പുതിയ വ്യക്തിഗത വായ്പയ്ക്ക് അപേക്ഷിക്കുന്നത് ക്രെഡിറ്റ് സ്കോർ കുറയ്ക്കുമോ?

ഡിജിറ്റൽ രംഗത്തെ വളർച്ചയിലൂടെ വ്യക്തിഗത വായ്പകൾ ഇന്ന് അതിവേഗത്തിൽ ലഭിക്കുന്നുണ്ട്. അപ്രതീക്ഷിത സാഹചര്യങ്ങളിലെ സാമ്പത്തിക ആവശ്യങ്ങൾ നിറവേറ്റാൻ പലരും വ്യക്തിഗത വായ്പകളെയാണ് ആശ്രയിക്കുന്നത്. കുറഞ്ഞ പലിശ നിരക്കിൽ എളുപ്പത്തിൽ വ്യക്തിഗത വായ്പകൾ നൽകുന്ന ധനകാര്യ സ്ഥാപനങ്ങളെയാണ് കൂടുതൽ പേരും സമീപിക്കുന്നത്. എന്നിരുന്നാലും, വ്യക്തിഗത വായ്പയ്ക്ക് അപേക്ഷിക്കുന്നത് ക്രെഡിറ്റ് സ്കോറിനെ ബാധിക്കുമോയെന്ന ഒരു പൊതുവായ ആശങ്ക വായ്പക്കാർക്കിടയിൽ നിലനിൽക്കുന്നുണ്ട്. 

 

 

ഒരു പുതിയ വ്യക്തിഗത വായ്പയ്ക്ക് അപേക്ഷിക്കുന്നത് ക്രെഡിറ്റ് സ്കോറിൽ ഒരു ചെറിയ ഇടിവിന് കാരണമാകുമെന്ന് സാമ്പത്തിക വിദഗ്ധർ പറയുന്നു. കാരണം നിങ്ങളുടെ ക്രെഡിറ്റ് യോഗ്യത വിലയിരുത്തുന്നതിന് വായ്പാദാതാക്കൾ കർശനമായ രീതിയിൽ അന്വേഷണം നടത്തുന്നു. ഇത് ക്രെഡിറ്റ് സ്കോറുകളിൽ താൽക്കാലിക ഇടിവിന് കാരണമാകും. അതിനാൽതന്നെ, തിരിച്ചടവിലെ ചെറിയൊരു പാളിച്ചപോലും ക്രെഡിറ്റ് സ്കോറിനെയും വ്യക്തിഗത വായ്പയെയും ബാധിക്കും. സമയബന്ധിതമായ തിരിച്ചടവ് സാമ്പത്തിക അച്ചടക്കത്തെ പ്രതിഫലിപ്പിക്കുന്നു. ചെറിയ വായ്പകൾ പോലും ഉത്തരവാദിത്തത്തോചെ തിരിച്ചടയ്ക്കുന്നത് മൊത്തത്തിലുള്ള ക്രെഡിറ്റ് പ്രൊഫൈൽ സ്ഥിരമായി മെച്ചപ്പെടുത്തുമെന്ന് വിദഗ്ധർ അഭിപ്രായപ്പെട്ടു.

 

നിങ്ങൾ ഒരു പുതിയ വ്യക്തിഗത വായ്പ, ഭവന വായ്പ അല്ലെങ്കിൽ പ്രീമിയം ക്രെഡിറ്റ് കാർഡിന് അപേക്ഷിക്കുമ്പോൾ, തിരിച്ചടവ് ശേഷി വിലയിരുത്തുന്നതിന് വായ്പാദാതാക്കൾ നിങ്ങളുടെ ക്രെഡിറ്റ് പ്രൊഫൈലിൽ കർശനമായ അന്വേഷണം നടത്തുന്നു. ഇത് നിങ്ങളുടെ ക്രെഡിറ്റ് സ്കോറിൽ ചെറിയ, താൽക്കാലിക ഇടിവിന് കാരണമായേക്കാം. ചുരുങ്ങിയ സമയത്തിനുള്ളിൽ ഒന്നിലധികം വായ്പാ അപേക്ഷകൾ നൽകുന്നത് ഈ ആഘാതം കൂടുതൽ രൂക്ഷമാക്കും. ഓരോ അന്വേഷണവും ക്രെഡിറ്റ് റിപ്പോർട്ടിൽ രണ്ട് വർഷം വരെ നിലനിൽക്കും.

