ആധാര്‍ പിപിഎഫ് അക്കൗണ്ടുമായി ബന്ധിപ്പിച്ചില്ലേ? പിഎഫ് വിഹിതം അടയ്ക്കുവാന്‍ സാധിക്കില്ല!

ഈ മാസം മുതല്‍ ജീവനക്കാരുടെ പിഎഫ് യുഎഎന്‍ (യൂണിവേഴ്‌സല്‍ അക്കൗണ്ട് നമ്പര്‍) ആധാറുമായി ബന്ധിപ്പിച്ചെങ്കില്‍ മാത്രമേ തൊഴില്‍ ദാതാക്കള്‍ക്ക് പ്രൊവിഡന്റ് ഫണ്ട് തുക അടയ്ക്കുവാന്‍ സാധിക്കുകയുള്ളൂ. സാമൂഹ്യ സുരക്ഷാ നയം 2020ന്റെ വകുപ്പ് 142 നിലവില്‍ വന്നത് മുതലാണ് ആധാര്‍ - പിഎഫ് ലിങ്കിംഗ് നിര്‍ബന്ധമായത്. ഇപിഎഫ് അംഗമാകുന്നതിന് ആധാര്‍ വിവരങ്ങള്‍ നല്‍കുന്നത് നിര്‍ബന്ധമില്ലായിരുന്നു.

ഈ മാസം തന്നെ ആധാര്‍ പിഎഫ് ലിങ്കിംഗ് ജീവനക്കാര്‍ പൂര്‍ത്തിയാക്കേണ്ടതാണ്. www.epfindia.gov.in എന്ന വെബ്‌സൈറ്റില്‍ നിങ്ങളുടെ യൂസര്‍ നെയിമും പാസ്‌വേഡും നല്‍കിക്കൊണ്ട് ലോഗ് ഇന്‍ ചെയ്ത് ലിങ്കിംഗ് പ്രക്രിയ പൂര്‍ത്തിയാക്കാം.

പിഎഫ് അക്കൗണ്ടുമായി ആധാര്‍ ലിങ്ക് ചെയ്തില്ല എങ്കില്‍ നിങ്ങളുടെ പിഎഫ് വിഹിതം അടയ്ക്കുന്നത് തടസ്സപ്പെടുക മാത്രമല്ല ചെയ്യുക. ലിങ്കിംഗ് പ്രക്രിയ പൂര്‍ത്തിയാക്കുന്നത് വരെ നിങ്ങളുടെ പിഎഫ് ആനുകൂല്യങ്ങളെല്ലാം നിര്‍ത്തിവയ്ക്കപ്പെടും. ജീവനക്കാര്‍ക്ക് പിഎഫില്‍ നിന്നും വായ്പ എടുക്കുവാന്‍ സാധിക്കുകയില്ല. തുക പിന്‍വലിക്കവാനോ മറ്റ് നേട്ടങ്ങള്‍ സ്വീകരിക്കുവാനോ സാധിക്കുകയില്ല.

എന്നാല്‍ പിഎഫ് ആധാറുമായി ബന്ധിപ്പിക്കുന്ന സമയത്ത് പേരുകള്‍ മറ്റ് വ്യക്തിഗത വിവരങ്ങള്‍ എന്നിവയില്‍ വ്യത്യാസമില്ലാതെയിരിക്കാന്‍ പ്രത്യേകം ശ്രദ്ധിക്കണം.