ഇത് നവരാത്രി ഓഫറാണോ? 7.3% മുതൽ പലിശ നിരക്കിൽ മുൻനിര ബാങ്കുകളിൽ നിന്ന് ഭവന വായ്പ സ്വന്തമാക്കാം

നാടെങ്ങും നവരാത്രി ആഘോഷങ്ങളിൽ നിറഞ്ഞിരിക്കുന്ന ഈ വേളയിൽ, നിങ്ങളുടെ സാമ്പത്തിക ലക്ഷ്യങ്ങൾ യാഥാർത്ഥ്യമാക്കാനും ഇതാ ഒരവസരം. ഏതൊരു ശുഭ കാര്യങ്ങൾക്കും തുടക്കം കുറിക്കാൻ ഏറ്റവും ഉചിതമായ സമയമായാണ് നവരാത്രിയെ കണക്കാക്കുന്നത്. എങ്കിൽ ഈ ഐശ്വര്യ ദിനങ്ങളിൽ നിങ്ങളുടെ സ്വന്തം വീടെന്ന സ്വപ്നം സാക്ഷാത്കരിച്ചാലോ?

കുറഞ്ഞ പലിശ നിരക്കും നവരാത്രി ഓഫറുകളും

റിസർവ് ബാങ്ക് ഓഫ് ഇന്ത്യ അടിസ്ഥാന പലിശ നിരക്കുകൾ വെട്ടിക്കുറച്ചതോടെ, ഭവന വായ്പകളിലെ പലിശ നിരക്കുകൾ നിലവിൽ കുറഞ്ഞ നിലയിലാണ്. ഇതിനൊപ്പം നവരാത്രിയുടെ പ്രത്യേകതയും ചേരുമ്പോൾ കാര്യങ്ങൾ കൂടുതൽ അനുകൂലമാകും.

ഈ ഉത്സവകാലത്ത് ഭവന വായ്പകൾക്ക് വിവിധ കിഴിവുകളും ആകർഷകമായ ഇളവുകളും പല ധനകാര്യ സ്ഥാപനങ്ങളും വാഗ്ദാനം ചെയ്യാൻ സാധ്യതയുണ്ട്. ഒരു മനുഷ്യായുസ്സ് മുഴുവൻ അധ്വാനിച്ചാണ് പലരും വീട് സ്വന്തമാക്കുന്നത്. വായ്പയുടെ സഹായം കൂടി ലഭിക്കുമ്പോൾ ഇത് സാധാരണക്കാർക്ക് വലിയ ആശ്വാസമാകും.

നിലവിലെ ഭവന വായ്പാ നിരക്കുകൾ

നിലവിൽ മുൻനിര ബാങ്കുകളെല്ലാം കുറഞ്ഞ പലിശ നിരക്കിൽ ഭവന വായ്പകൾ വാഗ്ദാനം ചെയ്യുന്നുണ്ട്. 7.35% മുതൽ 8.85% വരെ പലിശ നിരക്കിൽ ആരംഭിക്കുന്ന വായ്പകൾ നിരവധി സ്ഥാപനങ്ങൾ വാ​ഗ്ദാനം ചെയ്യുന്നുണ്ട്. കുറഞ്ഞ പലിശ നിരക്ക് ആഗ്രഹിക്കുന്നവർക്ക് ഈ നവരാത്രി സമയം മികച്ച അവസരമാണ്. ഈ അവസരം ഉപയോഗിച്ച് നിങ്ങളുടെ സ്വപ്നഭവനം സ്വന്തമാക്കാൻ ഇപ്പോൾ തന്നെ പരിശ്രമിച്ചു തുടങ്ങുക.

കുറഞ്ഞ പലിശ നിരക്കിൽ ഭവന വായ്പ

കാനറ ബാങ്ക്: പൊതുമേഖലാ ബാങ്കുകളിൽ ഏറ്റവും കുറഞ്ഞ ഭവനവായ്പ പലിശ നിരക്കാണ് കാനറ ബാങ്ക് വാഗ്ദാനം ചെയ്യുന്നത്. 7.3 ശതമാനത്തിൽ പലിശ നിരക്ക് ആരംഭിക്കുന്നു.

ബാങ്ക് ഓഫ് ബറോഡ: ഈ പൊതുമേഖലാ ബാങ്ക് 7.45 ശതമാനം നിരക്കിൽ ആരംഭിക്കുന്ന ഭവന വായ്പകൾ വാഗ്ദാനം ചെയ്യുന്നു.

സ്റ്റേറ്റ് ബാങ്ക് ഓഫ് ഇന്ത്യ: 7.5 ശതമാനം പലിശ നിരക്കിലാണ് എസ്ബിഐ വാ​ഗ്ദാനം ചെയ്യുന്ന ഭവന വായ്പകൾ ആരംഭിക്കുന്നത്.

ഐസിഐസിഐ ബാങ്ക് : ഈ സ്വകാര്യ ബാങ്കുകൾ 7.7 ശതമാനം നിരക്കിൽ ആരംഭിക്കുന്ന ഭവന വായ്പകൾ വാഗ്ദാനം ചെയ്യുന്നു.

എച്ച്ഡിഎഫ്സി ബാങ്ക് : ഈ മുൻനിര സ്വകാര്യ ബാങ്ക് 7.9 ശതമാനം പലിശയിൽ ആരംഭിക്കുന്ന ഭവന വായ്പകൾ വാഗ്ദാനം ചെയ്യുന്നു.

കൊട്ടക് മഹീന്ദ്ര ബാങ്ക്: ഈ സ്വകാര്യ ബാങ്ക് ഭവനവായ്പകൾക്ക് 7.99 ശതമാനം മുതൽ പലിശ നിരക്ക് ഉറപ്പാക്കുന്നു.

ആക്‌സിസ് ബാങ്ക്: ഈ പ്രമുഖ സ്വകാര്യ ബാങ്ക് ഭവന വായ്പകൾക്ക് 8.35 ശതമാനം മുതൽ പലിശ നിരക്ക് ഉറപ്പാക്കുന്നു.

സ്വന്തമായി ഒരു വീട് എന്ന സ്വപ്നം സാക്ഷാത്കരിക്കാൻ ഈ ബാങ്കുകൾ നിങ്ങളെ സഹായിക്കും. നിലവിലെ കുറഞ്ഞ പലിശ നിരക്കുകളിലൂടെ ഭവന വായ്പ ഉറപ്പാക്കിയാൽ നിങ്ങളുടെ പ്രതിമാസ തിരിച്ചടവ് തുകയും ഗണ്യമായി കുറയ്ക്കാൻ സാധിക്കും.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.