Click it and Unblock the Notifications
നിലവില് ഭവന വായ്പയുള്ള വ്യക്തിയാണോ നിങ്ങള്? എത്രയാണ് നിങ്ങളുടെ വായ്പയിന്മേല് ബാങ്ക് ഈടാക്കുന്ന പലിശ നിരക്ക്? 9ശതാമനത്തിലും 10 ശതമാനത്തിലുമൊക്കെയായി ഉയര്നന പലിശ നിരക്കാണ്
നിലവില് ഭവന വായ്പയുള്ള വ്യക്തിയാണോ നിങ്ങള്? എത്രയാണ് നിങ്ങളുടെ വായ്പയിന്മേല് ബാങ്ക് ഈടാക്കുന്ന പലിശ നിരക്ക്? 9ശതാമനത്തിലും 10 ശതമാനത്തിലുമൊക്കെയായി ഉയര്നന പലിശ നിരക്കാണ് നിങ്ങള് നല്കിക്കൊണ്ടിരിക്കുന്നതെങ്കില് ഉടന് ബാങ്കുമായി ബന്ധപ്പെട്ടാല് പലിശ നിരക്കില് നിങ്ങള്ക്ക് ഇളവ് ലഭിക്കും.
പുതുതായി ഭവന വായ്പ എടുക്കുന്നവര്ക്ക് ആറര ശതമാനമൊക്കെയാണ് പലിശ നിരക്ക്. കാരണം, റിസര്വ് ബാങ്ക് ഭവന വായ്പ പലിശ നിരക്കില് വരുത്തിയിരിക്കുന്ന ഇളവിന് നിങ്ങള്ക്ക് അര്ഹതയുണ്ടെങ്കില് പോലും നിങ്ങള്ക്ക് കിട്ടിയിരിക്കണമെന്നില്ല. അതിന്റെ ഗുണഫലംം ലഭിക്കുന്നതിനായി ബാങ്കുകളെ നേരിട്ട് സമീപിക്കേണ്ടതുണ്ട്.
റിപ്പോ നിരക്ക് കുറച്ചപ്പോള് തന്നെ ആര്ബിഐ ഭവന വായ്പയിലെ പലിശ നിരക്കിലും കുറവ് വരുത്തിയിട്ടുണ്ട്. പുതുതായി വായ്പ എടുക്കുന്നവര്ക്കല്ലാതെ പല ബാങ്കുകളും വേഗത്തില് അവരുടെ ഉപഭോക്താക്കള്ക്ക് ഈ ഇളവ് നല്കാറില്ല. ഇതിന് കാരണമായി പല കാരണങ്ങളാണ് ബാങ്കുകള് നിരത്തുന്നത്.
നിരക്ക് കുറയ്ച്ചതിന്റെ ഗുണഫലം ശരിയായ രീതിയില് ഉപഭോക്താക്കളിലേക്ക് എത്തിക്കുാവാന് റിസര്വ് ബാങ്ക് നടപടികള് സ്വീകരിച്ചിട്ടു പോലും പല ഉപഭോക്താക്കള്ക്കും ഇതിന്റെ ആനൂകൂല്യം ലഭ്യമായിട്ടില്ല. സ്വകാര്യ മേഖലയിലെ ഹൗസിംഗ് ഫിനാന്സ് കമ്പനികളില് നിന്ന് ഭവന വായ്പ എടുത്തവര്ക്ക് മാത്രമല്ല പ്രമുഖ പൊതുമേഖലാ ബാങ്കുകളിലും ഇത് തന്നെയാണ് സ്ഥിതിയെന്ന് അനുഭവസ്ഥര് പറയുന്നു.
റിസര്വ് ബാങ്ക് പലിശ നിരക്ക് കൂട്ടുമ്പോള് വായ്പ എടുത്തവര് അറിയാതെ തന്നെ വായ്പയുടെ പലിശ നിരക്ക് കൂടും. പക്ഷേ റിസര്വ് ബാങ്ക് പലിശ നിരക്ക് കുറയ്ക്കുമ്പോള് ഇങ്ങനെ ഓട്ടോമാറ്റിക്കായി കുറയുന്ന സമ്പ്രദായം കാണാറില്ല. അതുകൊണ്ട് നിങ്ങള്ക്ക് നിലവില് ഭവന വായ്പ ഉണ്ടെങ്കില് അതിന്റെ പലിശ നിരക്ക് കുറച്ച് കിട്ടാന് ഉടന് തന്നെ ബാങ്കുകളെ / ഹൗസിംഗ് ഫിനാന്സ് കമ്പനികളെ സമീപിക്കണം. ഫോണ്/ ഇ മെയ്ല്/ ഓണ്ലൈന് വഴി ഇക്കാര്യങ്ങള് ചെയ്യാം. എത്രയും വേഗത്തില് ചെയ്യുന്നോ അത്രയും നഷ്ടം ഒഴിവാക്കാന് ഉപഭോക്താവിന് സാധിക്കും.
Sign in with Google