'എഫ്‌ഡിയുണ്ടോ? എങ്കിൽ കിട്ടും ക്രെഡിറ്റ് കാർഡ്', ഇന്ന് തന്നെ അപേക്ഷിക്കൂ... അടിച്ചു പൊളിക്കൂ

ക്രെഡിറ്റ് കാർഡുകൾ പലപ്പോഴും ബാങ്കുകൾ ഉപഭോക്താക്കൾക്ക് നൽകുന്നത് അവരുടെ ക്രെഡിറ്റ് ഹിസ്റ്ററി കണക്കിലെടുത്താണ്. എന്നാൽ ക്രെഡിറ്റ് കാർഡുകൾ കിട്ടാൻ മറ്റൊരു വഴി കൂടിയുണ്ട്. നിങ്ങളുടെ ഫിക്‌സഡ് ഡെപോസിറ്റിന് മുകളിൽ ബാങ്കിന് ഒരു ക്രെഡിറ്റ് കാർഡ് ഉപഭോക്താവിന് നല്കാൻ കഴിയുന്നതാണ്. സെക്യൂർഡ് ക്രെഡിറ്റ് കാർഡ് അഥവാ സുരക്ഷിത ക്രെഡിറ്റ് കാർഡ് എന്നാണ് ഇവയെ വിളിക്കപ്പെടുന്നത്.

എന്തിന് ക്രെഡിറ്റ് കാർഡ് എടുക്കണം

ക്രെഡിറ്റ് ഹിസ്റ്ററി ഇല്ലാത്തവർക്കും കുറഞ്ഞ ക്രെഡിറ്റ് സ്കോറുള്ളവർക്കും അത് ഉയർത്താനുള്ള ഒരു മികച്ച പരിഹാരമാണ് ഫിക്‌സഡ് ഡെപ്പോസിറ്റിന് മുകളിൽ ഉള്ള ക്രെഡിറ്റ് കാർഡുകൾ. ഇന്ത്യയിൽ ലഭ്യമായ സുരക്ഷിത ക്രെഡിറ്റ് കാർഡുകളുടെ ഗുണങ്ങൾ, യോഗ്യതാ മാനദണ്ഡങ്ങൾ, പ്രധാന സവിശേഷതകൾ എന്നിവ എന്തൊക്കെയാണാണെന്ന് നോക്കാം.

ആദ്യം സുരക്ഷിത ക്രെഡിറ്റ് കാർഡുകളെ കുറിച്ച് അറിയാം

സുരക്ഷിത ക്രെഡിറ്റ് കാർഡുകൾ ഫിക്സഡ് ഡെപ്പോസിറ്റ് (FD) അടിസ്ഥാനമാക്കിയുള്ളവയാണ്. സാധാരണയായി FD തുകയുടെ 80% മുതൽ 100% വരെയാണ് ഇതിന്റെ പരിധി. ഇത് ബാങ്കിനുള്ള സാമ്പത്തിക അപകടസാധ്യത കുറയ്ക്കുകയും കുറഞ്ഞ ക്രെഡിറ്റ് സ്കോറുള്ളവർക്ക് അത് വർധിപ്പിക്കാനുള്ള വഴി ഒരുക്കുകയും ചെയ്യുന്നു.

സുരക്ഷിത ക്രെഡിറ്റ് കാർഡുകളുടെ ഗുണങ്ങൾ

*ക്രെഡിറ്റ് സ്കോർ വർധിപ്പിക്കാനും നിലനിർത്താനും സഹായിക്കുന്നു

*അപകട സാധ്യതകൾ കുറഞ്ഞ ക്രെഡിറ്റ് കാർഡുകൾ

*FD വ്യവസ്ഥയനുസരിച്ച് സുതാര്യമായ ക്രെഡിറ്റ് പരിധി

യോഗ്യതാ മാനദണ്ഡങ്ങൾ

*അപേക്ഷിക്കുന്ന വ്യക്തിയുടെ പേരിൽ ഒരു ഫിക്സഡ് ഡെപ്പോസിറ്റ് ഓപ്പൺ ചെയ്യണം

*കുറഞ്ഞതാണെങ്കിലും വരുമാനം ഉണ്ടായിരിക്കണം

സുരക്ഷിത ക്രെഡിറ്റ് കാർഡുകൾ കുറഞ്ഞ ക്രെഡിറ്റ് സ്കോറുകൾ പുനഃസ്ഥാപിക്കാനുള്ള മികച്ച ഉപകരണമാണ്. എന്നാൽ മറ്റു ക്രെഡിറ്റ് കാർഡുകളെ അപേക്ഷിച്ച് ഇവയ്ക്ക് ലഭിക്കുന്ന ഓഫറുകൾ കുറവാണ്. റിവാർഡുകൾ, ക്യാഷ്ബാക്ക് ഓഫറുകൾ, ഡൈനിംഗ് ഡിസ്കൗണ്ടുകൾ, യാത്രാ ആനുകൂല്യങ്ങൾ തുടങ്ങിയവ സാധാരണ ക്രെഡിറ്റ് കാർഡുകൾക്ക് ലഭിക്കുന്നുണ്ട്.അതുകൊണ്ട് തന്നെ നിങ്ങളുടെ ചെലവുകൾക്കും ജീവിതശൈലിക്കും അനുയോജ്യമായ കാർഡ് തിരഞ്ഞെടുക്കുക.