നിക്ഷേപകരേ ഇതിലേ, എഫ്.ഡിക്ക് 7.9 ശതമാനം പലിശ നേടാം, ഇതാണ് എസ്ബിഐയുടെ 5 അടിപൊളി പദ്ധതികൾ

രാജ്യത്തെ ഏറ്റവും വലിയ പൊതുമേഖലാ ബാങ്കാണ് സ്റ്റേറ്റ് ബാങ്ക് ഓഫ് ഇന്ത്യ. ഉപഭോക്താക്കൾക്ക് പ്രത്യേക നിക്ഷേപ ഓപ്ഷനുകൾ ഉൾപ്പെടെ വിവിധ സാമ്പത്തിക സേവനങ്ങൾ ബാങ്ക് വാഗ്ദാനം ചെയ്യുന്നു. എസ്ബിഐ അമൃത് കലാഷ്, എസ്ബിഐ വെകെയർ, എസ്ബിഐ ഗ്രീൻ ഡിപ്പോസിറ്റുകൾ, എസ്ബിഐ സർവോത്തം എന്നിവയുൾപ്പെടെ സാധാരണക്കാർക്കും മുതിർന്ന പൗരന്മാർക്കുമായി ബാങ്ക് വിവിധ പ്രത്യേക സ്ഥിര നിക്ഷേപങ്ങൾ വാഗ്ദാനം ചെയ്യുന്നു. ഈ പ്രത്യേക നിക്ഷേപങ്ങളുടെ കാലാവധി, തുക, നിക്ഷേപ തരം എന്നിവയെക്കുറിച്ച് വിശദമായി പരിശോധിക്കാം.

1. എസ്ബിഐ അമൃത് വൃഷ്ടി

444 ദിവസത്തേക്ക് പ്രതിവർഷം 7.25 ശതമാനം പലിശ വാഗ്ദാനം ചെയ്യുന്ന നിക്ഷേപപദ്ധതിയാണിത്. മുതിര്‍ന്ന പൗരന്‍മാര്‍ക്ക് പ്രതിവർഷം 7.75 ശതമാനം പലിശ ലഭിക്കും. ഈ നിക്ഷേപത്തിന്റെ അടിസ്ഥാനത്തില്‍ വായ്പയെടുക്കാനുള്ള സൗകര്യവും ലഭ്യമാക്കിയിട്ടുണ്ട്.

ബാങ്കിന്റെ ശാഖകള്‍, ഇന്റര്‍നെറ്റ് ബാങ്കിംഗ്, യോനോ ചാനലുകൾ എന്നിവ വഴി ഈ സ്ഥിര നിക്ഷേപ പദ്ധതിയില്‍ നിങ്ങള്‍ക്ക് ചേരാവുന്നതാണ്. 2024 ജൂലൈ 15 മുതൽ 2025 മാർച്ച് 31 വരെയുള്ള നിക്ഷേപത്തിന് ഈ സ്കീം ലഭ്യമാണ്.

2. എസ്ബിഐ അമൃത് കലാഷ്

2023 ഫെബ്രുവരി 15-നാണ് 400 ദിവസത്തെ ഈ സ്ഥിര നിക്ഷേപ പദ്ധതി എസ്ബിഐ അവതരിപ്പിച്ചത്. രാജ്യത്തിനകത്തും പുറത്തുമുള്ള ഉപഭോക്താക്കള്‍ക്ക് ഈ പദ്ധതിയില്‍ പങ്കുചേരാന്‍ കഴിയും. ഈ നിക്ഷേപ പദ്ധതിയില്‍ പ്രതിമാസ, ത്രൈമാസ, അര്‍ധവാര്‍ഷിക ഇടവേളകളില്‍ പലിശ ലഭിക്കും. 400 ദിവസത്തെ ഹ്രസ്വകാല സ്ഥിര നിക്ഷേപത്തിന് ഉയർന്ന പലിശനിരക്കാണ് എസ്ബിഐ വാഗ്ദാനം ചെയ്യുന്നത്.

മുതിര്‍ന്ന പൗരന്മാര്‍ക്ക് 7.6 ശതമാനവും സാധാരണ ഉപഭോക്താക്കള്‍ക്ക് 7.1 ശതമാനവുമാണ് ഈ പദ്ധതി വാഗ്ദാനം ചെയ്യുന്ന പലിശ നിരക്ക്. എസ്ബിഐ അമൃത് കലാഷ് സ്ഥിര നിക്ഷേപ പദ്ധതിയില്‍ രണ്ട് കോടി രൂപയില്‍ താഴെയുള്ള ഡൊമസ്റ്റിക് റീട്ടെയ്ല്‍ ടേം നിക്ഷേപങ്ങള്‍ക്കാണ് സാധുതയുള്ളത്. പ്രവാസികളുടെ നിക്ഷേപവും ഇതില്‍ ഉള്‍പ്പെടുന്നു. സ്കീം 31-മാർച്ച്-2025 വരെ സാധുവായിരിക്കും.

