കെ.എസ്.എഫ്.ഇയുടെ ഈ ചിട്ടിയിൽ ചേർന്നാൽ ഒരു രൂപ പോലും അധിക പലിശയില്ലാതെ ലാഭം കൊയ്യാം

കെ.എസ്.എഫ്.ഇ നിക്ഷേപങ്ങൾ സാധാരണക്കാർക്കും വമ്പൻ നിക്ഷേപങ്ങൾ നടത്താൻ ആ​ഗ്രഹിക്കുന്നവർക്കും ഒരുപോലെ ഉപകാരപ്രദമാണ്. കെ.എസ്.എഫ്.ഇ സർക്കാരിന്റെ ഉടമസ്ഥതയിലുള്ള ഒരു ധനകാര്യസ്ഥാപനമാണ്. അതിനാൽ തന്നെ സാമ്പത്തിക സുരക്ഷ ഉറപ്പാണ്. കെ.എസ്.എഫ്.ഇ നിരവധി ചിട്ടികൾ ഉറപ്പ് നൽകുന്നുണ്ട്. ഓരോ ചിട്ടിക്കും വ്യത്യസ്ത തുകയും പലിശ നിരക്കുമാണ് ഉള്ളത്. എന്നാൽ ഈ ചിട്ടികൾ തിരഞ്ഞെടുക്കുമ്പോൾ ചില കാര്യങ്ങൾ ശ്രദ്ധിക്കേണ്ടതുണ്ട്.

നിങ്ങളുടെ ആവശ്യത്തിന് അനുസൃതമായിട്ടാവണം ഏതൊരു ചിട്ടിയും തിരഞ്ഞെടുക്കേണ്ടത്. നിങ്ങളുടെ തിരിച്ചടവ് കഴിവും അതിൽ പരിശോധിക്കണം. പെട്ടെന്നുള്ള ആവശ്യങ്ങൾക്ക് ദീർഘകാലത്തേക്കുള്ള ചിട്ടികളിൽ ചേർന്നാൽ തുക ലഭിക്കുന്നത് പ്രയാസകരമാവും. ചിട്ടികൾ മാത്രമല്ല വായ്പകളും ഈ രീതിയിൽ തിരഞ്ഞെടുക്കണം.

കുറഞ്ഞ കാലയളവിനുള്ളിലുള്ള ചിട്ടികളുടെ തുകയിലും മാറ്റം വരും. 50,000 മുതൽ 1 ലക്ഷത്തിനുള്ളിലുള്ള ആവശ്യങ്ങൾക്ക് ഇത്തരം കുറഞ്ഞ കാലയളവുള്ള ചിട്ടികൾ കൂടുതൽ നല്ലതാണ്. എന്നാൽ വലിയ തുകകൾക്കാണ് ചിട്ടി ചേരുന്നതെങ്കിൽ 120 മാസം കൊണ്ട് അടച്ചു തീർക്കാവുന്ന ചിട്ടികൾ വരെയുണ്ട്.

ഒരു ചിട്ടിയിൽ നിന്നും വിവിധ സാമ്പത്തിക ആവശ്യങ്ങൾ പൂർത്തീകരിക്കാൻ സാധിക്കും. അത്തരം 6 പ്രധാന ആവശ്യങ്ങൾ ഇതാണ്;

1. ഭവന വായ്പ
2. വാഹന വായ്പ
3. വിദ്യാഭ്യാസ ആവശ്യങ്ങൾക്ക്
4. ചികിത്സാ ആവശ്യങ്ങൾക്ക്
5. നിക്ഷേപങ്ങൾക്ക് വേണ്ടി
6. പെൻഷൻ

