'എട്ടാം ശമ്പള കമ്മീഷൻ', നിങ്ങളുടെ സാലറിയിൽ മാറ്റം വരുമോ? എങ്ങനെ കണ്ടെത്താം?

'വികസിത ഭാരതം കെട്ടിപ്പടുക്കുന്നതിനായി പ്രവർത്തിക്കുന്ന എല്ലാ സർക്കാർ ജീവനക്കാരുടെയും ശ്രമങ്ങളിൽ നമുക്കെല്ലാവർക്കും അഭിമാനമുണ്ട്.
എട്ടാം ശമ്പള കമ്മീഷൻ സംബന്ധിച്ച മന്ത്രിസഭയുടെ തീരുമാനം ജീവിത നിലവാരം മെച്ചപ്പെടുത്തുകയും ഉപഭോഗത്തിന് ഉത്തേജനം നൽകുകയും ചെയ്യും'

കേന്ദ്ര സർക്കാർ ജീവനക്കാർക്കായി എട്ടാം ശമ്പള കമ്മീഷൻ രൂപീകരണത്തിന് അം​ഗീകാരം നൽകിയ മന്ത്രി സഭയെ പുകഴ്ത്തിക്കൊണ്ട് പ്രധാനമന്ത്രി നരേന്ദ്ര മോദി പറഞ്ഞ വാക്കുകളാണ് ഇവ. ആളുകളുടെ ജീവിത നിലവാരം മെച്ചപ്പെടുത്തുന്നതിലൂടെ രാജ്യവും പുരോഗമിക്കും എന്ന വസ്തുതയാണ് ഇതിലൂടെ കേന്ദ്രം വ്യക്തമാക്കുന്നത്.

വാർത്താ വിതരണ പ്രക്ഷേപണ മന്ത്രി അശ്വിനി വൈഷ്ണവ് ആണ് കഴിഞ്ഞ ദിവസം വാർത്താ സമ്മേളനത്തിലൂടെ എട്ടാം ശമ്പള കമ്മീഷൻ രൂപീകരണത്തിന് അം​ഗീകാരം നൽകിയ കാര്യം വ്യക്തമാക്കിയത്. കേന്ദ്ര സർക്കാർ ജീവനക്കാരുടെ ക്ഷാമബത്ത അടിസ്ഥാന ശമ്പളത്തിന്റെ 50 ശതമാനത്തിന് മുകളിൽ എത്തിയിരുന്നു. ഇതിന് പിന്നാലെയാണ് എട്ടാം ശമ്പള കമ്മീഷൻ പ്രഖ്യാപിച്ചത്.

2025 ജൂലൈ ഒന്ന് മുതലാണ് ശമ്പള പരിഷ്കരണത്തിൽ മാറ്റം വരുന്നത്. ജീവനക്കാർക്കും പെൻഷൻകാർക്കും അവരുടെ അടിസ്ഥാന ശമ്പളത്തിന്റെ 53 ശതമാനം ക്ഷാമബത്ത/റിലീഫ് ആയി ലഭിക്കുമെന്നതാണ് പ്രത്യേകത. കേന്ദ്ര സർക്കാർ ജീവനക്കാർക്കും പെൻഷൻകാർക്കും 2025 ജനുവരി മുതൽ ക്ഷാമബത്ത/റിലീഫ് വർധിപ്പിക്കാൻ ഉണ്ടെന്ന്

ഏഴാം ശമ്പള കമ്മീഷന്റെ ശുപാർശകളുടെ അടിസ്ഥാനത്തിലാണ് നിലവിൽ ജീവനക്കാർക്ക് ശമ്പളവും പെൻഷനും ലഭിക്കുന്നത്. 2016 ജനുവരി ഒന്ന് മുതലാണ് ശമ്പള കമ്മീഷൻ ശുപാർശകൾ നടപ്പിലാക്കി തുടങ്ങിയത്. എട്ടാം ശമ്പള കമ്മീഷൻ ശുപാർശകൾ ഉടൻ പ്രഖ്യാപിക്കുമെന്നാണ് പ്രതീക്ഷിക്കുന്നത്. ഏഴാം ശമ്പള കമ്മീഷൻ 2016ൽ ആണ് പ്രഖ്യാപിച്ചത്.

ശമ്പള കമ്മീഷന്റെ പ്രവർത്തന ടൈംലൈൻ

അനുമതി: 2025 ജനുവരി (കേന്ദ്ര മന്ത്രിസഭ അംഗീകരിച്ചു).

