ദീപാവലി ആഘോഷത്തിനൊപ്പം നിക്ഷേപവും തുടങ്ങാം... മികച്ച സ്ഥിര നിക്ഷേപ പദ്ധതികളെക്കുറിച്ച് അറിയാം

നവംബർ 12നാണ് രാജ്യം ദീപാവലി ആഘോഷിക്കുന്നത്. വിളക്കുകളുടേയും സന്തോഷത്തിന്റേയും ഉത്സവമാണ് ദീപാവലി. ആഘോഷങ്ങള്‍ക്കും ആചാരങ്ങള്‍ക്കും പ്രാദേശിക ഭേദമുണ്ട്. എങ്കിലും പുതുവസ്ത്രങ്ങള്‍ ധരിച്ച് ദീപം തെളിയിക്കുന്നതും സമ്മാനങ്ങള്‍ കൈമാറുന്നതുമെല്ലാം എല്ലായിടത്തും പതിവാണ്. ഈ ദീപാവലി ദിവസം ഒരു സ്ഥിര നിക്ഷേപം തുടങ്ങി ജീവിതം കൂടുതൽ ഭദ്രമാക്കാം.

ജനപ്രിയ നിക്ഷേപ ഓപ്ഷനുകളിൽ ഒന്നാണ് സ്ഥിര നിക്ഷേപങ്ങൾ അഥവാ ഫിക്സഡ് ഡെപ്പോസിറ്റുകൾ. കാരണം അപകട സാധ്യത ഏറ്റവും കുറഞ്ഞ നിക്ഷേപങ്ങളാണ് സ്ഥിര നിക്ഷേപങ്ങൾ. ഉയർന്ന പലിശ നിരക്കുകളാണ് ബാങ്കുകൾ സാധാരയായി സ്ഥിര നിക്ഷേപങ്ങൾക്ക് വാഗ്ദാനം ചെയ്യുന്നത്. എന്നാലും ഒരു സ്ഥിര നിക്ഷേപത്തിൽ നിക്ഷേപിക്കുന്നതിന് മുമ്പ്, ശ്രദ്ധിക്കേണ്ട ചില കാര്യങ്ങളുണ്ട്. അവയെക്കുറിച്ച് വിശദമായി അറിയാം.

1. പലിശ നിരക്ക്

ഒരു സ്ഥിര നിക്ഷേപത്തിൽ നിക്ഷേപിക്കുമ്പോൾ പരിഗണിക്കേണ്ട ഏറ്റവും പ്രധാനപ്പെട്ട ഘടകങ്ങളിലൊന്നാണ് ബാങ്കോ ധനകാര്യ സ്ഥാപനമോ വാഗ്ദാനം ചെയ്യുന്ന പലിശ നിരക്ക്. ഒരു സ്ഥിര നിക്ഷേപ അക്കൗണ്ട് തുറക്കുന്നതിന് മുമ്പ് വിവിധ ബാങ്കുകൾ വാഗ്ദാനം ചെയ്യുന്ന പലിശ നിരക്ക് താരതമ്യം ചെയ്യുക. കൂട്ടുപലിശയും സാധാരണ പലിശയും സ്ഥിര നിക്ഷേപത്തിന് ബാധകമാകാറുണ്ട്. നിശ്ചിതകാലാവധിക്ക് ശേഷം പലിശയും നിക്ഷേപിച്ച തുകയും ഒരുമിച്ച് തിരികെയെടുക്കുമ്പോഴാണ് കൂട്ടുപലിശ ലഭിക്കുക. സാധാരണ പലിശയാകുമ്പോള്‍ മാസം തോറുമോ ആറുമാസത്തിലോ വര്‍ഷത്തിലോ നിശ്ചിത പലിശ ലഭ്യമാകും.

2 കാലാവധി

സ്ഥിര നിക്ഷേപത്തിന്റെ കാലാവധി പരിഗണിക്കേണ്ട മറ്റൊരു പ്രധാന ഘടകമാണ്. പണം നിക്ഷേപിക്കാൻ ഉദ്ദേശിക്കുന്ന കാലയളവാണ് നിക്ഷേപ കാലാവധി. പൊതുവേ, കാലാവധി കൂടുന്തോറും പലിശനിരക്കും കൂടും. ബജാജ് ഫിനാൻസ് 12 മുതൽ 60 മാസം വരെ കാലാവധിയുള്ള സ്ഥിരനിക്ഷേപങ്ങൾ വാഗ്ദാനം ചെയ്യുന്നു.

3. ഏറ്റവും കുറഞ്ഞ നിക്ഷേപം

ഒരു സ്ഥിര നിക്ഷേപം തുടങ്ങാൻ ആവശ്യമായ ഏറ്റവും കുറഞ്ഞ തുക ഓരോ ബാങ്കുകൾക്കും വ്യത്യാസമാണ്. ഉദാഹരണത്തിന് ബജാജ് ഫിനാൻസ്, 1000 രൂപയിൽ താഴെ നിക്ഷേപം അനുവദിക്കുന്നു.