 

ഒരു വ്യക്തിഗത വായ്പയ്ക്ക് കാലക്രമേണ ക്രെഡിറ്റ് സ്കോർ എങ്ങനെ കൂട്ടാൻ കഴിയും?

 

ഒരു വ്യക്തിഗത വായ്പാ അപേക്ഷയ്ക്കിടെയുള്ള കഠിനമായ അന്വേഷണം ഹ്രസ്വകാല ഇടിവിന് കാരണമാകുന്നു. എന്നിരുന്നാലും, ഒരു പുതിയ വ്യക്തിഗത വായ്പ, ശരിയായ രീതിയിലും ശ്രദ്ധയോടെയും കൈകാര്യം ചെയ്താൽ, ക്രെഡിറ്റ് സ്കോർ ഉയർത്താൻ സാധിക്കും. വ്യക്തിഗത വായ്പ ഇഎംഐ തിരിച്ചടവുകൾ കൃത്യസമയത്ത് നടത്തുക, അവസാന തീയതികൾ നഷ്ടപ്പെടുത്താതെ ക്രെഡിറ്റ് പ്രൊഫൈൽ വൃത്തിയായി സൂക്ഷിക്കുന്നതിൽ ശ്രദ്ധ കേന്ദ്രീകരിക്കുക., സാമ്പത്തിക സ്ഥിരത പ്രദർശിപ്പിക്കുന്നതിന് കുറഞ്ഞ കടം-വരുമാന അനുപാതം സ്ഥിരമായി പിന്തുടരുക, ഒന്നിലധികം വ്യക്തിഗത വായ്പ അപേക്ഷകൾ ഒഴിവാക്കുക തുടങ്ങിയ കാര്യങ്ങളിലൂടെ ക്രെഡിറ്റ് സ്കോർ മെച്ചപ്പെടുത്താൻ സാധിക്കും. 

 

വ്യക്തിഗത വായ്പകളുടെ അപകടസാധ്യതകൾ എന്തൊക്കെയാണ്?

 

എല്ലാ വ്യക്തിഗത വായ്പകളിലും ചില അപകടസാധ്യതകൾ മറഞ്ഞിരിപ്പുണ്ട്. ഉയർന്ന പലിശ നിരക്കുകൾ, മറഞ്ഞിരിക്കുന്ന നിരക്കുകൾ, തിരിച്ചടവ് മുടങ്ങിയാൽ ക്രെഡിറ്റ് സ്കോറുകളെ ബാധിക്കുക, വായ്പാ വീഴ്ച തുടരുന്ന ചില കേസുകളിൽ കർശനമായ നിയമനടപടികൾ ഉണ്ടാകാനുള്ള സാധ്യത.

 

ചുരുക്കി പറഞ്ഞാൽ ഒരു വ്യക്തിഗത വായ്പയ്ക്ക് അപേക്ഷിക്കുന്നത് തുടക്കത്തിൽ നിങ്ങളുടെ ക്രെഡിറ്റ് സ്കോർ കുറച്ചേക്കാം. എന്നാൽ, ശ്രദ്ധയോടെയും ശരിയായ രീതിയിലും ആസൂത്രണവും നടത്തിയാൽ കടം വാങ്ങുന്നത് വളരെ സുഗമമാക്കി മാറ്റാൻ കഴിയും.