അവസാന ശുപാർശകൾ: 2025 അവസാനത്തോടെ പ്രതീക്ഷിക്കുന്നു.

പ്രാബല്യ തീയതി: 2026 ആദ്യം.

ശമ്പള മാറ്റം എങ്ങനെ കണക്കാക്കാം

ഫിറ്റ്‌മെന്റ് ഫാക്ടർ വർദ്ധനവ്:

ശമ്പളത്തെ പുതുക്കാൻ ഉപയോഗിക്കുന്ന പ്രധാന ഘടകം ഫിറ്റ്‌മെന്റ് ഫാക്ടറാണ്. 7-ാം ശമ്പള കമ്മീഷനിൽ 2.57 ഫാക്ടർ ആയിരുന്നു. 8-ാം കമ്മീഷനിൽ 3.0 മുതൽ 3.5 വരെ ഉയരാൻ സാധ്യതയുണ്ട്.

എങ്ങനെ ശമ്പളം കണക്ക് കൂട്ടാം

ഫിറ്റ്‌മെന്റ് ഫാക്ടറുമായി ബന്ധപ്പെട്ടാണ് പുതുക്കിയ ശമ്പളം കണക്കാക്കുന്നത്.

നിലവിലെ സാലറി × ഫിറ്റ്മെന്റ് ഫാക്ടർ = പുതുക്കിയ സാലറി

ഉദാഹരണം 1: ലെവൽ 1 ജീവനക്കാരൻ

നിലവിലെ ശമ്പളം (7-ാം ശമ്പള കമ്മീഷൻ): ₹18,000

ഫിറ്റ്‌മെന്റ് ഫാക്ടർ: 2.28

കണക്കാക്കൽ:

പുതിയ ശമ്പളം = ₹18,000 × 2.28

പുതിയ ശമ്പളം = ₹40,944

8-ാം ശമ്പള കമ്മീഷനിൽ: ഈ ജീവനക്കാരന്റെ ശമ്പളം ഏകദേശമായി ₹41,000 ആയി ഉയരും.

ഉദാഹരണം 2: ലെവൽ 2 ജീവനക്കാരൻ

നിലവിലെ ശമ്പളം (7-ാം ശമ്പള കമ്മീഷൻ): ₹19,900

ഫിറ്റ്‌മെന്റ് ഫാക്ടർ: 2.28

കണക്കാക്കൽ:

പുതിയ ശമ്പളം = ₹19,900 × 2.28

പുതിയ ശമ്പളം = ₹45,372

താങ്കളുടെ ലെവലിനും അടിസ്ഥാന ശമ്പളത്തിനും അനുസരിച്ച്, ഫിറ്റ്‌മെന്റ് ഫാക്ടർ ഉപയോഗിച്ച് പുതിയ ശമ്പളം കണക്കാക്കാം.

ഡിയർനെസ് അലവൻസ് (DA)

ഡിയർനെസ് അലവൻസ് തൊഴിലാളികൾക്ക് ആദ്യഘട്ടത്തിൽ തന്നെ നൽകിയാൽ അത് പണപ്പെരുപ്പം വർധിക്കാൻ കാരണമാകും. അതുകൊണ്ട് തന്നെ DA ആദ്യഘട്ടത്തിൽ 0% ആക്കുകയും പിന്നീട് 6 മാസം ഇടവിട്ടു വർദ്ധിപ്പിക്കുകയും ചെയ്യും.

3. അനുകൂല്യങ്ങൾ:

ഹൗസ് റന്റ് അലവൻസ് (HRA), ട്രാൻസ്പോർട്ട് അലവൻസ്, മെഡിക്കൽ അലവൻസ് എന്നിവയും ഉയരും.

4. കുറഞ്ഞ ശമ്പളം മുതൽ ഉയർന്ന ശമ്പളം വരെ വർദ്ധനവ്

കുറഞ്ഞ ശമ്പളം ₹18,000 ൽ നിന്ന് ₹54,000 ആയി ഉയരുമെന്ന് പ്രതീക്ഷിക്കുന്നു (3.0 ഫിറ്റ്‌മെന്റ് ഫാക്ടറിന് അനുസൃതമായി).

മുതിർന്ന ഉദ്യോഗസ്ഥരുടെ ശമ്പളം അനുപാതികമായി ഉയരും.