സ്വര്‍ണവില വീണ്ടും ഇടിയുമോ? ഇവയാകാം കാരണങ്ങള്‍

കോവിഡ് വ്യാപനം രാജ്യത്തിന്റെ സാമ്പത്തിക വളര്‍ച്ചയ്ക്ക് വിഘാതമായിക്കൊണ്ട് നിലനില്‍ക്കുകയാണ്. അത്തരമൊരു സാഹചര്യത്തില്‍ സ്വര്‍ണ വിലയില്‍ ഉണര്‍വുണ്ടാകാനുള്ള സാധ്യതകളുണ്ടെങ്കിലും നമ്മുടെ പ്രിയപ്പെട്ട മഞ്ഞലോഹത്തിന്റെ വില വര്‍ധനവ് പിടിച്ചു നിര്‍ത്തുന്ന ചില ഘടകങ്ങളുണ്ട്. അവ എന്തൊക്കെയാണെന്ന് നമുക്കൊന്ന് പരിശോധിക്കാം.

സാമ്പത്തിക മേഖല മെച്ചപ്പെട്ടു വരുന്നു എന്ന വാര്‍ത്തകളും യുഎസ് സെന്‍ട്രല്‍ ബാങ്കിന്റെ പോളികള്‍ ക്രമീകരിക്കപ്പെടുകയും ചെയ്യുന്നത് ഡോളറിന്റെ മൂല്യം മെച്ചപ്പെടുന്നതിന് കാരണമാകും. ഡോളറിന്റെ മൂല്യം വര്‍ധിക്കുന്നത് സ്വര്‍ണ വിലയെ പ്രതികൂലമായാണ് ബാധിക്കുക. ഡോളറിന്റെ മൂല്യമുയരുമ്പോള്‍ സ്വര്‍ണ വിലയില്‍ ഇടിവുണ്ടാകും.

ഒരു വസ്തുവിന്റെ വില നിര്‍ണയിക്കുന്നതിന്റെ അതിന്റെ ആവശ്യകതയും ലഭ്യതയും ചേര്‍ന്നാണ്. സ്വര്‍ണത്തിന്റെ കാര്യത്തിലും സ്ഥിതി വ്യത്യസ്തമല്ല. ഗോള്‍ഡ് ഇടിഎഫുകളില്‍ നിന്നുള്ള തുടര്‍ച്ചയായുള്ള പുറത്തേക്കുള്ള ഒഴുക്ക് സ്വര്‍ണവിലയില്‍ കൂടുതല്‍ സമ്മര്‍ദമുണ്ടാക്കും.

സ്വര്‍ണവും ഗോള്‍ഡ് ബോണ്ടില്‍ നിന്നുള്ള ആദായവും വിപരീത അനുപാതത്തിലാണ് നിലകൊള്ളുന്നത്. ബോണ്ടുകളില്‍ നിന്നുള്ള ആദായത്തിന്റെ നിരക്ക് വര്‍ധിക്കുമ്പോള്‍ സ്വര്‍ണവില ഇടിയുവാന്‍ സാധ്യതയുണ്ടാകും.

സ്വര്‍ണത്തെ സംബന്ധിച്ച് ഉയര്‍ന്ന വിലയും പുനരുപയോഗത്തിനുള്ള ചിലവുമാണ് നിലനില്‍ക്കുന്നത്. കോവിഡ് 19 വ്യാപം തടയുന്നതിനായി പ്രഖ്യാപിച്ചിട്ടുണ്ടായിരുന്ന നിബന്ധനകളില്‍ ഇളവുകള്‍ നല്‍കിത്തുടങ്ങിയതോടെ മൈനുകളില്‍ നിന്നുള്ള സ്വര്‍ണ ലഭ്യതയില്‍ വര്‍ധനവുണ്ടായിത്തുടങ്ങിയിട്ടുണ്ട്. വര്‍ധിച്ച ലഭ്യതയും വിലിയില്‍ സമ്മര്‍ദമുണ്ടായേക്കാം.

പ്രാദേശിക ജ്വല്ലറികളില്‍ 22 ക്യാരറ്റ് സ്വര്‍ണം 10 ഗ്രാമിന് 43,000 രൂപ നിരക്കിലാണ് വില്‍പ്പന നടത്തുന്നത്.