Just In
-
-
-
-
Don't Miss
-
IPL 2024: അന്ന് എന്നെ ചതിച്ചത് സംഗക്കാര! പഴി കേട്ടത് യുവതാരം; രാജസ്ഥാന് കോച്ചിനെതിരെ സെവാഗ് -
'വിന്നർ ലാലേട്ടൻ തന്നെ, ജിന്റോ ഭയങ്കര സംഭവമാണെന്ന് തോന്നിയില്ല, എല്ലാത്തിനും കാരണം ജാസ്മിന്റെ കയ്യിലിരുപ്പ്' -
ഇന്ദിരയുടെ സ്വത്തുക്കള് നഷ്ടമാവാതിരിക്കാന് രാജീവ് ആ നിയമം ഇല്ലാതാക്കി; പുതിയ ആരോപണവുമായി മോദി -
നഖത്തില് ഇനി പറയുന്ന മാറ്റങ്ങള് ഉടന് തന്നെ ഡോക്ടറെ കാണിക്കണം -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
നിങ്ങള്‍ സിന്‍ഡിക്കേറ്റ് ബാങ്ക് ഉപയോക്താവ് ആണോ? എങ്കില്‍ ബാങ്കിടപാടുകളെ സംബന്ധിച്ച ഒരു പ്രധാന വിവരം ഇപ്പോള്‍ അറിഞ്ഞിരിക്കേണ്ടതുണ്ട്. നിങ്ങളുടെ ഐഎഫ്എസ്‌സി കോഡ് ജൂലൈ 1 മുതല്‍ അസാധുവായിരിക്കും. 2020 ഏപ്രില്‍ 1 മുതല്‍ സിന്‍ഡിക്കേറ്റ് ബാങ്ക് കാനറ ബാങ്കില്‍ സംയോജിപ്പിച്ചാണ് പ്രവര്‍ത്തിക്കുന്നത്. അതിനാല്‍ നേരത്തേയുള്ള ഐഎഫ്എസ്‌സി കോഡ് ജൂലൈ 1 മുതല്‍ അസാധുവായിരിക്കുമെന്ന് കാനറ ബാങ്ക് പുറത്തിറക്കിയ പ്രസ്താവനയില്‍ പറയുന്നു.
ഇന്‍ഡ്യന്‍ ഫിനാന്‍ഷ്യല്‍ സിസ്റ്റം കോഡ് എന്നതിന്റെ ചുരുക്കപ്പേരാണ് ഐഎഫ്എസ്‌സി കോഡ് എന്നത്. 11 അക്ക ആല്‍ഫാന്യൂമെറിക് കോഡാണിത്. ഓണ്‍ലൈന്‍ പണ ഇടപാടുകള്‍ക്കായാണ് പ്രധാനമായും ഐഎഫ്എസ്‌സി കോഡ് ഉപയോഗപ്പെടുത്തുന്നത്.
കാനറ ബാങ്കുമായുള്ള സിന്‍ഡിക്കേറ്റ് ബാങ്കിന്റെ ലയനത്തിന് ശേഷം SYNB എന്നാരംഭിക്കുന്ന സിന്‍ഡിക്കേറ്റ് ബാങ്കിന്റെ എല്ലാ ഐഎഫ്എസ്‌സി കോഡുകളും മാറ്റം പുതുക്കിയിട്ടുണ്ട്. 2021 ജൂലൈ 1 മുതല്‍ SYNB യില്‍ ആരംഭിക്കുന്ന എല്ലാ ഐഎഫ്എസ്‌സി കോഡുകളും അസാധുവായിരിക്കും - കാനറ ബാങ്ക് പ്രസ്താവനയില്‍ വ്യക്തമാക്കി. 2021 ജൂണ്‍ 30 വരെ മാത്രമേ സിന്‍ഡിക്കേറ്റ് ബാങ്കിന്റെ ഐഎഫ്എസ്‌സി കോഡുകള്‍ക്ക് സാധുതയുണ്ടാവുകയുള്ളൂ. അക്കൗണ്ട് ഉടമകള്‍ ബാങ്കുമായി ബന്ധപ്പെട്ട് പുതിയ ഐഎഫ്എസ്‌സി കോഡ് കരസ്ഥമാക്കേണ്ടതുണ്ടെന്നും ബാങ്ക് കൂട്ടിച്ചേര്‍ത്തു.
പുതിയ കാനറ ഐഎഫ്എസ്‌സി കോഡ് ഉപയോഗിച്ചാണ് ഇനി ഉപയോക്കാക്കള്‍ ഇടപാടുകള്‍ നടത്തേണ്ടെതെന്നും ബാങ്ക് വ്യക്തമാക്കിയിട്ടുണ്ട്. നെഫ്റ്റ്, ആര്‍ടിജിഎസ്, ഐഎംപിഎസ് തുടങ്ങിയ എല്ലാ ഓണ്‍ലൈന്‍ പണ കൈമാറ്റ ഇടപാടുകള്‍ക്കും ജൂലൈ 1 മുതല്‍ പുതിയ ഐഎഫ്എസ്‌സി കോഡ് ആയിരിക്കും അക്കൗണ്ട് ഉടമകള്‍ ഉപയോഗിക്കേണ്ടത്. കൂടാതെ നേരത്തെ സിന്‍ഡിക്കേറ്റ് ബാങ്ക് ഉപയോക്താക്കളായ അക്കൗണ്ട് ഉടമകള്‍ക്ക് പുതിയ ചെക്ക് ബുക്കും കാനറ ബാങ്ക് ഇഷ്യൂ ചെയ്യും. പുതുക്കിയ ഐഎഫ്എസ്‌സി , എംഐസിആര്‍ കോഡുകളായിരിക്കും പുതിയ ചെക്ക് ബുക്കുകളില്‍ ഉണ്ടായിരിക്കുക.
canarabank.com/IFSC.html എന്ന ലിങ്കില്‍ പ്രവേശിച്ച് ഓണ്‍ലൈനായോ കാനറ ബാങ്ക് ശാഖയില്‍ നേരിട്ട് ചെന്നോ മാറിയ ഐഎഫ്എസ്‌സി കോഡ് കരസ്ഥമാക്കുവാന്‍ സാധിക്കും. ഇതുകൂടാതെ കാനറ ബാങ്കിന്റെ കസ്റ്റമര്‍ കെയര്‍ നമ്പറായ 18004250018 ല്‍ ബന്ധപ്പെട്ടും പുതിയ ഐഎഫ്എസ്‌സി കോഡ് അറിയുവാന്‍ സാധിക്കും.
SYNB എന്നതിന് പകരം CNRB എന്ന അക്ഷരങ്ങളിലായിരിക്കും പുതുക്കിയ ഐഎഫ്എസ്‌സി കോഡ് ആരംഭിക്കുക. നേരത്തേയുണ്ടായിരുന്ന ഐഎഫ്എസ്‌സി കോഡിനൊപ്പം 10000 ചേര്‍ക്കുകയും ചെയ്താല്‍ പുതിയ ഐഎഫ്എസ്‌സി കോഡ് കണ്ടെത്താം. ഉദാഹരണത്തിന് നേരത്തേയുണ്ടായിരുന്ന ഐഎഫ്എസ്‌സി കോഡ് SYNB 0003687 ആണെങ്കില്‍ പുതുക്കിയ ഐഎഫ്എസ്‌സി കോഡ് CNRB 0013687 ആയിരിക്കും.
