വിദേശത്തേയ്ക്ക് പോകും മുമ്പ് നാട്ടിൽ തീർച്ചയായും ചെയ്യേണ്ട സാമ്പത്തിക കാര്യങ്ങൾ

ചെയ്യേണ്ട കാര്യങ്ങൾ

മറ്റൊരു രാജ്യത്തേക്ക് മാറിയതിനുശേഷം നിങ്ങൾക്ക് സർക്കാർ, പോസ്റ്റോഫീസ് സ്കീമുകളിൽ നിക്ഷേപം നടത്താൻ കഴിയില്ലെന്നത് ശ്രദ്ധിക്കേണ്ട കാര്യമാണ്. അതിനാൽ നിങ്ങൾ ഈ നിക്ഷേപങ്ങൾ അവസാനിപ്പിക്കേണ്ടതുണ്ട്. ഓൺ‌ലൈൻ സൌകര്യങ്ങളില്ലാത്ത മറ്റ് ചില നിക്ഷേപങ്ങളും ഉണ്ടാകും അവ നേരിട്ട് പോയി ക്ലോസ് ചെയ്യുകയും നിങ്ങളുടെ പണം മറ്റ് നിക്ഷേപങ്ങളിലേയ്ക്ക് മാറ്റുകയും വേണം.

എൻആർഐകൾക്ക് ആധാർ കാർ‍ഡ് നൽകാൽ സർക്കാർ അനുമതി; ഇനി നടപടികൾ ഇങ്ങനെ

ബാങ്ക് അക്കൗണ്ടുകൾ അവലോകനം ചെയ്യുക

നിങ്ങൾ വിദേശത്തേക്ക് പോയിക്കഴിഞ്ഞാൽ, നിങ്ങളുടെ അക്കൗണ്ടുകൾ എൻ‌ആർ‌ഒ അക്കൗണ്ടുകളായി മാറും. നിങ്ങൾക്ക് ഒന്നിലധികം ബാങ്ക് അക്കൗണ്ടുകളുണ്ടെങ്കിൽ, അവ ഓരോന്നും പ്രത്യേക എൻ‌ആർ‌ഒ അക്കൌണ്ടായി പരിവർത്തനം ചെയ്യുന്നതിന് പകരം അവയെ ഏകീകരിക്കണം. മറ്റൊരു രാജ്യത്ത് ആയിരുന്നിട്ടും നിങ്ങളുടെ പണം ഫലപ്രദമായി കൈകാര്യം ചെയ്യാൻ ഇതുവഴി കഴിയും.

സൗദി അരാംകോ ഡ്രോൺ ആക്രമണം: ഇന്ത്യ ആശങ്കയിൽ; പെട്രോൾ, ഡീസൽ വില കുതിച്ചുയരുമോ?

നിക്ഷേപങ്ങൾ‌

നിങ്ങൾ‌ ദീർഘകാലത്തേക്ക്‌ അല്ലെങ്കിൽ‌ സ്ഥിരമായി മറ്റൊരു രാജ്യത്ത് താമസിക്കാനാണ് പദ്ധതിയിടുന്നതെങ്കിൽ‌, നിങ്ങളുടെ ലക്ഷ്യസ്ഥാന രാജ്യത്തിലെ നികുതി വശങ്ങൾ പരിശോധിക്കാൻ മറക്കരുത്. ഓരോ രാജ്യത്തിനും അതിന്റേതായ നികുതി നിയമങ്ങൾ ഉള്ളതിനാൽ, നിങ്ങൾ സമ്പാദിക്കുന്ന ഏത് വരുമാനത്തിനും നികുതി പാലിക്കൽ നിയമം ബാധകമാകും.

