 8.33% പെൻഷൻ സ്കീമിലേക്ക് പോകുന്നു, ഇപിഎഫ് അക്കൗണ്ടിലേക്ക് 3.67% പോകുന്നു.

40 വർഷത്തെ ജോലിക്ക് ശേഷം എത്ര പിഎഫ് തുക കിട്ടും?

40 വർഷത്തെ ജോലിക്ക് ശേഷം നിങ്ങൾക്ക് എത്ര പിഎഫ് തുക ലഭിക്കുമെന്ന് എപ്പോഴെങ്കിലും ചിന്തിച്ചിട്ടുണ്ടോ?. 15,000 രൂപ ശമ്പളമുള്ള ഒരാൾക്ക് 40 വയസ് പ്രായമുണ്ടെങ്കിൽ, 58 വയസ് വരെ ജോലിയിൽ തുടരുകയാണെങ്കിൽ, ഏകദേശം 27.66 ലക്ഷം രൂപ റിട്ടയർമെന്റ് കോർപ്പസ് സ്വരൂപിക്കാം. നിങ്ങളുടെ ശമ്പളം പ്രതിവർഷം 10% വർധിക്കുമെന്നും നിങ്ങളും നിങ്ങളുടെ തൊഴിലുടമയും സ്ഥിരമായ സംഭാവനകൾ നൽകുമെന്നതിന്റെയും കണക്കുകൂട്ടലാണിത്.

അതായത്, നിങ്ങളുടെ ഇപ്പോഴത്തെ പ്രായം 18 ആണെന്ന് കരുതുക. 58-ാം വയസിലാണ് റിട്ടയർമെന്റ് എങ്കിൽ 40 വർഷമാണ് നിങ്ങളുടെ മൊത്ത സർവീസ്. നിങ്ങളുടെ പ്രതിമാസ സംഭാവന 12 ശതമാനമാണ്. നിങ്ങളുടെ തൊഴിലുടമയുടെ സംഭാവന 3.67 ശതമാണ്. ഇപിഎഫ് പലിശ നിരക്ക് 8.1 ശതമാനമാണ്. പ്രതിവർഷം ശമ്പളത്തിൽ 10 ശതമാനം വർധനവ് ഉണ്ടായാൽ 58 വയസിൽ നിങ്ങളുടെ സമ്പാദ്യം 27.66 ലക്ഷമായിരിക്കും.

ഇപിഎഫ് നിങ്ങളുടെ ഭാവിക്ക് പ്രാധാന്യം നൽകുന്നത് എന്തുകൊണ്ട്?

ഇപിഎഫ് സ്കീം ജീവനക്കാർക്ക് റിട്ടയർമെന്റ് ജീവിതത്തിൽ ഉറപ്പുള്ള വരുമാനത്തിനുള്ള ഏറ്റവും വിശ്വസനീയമായ മാർഗമാണ്, പ്രത്യേകിച്ച് സ്വകാര്യ മേഖലയിൽ. ജീവനക്കാരിൽ നിന്നും തൊഴിലുടമകളിൽ നിന്നുമുള്ള സ്ഥിരമായ സംഭാവനകൾ, വാർഷിക പലിശ നിരക്കുകളുടെ ആനുകൂല്യം എന്നിവ ഉപയോഗിച്ച്, ഇപിഎഫ് തുക കാലക്രമേണ വളരുന്നു. നിങ്ങൾ വിരമിക്കുമ്പോൾ സാമ്പത്തിക ഭദ്രത ഉണ്ടെന്ന് ഉറപ്പാക്കുന്നു. വിരമിക്കൽ പ്രായത്തോട് അടുക്കുമ്പോൾ, ഈ സമ്പാദ്യം വിരമിക്കലിന് ശേഷമുള്ള ജീവിത ചെലവുകൾ നിറവേറ്റുന്നതിന് സഹായിക്കുന്നു.