10000 രൂപ നിക്ഷേപിച്ച് 20.65 കോടി സമ്പാദിക്കാം; എച്ച്ഡിഎഫ്സിയുടെ കിടിലൻ ഫണ്ട്

ദീർഘകാല നിക്ഷേപ സാധ്യതകൾ നോക്കുന്ന ആളുകൾ മികച്ച റിട്ടേൺസ് മാത്രമല്ല പരിഗണിക്കുന്നത്, കുറഞ്ഞ അപകട സാധ്യത കൂടിയാണ്. അത്തരക്കാർക്ക് പ്രയോജനപ്പെടുന്ന രീതിയാണ് സിസ്റ്റമാറ്റിക് ഇൻവെസ്റ്റ്മെന്റ് പ്ലാൻ അഥവ എസ്ഐപി. നിരവധി ഫണ്ടുകളാണ് ഇത്തരത്തിൽ ഇന്ന് വിപണിയിൽ ലഭ്യമായിട്ടുള്ളത്. അതിൽ തന്നെ കഴിഞ്ഞ കുറച്ച് വർഷങ്ങളായി ഏറ്റവും മികച്ച റിട്ടേൺസ് നൽകി വരുന്ന ഒരു ഫണ്ടിന്റെ വിശദാംശങ്ങളാണ് ഈ ലേഖനത്തിൽ ഉൾക്കൊള്ളിച്ചിരിക്കുന്നത്. രാജ്യത്തെ ഏറ്റവും വലിയ സ്വകാര്യ ബാങ്കായ എച്ച്ഡിഎഫ്സിയുടെ ഫ്ലെക്സി ക്യാപ് ഫണ്ട്.

1995 ജനുവരി ഒന്നിന് അവതരിപ്പിച്ച ഓപ്പൺ-എൻഡഡ് ഡൈവേഴ്സ ഇക്വിറ്റി സ്കീം 30 വർഷം പൂർത്തിയാക്കിയിരിക്കുകയാണ്. 2024 നവംബർ 29 വരെയുള്ള കണക്കനുസരിച്ച് ഈ സ്കീമിൽ പ്രതിമാസം 10,000 രൂപ പ്രതിമാസ എസ്ഐപി നിക്ഷേപം നടത്തിയ ഒരാളുടെ സമ്പാദ്യം 20.65 കോടി രൂപയായി കാണുമെന്നാണ് ഫണ്ട് ഹൗസ് അവകാശപ്പെടുന്നത്. ഫണ്ട് അവതരിപ്പിച്ച ആദ്യ മാസം മുതൽ നിക്ഷേപിച്ചവർക്ക് 30 വർഷത്തെ ആകെ നിക്ഷേപം 35.90 ലക്ഷം രൂപയും ആകെ സമ്പാദ്യം 20.65 കോടി രൂപയുമായിരിക്കും.

19.13 ശതമാനം കോമ്പൗണ്ടഡ് വാർഷിക വളർച്ച നിരക്കാണ് ഫണ്ട് ഇക്കാലയളവിൽ സൃഷ്ടിച്ചത്. അതും ലാർജ്, മിഡ്, സ്മോൾ ക്യാപ് സ്റ്റോക്കുകളിൽ നിക്ഷേപത്തിലൂടെ. 1,00,000 രൂപയുടെ പ്രാരംഭ നിക്ഷേപം അതിന്റെ മാനദണ്ഡമായ നിഫ്റ്റി 500 ടിആർഐയെ മറികടന്ന് 1.52 കോടി രൂപയേക്കാൾ ഏകദേശം 1.88 കോടി രൂപയായി വർധിക്കും.

ഫ്ലെക്സി ക്യാപ് വിഭാഗത്തിലെ ഏറ്റവും പഴയ സ്കീമുകളിലൊന്നായ ഇത്, താഴെത്തട്ടിലുള്ള സ്റ്റോക്ക് സെലക്ഷൻ, റിസ്ക് മാനേജ്മെറ്, സെക്ടർ, മാർക്കറ്റ് ക്യാപിറ്റലൈസേഷൻ വൈവിധ്യം എന്നിവയിൽ ശ്രദ്ധ കേന്ദ്രീകരിക്കുന്നു. ഫണ്ട് ശക്തമായ ദീർഘകാല വരുമാനം നൽകിയിട്ടുണ്ടെങ്കിലും, മുൻകാല പ്രകടനം ഭാവി ഫലങ്ങൾ ഉറപ്പാക്കുന്നില്ലെന്ന് നിക്ഷേപകർ ഓർമ്മിക്കേണ്ടതാണ്. മ്യൂച്വൽ ഫണ്ട് നിക്ഷേപങ്ങൾ വിപണി അപകട സാധ്യതകൾക്ക് വിധേയമാണ്, പ്രത്യേകിച്ചും ഇക്വിറ്റി-ലിങ്ക്ഡ് സേവിംഗ്സ് പ്ലാനുകളുടെ കാര്യത്തിൽ. അതുകൊണ്ട് തന്നെ ഏതെങ്കിലും ഒരു ഫണ്ടിൽ നിക്ഷേപിക്കുന്നതിന് മുൻപ് അതിന്റെ സാധ്യതകൾ കൃത്യമായി വിലയിരുത്തേണ്ടത് പ്രധാനമാണ്. മൂച്വൽ ഫണ്ടുകൾ കൈകാര്യം ചെയ്യുന്ന ഏതെങ്കിലും സാമ്പത്തിക ഉപദേഷ്ടാവിന്റെ അഭിപ്രായം തേടുന്നതും പരിഗണിക്കുക.

Disclaimer: The write-up is just for information purposes, and is not a recommendation to buy, sell or hold. We have not done fundamental or technical analysis and have no opinion on article mentioned. Neither, the author nor Greynium Information Technologies should be held liable for any losses. Please consult a professional advisor.