ഡിസിബി ബാങ്ക് സ്ഥിര നിക്ഷേപങ്ങളുടെ പലിശ നിരക്ക് പുതുക്കി; പുതിയ നിരക്കുകള്‍ അറിയാം

2021 മെയ് 15നാണ് സ്ഥിര നിക്ഷേപങ്ങളുടെ പലിശ നിരക്കുകള്‍ ഡിസിബി ബാങ്ക് പുതുക്കി നിശ്ചയിച്ചിരിക്കുന്നത്. 4.55 ശതമാനം മുതല്‍ 6.50 ശതമാനം വരെയാണ് പുതിയ നിരക്കുകള്‍. 7 മുതല്‍ 14 ദിവസം വരെയുള്ള സ്ഥിര നിക്ഷേപങ്ങള്‍ക്ക് ഡിസിബി ബാങ്ക് വാഗ്ദാനം ചെയ്യുന്നത് 4.55 ശതമാനം പലിശ നിരക്കാണ്.

15 ദിവസം മുതല്‍ 45 ദിവസം വരെയുള്ള സ്ഥിര നിക്ഷേപങ്ങള്‍ക്ക് 4.50 ശതമാനം പലിശ നിരക്കാണ് ലഭിക്കുക. 46 ദിവസം മുതല്‍ 90 ദിവസം വരെയുള്ള നിക്ഷേപങ്ങള്‍ക്ക് 5.25 ശതമാനം പലിശ നിരക്കാണ് ഡിസിബി ബാങ്ക് നല്‍കുന്നത്. 91 ദിവസം മുതല്‍ 6 മാസം വരെയുള്ള നിക്ഷേപങ്ങള്‍ക്ക് 5.25 ശതമാനവും, 6 മാസം മുതല്‍ 12 മാസം വരെയുള്ള സ്ഥിര നിക്ഷേപങ്ങള്‍ക്ക് 5.70 ശതമാനവും പലിശ നിരക്ക് ലഭിക്കും.

12 മാസം മുതല്‍ 15 മാസം വരെയുള്ള നിക്ഷേപങ്ങള്‍ക്ക് ഡിസിബി ബാങ്ക് നല്‍കുന്ന പലിശ നിരക്ക് 5.80 ശതമാനമാണ്. 15 മാസം മുതല്‍ 18 മാസം വരെയുള്ള നിക്ഷേപങ്ങള്‍ക്ക് 6.00 ശതമാനം പലിശ നിരക്ക് ലഭിക്കും. 18 മാസം മുതല്‍ 700 ദിവസത്തില്‍ താഴെയുള്ള നിക്ഷേപങ്ങള്‍ക്കും ഇതേ നിരക്കില്‍ പലിശ ലഭിക്കും. 700 ദിവസത്തേക്കുള്ള നിക്ഷേപത്തിന് 6.40 ശതമാനം പലിശ നിരക്കാണ് ഡിസിബി ബാങ്ക് വാഗ്ദാനം ചെയ്യുന്നത്.

700 ദിവസം മുതല്‍ 36 മാസം വരെയുള്ള സ്ഥിര നിക്ഷേപങ്ങള്‍ക്ക് 6 ശതമാനമാണ് പലിശ ലഭിക്കുക. 36 മാസത്തേക്കോ അതില്‍ കൂടുതലോ ആണ് നിക്ഷേപമെങ്കില്‍ 6.50 ശതമാനം പലിശ നിരക്ക് ലഭിക്കും. മുതിര്‍ന്ന പൗരന്മാര്‍ക്ക് സാധാരണ നിക്ഷേപകരെക്കാള്‍ 0.50 ശതമാനം അധിക പലിശ നിരക്ക് കൂടി ബാങ്ക് വാഗ്ദാനം ചെയ്യുന്നു.

2 കോടി രൂപയ്ക്ക് താഴെയുള്ള സ്ഥിര നിക്ഷേപങ്ങള്‍ക്ക് പുതുക്കിയ നിരക്കുകള്‍ പ്രകാരം ഡിസിബി ബാങ്കില്‍ നിന്നും ലഭിക്കുന്ന പലിശ നിരക്കുകള്‍ എങ്ങനെയാമെന്ന് നോക്കാം.

കാലാവധി	സാധാരണ സ്ഥിര നിക്ഷേപ നിരക്ക്	മുതിര്‍ന്ന പൗരന്മാര്‍ക്കുള്ള നിരക്ക്
7 ദിവസം മുതല്‍ 14 ദിവസം വരെ	4.55%	5.05%
15 ദിവസം മുതല്‍ 45 ദിവസം വരെ	4.55%	5.05%
46 ദിവസം മുതല്‍ 90 ദിവസം വരെ	4.50%	5.00%
91 ദിവസം മുതല്‍ 6 മാസം വരെ	5.25%	5.75%
6 മാസം മുതല്‍ 12 മാസം വരെ	5.70%	6.20%
12 മാസം മുതല്‍ 15 മാസം വരെ	5.80%	6.30%
15 മാസം മുതല്‍ 18 മാസം വരെ	6.00%	6.5%
18 മാസം മുതല്‍ 700  ദിവസം വരെ	6.00%	6.5%
700 ദിവസം	6.40%	6.90%
700 ദിവസം മുതല്‍ 36 മാസം വരെ	6.00%	6.5%
36 മാസം	6.5%	7.00%
36 മാസം മുതല്‍ 60 മാസം വരെ	6.50%	7.00%