സൗദി അരംകോ എണ്ണക്കിണറിനുനേരെ ഡ്രോണ്‍ ആക്രമണം; തൊട്ടുപിന്നാലെ വൻ തീപിടുത്തം

ഡീമാറ്റ് അക്കൌണ്ട്

നിങ്ങളുടെ ഡീമാറ്റ് അക്കൌണ്ട് ഉപയോഗിച്ച് നിങ്ങൾ എന്തുചെയ്യാൻ ആഗ്രഹിക്കുന്നു എന്നത് ഇന്ത്യയിലെ വിപണിയിൽ തുടരാൻ നിങ്ങൾ ആഗ്രഹിക്കുന്നുണ്ടോ എന്നതിനെ ആശ്രയിച്ചിരിക്കുന്നു. പുതിയ റസിഡന്റ് രാജ്യത്ത് പുതിയ നിക്ഷേപം നടത്താൻ നിങ്ങൾ ആഗ്രഹിക്കുന്നുവെങ്കിൽ, നിങ്ങളുടെ അക്കൌണ്ട് ഒരു എൻ‌ആർ‌ഒ അല്ലെങ്കിൽ എൻ‌ആർ‌ഇ അക്കൌണ്ടായി മാറ്റേണ്ടതുണ്ട്. പുതിയ നിക്ഷേപങ്ങളിൽ നിന്നുള്ള എല്ലാ വരുമാനവും നിങ്ങളുടെ എൻ‌ആർ‌ഇ അക്കൌണ്ട് വഴി ഇന്ത്യയിലേക്ക് അയയ്ക്കാം. നിലവിലുള്ള നിക്ഷേപങ്ങളിൽ നിന്ന് നിങ്ങൾ തുടർന്നും സമ്പാദിക്കുകയാണെങ്കിൽ, ആ വരുമാനം എൻ‌ആർ‌ഒ അക്കൌണ്ട് വഴിയും അയയ്‌ക്കാം.

മ്യൂച്വൽ ഫണ്ട് പോർട്ട്‌ഫോളിയോ

നിങ്ങളുടെ പുതിയ റെസിഡൻഷ്യൽ വിലാസം ഉപയോഗിച്ച് നിങ്ങളുടെ കെ‌വൈ‌സി വിശദാംശങ്ങൾ അപ്‌ഡേറ്റ് ചെയ്യുകയും നിങ്ങളുടെ ഫോളിയോയെ ‘നോൺ-റെസിഡന്റ്' ആക്കുകയും വേണം. നിങ്ങളുടെ എൻ‌ആർ‌ഒ ബാങ്ക് അക്കൌണ്ടുമായി നിങ്ങളുടെ പോർട്ട്‌ഫോളിയോ ബന്ധിപ്പിക്കേണ്ടതുണ്ട്. ഒരു തവണ നിങ്ങൾ ഒരു എൻ‌ആർ‌ഐ ആണെങ്കിൽ‌, പബ്ലിക് പ്രൊവിഡൻറ് ഫണ്ട് (പി‌പി‌എഫ്), നാഷണൽ സേവിംഗ്സ് സർ‌ട്ടിഫിക്കറ്റ് (എൻ‌എസ്‌സി) പോലുള്ള സ്കീമുകളിലേക്ക് നിങ്ങൾക്ക് പുതിയ നിക്ഷേപം നടത്താൻ കഴിയില്ല.

ഇൻഷുറൻസ് പദ്ധതികൾ

വാഹന ഇൻഷുറൻസ് പോലുള്ള പോളിസികൾ നിങ്ങൾ മറ്റൊരു രാജ്യത്തേയ്ക്ക് പോകുകയാണെങ്കിൽ ക്ലോസ് ചെയ്യണം. ഇന്ത്യയിൽ താമസിക്കുന്ന ആശ്രിതരെ ഉൾക്കൊള്ളുന്ന ഒരു ടേം ഇൻഷുറൻസ് പദ്ധതി നിങ്ങൾക്കുണ്ടെങ്കിൽ അത് അടിയന്തിര സാഹചര്യങ്ങളിൽ ഒരു കവറായി പ്രവർത്തിക്കുമെന്നതിനാൽ നിലനിർത്താവുന്നതാണ്. നിങ്ങളുടെ പുതിയ തൊഴിലുടമ മിക്കവാറും നിങ്ങൾക്ക് ഒരു പുതിയ ആരോഗ്യ ഇൻ‌ഷുറൻസ് പോളിസി നൽകും. അതിനാൽ നിങ്ങളുടെ നിലവിലുള്ളത് ക്ലോസ് ചെയ്യാം.

നികുതികൾ

നടപ്പു സാമ്പത്തിക വർഷത്തിൽ നിങ്ങളുടെ നികുതി കുടിശ്ശിക തീർക്കുന്നുവെന്ന് ഉറപ്പാക്കുക. ഇന്ത്യയും പുതിയ രാജ്യവും ഒപ്പിട്ട ഇരട്ടനികുതി ഒഴിവാക്കൽ കരാർ പരീക്ഷിച്ച് നോക്കുക, കാരണം ഇത് ഇരട്ട നികുതി അടയ്ക്കുന്നതിനുള്ള ബാധ്യതയിൽ നിന്ന് നിങ്ങളെ മോചിപ്പിക്കും. അതായത്, ഇരു രാജ്യങ്ങളിലും നികുതി അടയ്ക്കുന്നതിൽ നിന്ന്.