കെ.എസ്.എഫ്.ഇയിലെ വിവിധ ചിട്ടകൾ

• 40 മാസത്തേക്ക് പ്രതിമാസം 2500 രൂപ അടക്കുന്ന 1 ലക്ഷം രൂപയുടെ ചിട്ടി

• 40 മാസത്തേക്ക് പ്രതിമാസം 5000 രൂപ അടക്കുന്ന 2 ലക്ഷം രൂപയുടെ ചിട്ടി

• 60 മാസത്തേക്ക് പ്രതിമാസം 5000 രൂപ അടക്കുന്ന 3 ലക്ഷം രൂപയുടെ ചിട്ടി

• 40 മാസത്തേക്ക് പ്രതിമാസം 12500 രൂപ അടക്കുന്ന 5 ലക്ഷം രൂപയുടെ ചിട്ടി

• 50 മാസത്തേക്ക് പ്രതിമാസം 10000 രൂപ അടക്കുന്ന 5 ലക്ഷം രൂപ ചിട്ടി

• 30 മാസത്തേക്ക് പ്രതിമാസം 10000 രൂപ അടക്കുന്ന 3 ലക്ഷം രൂപ ചിട്ടി

• 40 മാസത്തേക്ക് പ്രതിമാസം 25000 രൂപ അടക്കുന്ന 10 ലക്ഷത്തിന്റെ ചിട്ടി

• 50 മാസത്തേക്ക് പ്രതിമാസം 20000 രൂപ അടക്കുന്ന 10 ലക്ഷത്തിന്റെ ചിട്ടി

• 40 മാസത്തേക്ക് പ്രതിമാസം 50000 രൂപ അടക്കുന്ന 20 ലക്ഷത്തിന്റെ ചിട്ടി

• 30 മാസത്തേക്ക് പ്രതിമാസം 1 ലക്ഷം രൂപ അടക്കുന്ന 30 ലക്ഷത്തിന്റെ ചിട്ടി

ഈ ചിട്ടികളെല്ലാം വിവിധ ആവശ്യങ്ങൾ നിറവേറ്റാൻ നിങ്ങളെ സഹായിക്കുന്നു. ഈ ചിട്ടികൾക്കുള്ള ജാമ്യ വ്യവസ്ഥകളെ കുറിച്ചും നിങ്ങൾ അറിഞ്ഞിരിക്കണം. ഓരോ ചിട്ടിക്കും ഏതെല്ലാം ജാമ്യം വെക്കാമെന്ന് മനസിലാക്കുക. ഉയർന്ന തുകയുള്ള ചിട്ടികൾക്ക് തീർച്ചയായും വസ്തു ജാമ്യം നിർബന്ധമാണ്.

ഈ ചിട്ടികൾ എങ്ങനെ പ്രയോജനപ്പെടുത്താം?....

കാലാവധി മാറുന്നതിനനുസരിച്ച് ചിട്ടികൾ ലേലം വിളിക്കുന്നതിലും വ്യത്യാസമുണ്ട്. ലാഭകരമായി ലേലം വിളിക്കുന്നതാണ് എപ്പോഴും നല്ലത്. 30,40,50 മാസ കാലാവധിയുള്ള ചിട്ടികൾക്ക് 6 മാസം മുതൽ 1 വർഷത്തിനുള്ളിൽ നല്ല സംഖ്യ നിങ്ങൾക്ക് ലേലം വിളിക്കാൻ സാധിക്കും. ഇത് പെട്ടെന്നുള്ള ആവശ്യങ്ങൾ സഫലമാക്കാൻ നിങ്ങളെ സഹായിക്കുന്നു. എന്നാൽ ഒന്നര വർഷം മുതൽ 2 വർഷത്തിനുള്ളിൽ വരുന്ന ആവശ്യങ്ങൾക്ക് നിങ്ങൾക്ക് 60 മാസം മുതൽ 120 മാസം വരെയുള്ള ചിട്ടികളിൽ ചേരാം.

പെട്ടന്നുള്ള ആവശ്യങ്ങൾ ഇല്ലെങ്കിൽ 50 മാസത്തിനു മുകളിൽ കാലാവധിയുള്ള ചിട്ടികളിൽ ചേരാം. കാരണം ഇത്തരം ചിട്ടികളിൽ ആകർഷകമായ ലേലക്കിഴിവ് ലഭിക്കും. ആവശ്യം മനസിലാക്കി ചിട്ടിയിൽ ചേർന്നാൽ 1 രൂപ പോലും അധിക പലിശ കൊടുക്കാതെ ലാഭം നേടാം.