3. എസ്ബിഐ വീകെയർ

എസ്ബിഐ വീകെയർ പദ്ധതി മുതിർന്ന പൗരന്മാർക്കായി പ്രത്യേകം രൂപകൽപ്പന ചെയ്തിട്ടുള്ളതാണ്. സാധാരണ പലിശ നിരക്കിൽ ഇത് അധിക 50 ബേസിസ് പോയിൻ്റ് (ബിപിഎസ്) പലിശ വാഗ്ദാനം ചെയ്യുന്നു. പുതിയ നിക്ഷേപങ്ങൾക്കും പുതുക്കലുകൾക്കും ഈ സ്കീം ലഭ്യമാണ്.

എസ്ബിഐ വെകെയർ പ്രത്യേക എഫ്ഡിയിൽ ബാങ്ക് 7.50% പലിശ വാഗ്ദാനം ചെയ്യുന്നു. എസ്ബിഐ വെകെയറിൽ നിക്ഷേപിക്കാനുള്ള അവസാന തീയതി 2024 നവംബർ 30 ആണ്.

4. എസ്ബിഐ ഗ്രീൻ റുപ്പി ടേം ഡെപ്പോസിറ്റ്

പദ്ധതിക്ക് കീഴിൽ നിക്ഷേപകർക്ക് മൂന്ന് വ്യത്യസ്ത കാലയളവുകളിൽ നിക്ഷേപം നടത്താം. 1111 ദിവസം, 1777 ദിവസം, 2222 ദിവസം എന്നിങ്ങനെയാണ് നിക്ഷേപം നടത്താൻ ആകുക. മുതിർന്ന പൗരന്മാർക്ക് 1111 ദിവസങ്ങളിലും 1777 ദിവസങ്ങളിലും 7.15 ശതമാനം പലിശ നേടാം. 2222 ദിവസത്തെ നിക്ഷേപത്തിന് 7.4 ശതമാനം പലിശയുമാണ് ബാങ്ക് വാഗ്ധാനം ചെയ്യുന്നത്.

സാധാരണ പൗരന്മാർക്ക് 1111 ദിവസങ്ങളിലും 1777 ദിവസങ്ങളിലും 6.65% സമ്പാദിക്കാം. റീട്ടെയിൽ നിക്ഷേപങ്ങളിൽ 2222 ദിവസത്തെ കാലാവധിയിൽ 6.40% ബാങ്ക് വാഗ്ദാനം ചെയ്യുന്നു.

5. എസ്ബിഐ സർവോത്തം

എസ്ബിഐ സർവോത്തം ടേം ഡെപ്പോസിറ്റുകൾക്ക് കീഴിൽ, രണ്ട് വർഷത്തേക്ക് 7.4 ശതമാനം പലിശ നിരക്ക് ബാങ്ക് വാഗ്ദാനം ചെയ്യുന്നു. ഒരു വർഷത്തെ കാലാവധിക്ക് 7.10 ശതമാനമാണ് പലിശ നിരക്ക്. മുതിർന്ന പൗരന്മാർക്ക് പൊതു നിക്ഷേപകർക്ക് നൽകുന്ന പലിശ നിരക്കിനേക്കാൾ 50 ബേസിസ് പോയിൻ്റ് (ബിപിഎസ്) പ്രീമിയം അധികമായി ലഭിക്കും. രണ്ട് വർഷത്തിനുള്ളിൽ കാലാവധി പൂർത്തിയാകുന്ന നിക്ഷേപങ്ങൾക്ക് അവർക്ക് 7.9 ശതമാനം പലിശ ലഭിക്കും.

ഒരു വർഷത്തേക്ക്, റീട്ടെയിൽ ഉപഭോക്താക്കൾക്ക് ബാങ്കിൽ 7.6 ശതമാനം പലിശ നിരക്ക് ലഭിക്കും, ഏറ്റവും കുറഞ്ഞ നിക്ഷേപ തുക 15.01 ലക്ഷം രൂപയും എസ്ബിഐ സർവോത്തം ടേം ഡെപ്പോസിറ്റുകൾക്ക് കീഴിൽ ഏറ്റവും കുറഞ്ഞ തുക 3 കോടി രൂപയും ആയി ഉയരും.