5. സുരക്ഷിതത്വവും വിശ്വാസ്യതയും

സുരക്ഷിതവും വിശ്വസനീയവുമായ സ്ഥിരനിക്ഷേപത്തിൽ നിക്ഷേപിക്കുന്നത് പ്രധാനമാണ്.

6. നികുതി

സ്ഥിര നിക്ഷേപങ്ങളിൽ നിന്ന് ലഭിക്കുന്ന പലിശയ്ക്ക് നികുതി ബാധകമാണ്. സ്ഥിര നിക്ഷേപത്തിൽ നിക്ഷേപിക്കുന്നതിന് മുമ്പ് നികുതി പ്രത്യാഘാതങ്ങൾ മനസ്സിലാക്കേണ്ടത് പ്രധാനമാണ്. സ്ഥിര നിക്ഷേപങ്ങൾക്ക് വ്യത്യസ്ത ബാങ്കുകൾ വ്യത്യസ്ത ബാങ്കുകൾ വിവിധ തരത്തിലുള്ള പലിശയാണ് വാഗ്ദാനം ചെയ്യുന്നതെന്ന് പറഞ്ഞല്ലോ. 2 കോടി രൂപവരെയുള്ള നിക്ഷേപങ്ങൾക്ക് വ്യത്യസ്ത ബാങ്കുകൾ നൽകുന്ന പലിശ നിരക്ക് പരിശോധിക്കാം.

സ്റ്റേറ്റ് ബാങ്ക് ഓഫ് ഇന്ത്യ

1. 1 വർഷം മുതൽ 2 വർഷത്തിൽ താഴെ: പൊതുജനങ്ങൾക്ക് - 6.80 ശതമാനം; മുതിർന്ന പൗരന്മാർക്ക് - 7.30 ശതമാനം

2. 2 വർഷം മുതൽ 3 വർഷം വരെ: പൊതുജനങ്ങൾക്ക് - 7.00 ശതമാനം; മുതിർന്ന പൗരന്മാർക്ക് - 7.50 ശതമാനം

3. 3 വർഷം മുതൽ 5 വർഷത്തിൽ താഴെ: പൊതുജനങ്ങൾക്ക് - 6.50 ശതമാനം; മുതിർന്ന പൗരന്മാർക്ക് - 7.00 ശതമാനം

4. 5 വർഷം മുതൽ 10 വർഷം വരെ: പൊതുജനങ്ങൾക്ക് - 6.50 ശതമാനം; മുതിർന്ന പൗരന്മാർക്ക് - 7.50 ശതമാനം

പഞ്ചാബ് നാഷണൽ ബാങ്ക്

1. 1 വർഷം മുതൽ 443 ദിവസം വരെ: പൊതുജനങ്ങൾക്ക് - 6.80 ശതമാനം; മുതിർന്ന പൗരന്മാർക്ക് - 7.30 ശതമാനം

2. 2 വർഷത്തിന് മുകളിൽ 3 വർഷം വരെ: പൊതുജനങ്ങൾക്ക് - 7.00 ശതമാനം; മുതിർന്ന പൗരന്മാർക്ക് - 7.50 ശതമാനം

3. 3 വർഷത്തിന് മുകളിൽ 5 വർഷം വരെ: പൊതുജനങ്ങൾക്ക് - 6.50 ശതമാനം; മുതിർന്ന പൗരന്മാർക്ക് - 7.00 ശതമാനം

4. 5 വർഷം മുതൽ 10 വർഷം വരെ: പൊതുജനങ്ങൾക്ക് - 6.50 ശതമാനം; മുതിർന്ന പൗരന്മാർക്ക് - 7.30 ശതമാനം.

ഐസിഐസിഐ ബാങ്ക്

1. 18 മാസം മുതൽ 2 വർഷം വരെ: പൊതുജനങ്ങൾക്ക് - 7.10 ശതമാനം; മുതിർന്ന പൗരന്മാർക്ക് - 7.60 ശതമാനം

2. 2 വർഷം മുതൽ 3 വർഷം വരെ: പൊതുജനങ്ങൾക്ക് - 7.00 ശതമാനം; മുതിർന്ന പൗരന്മാർക്ക് - 7.50 ശതമാനം

3. 3 വർഷം മുതൽ 5 വർഷം വരെ: പൊതുജനങ്ങൾക്ക് - 7.00 ശതമാനം; മുതിർന്ന പൗരന്മാർക്ക് - 7.50 ശതമാനം

4. 5 വർഷം മുതൽ 10 വർഷം വരെ: പൊതുജനങ്ങൾക്ക് - 6.90 ശതമാനം; മുതിർന്ന പൗരന്മാർക്ക് - 7.50 ശതമാനം.