ഫ്ലിപ്പ്കാർട്ട് പർച്ചേസ് മുതൽ ലോഞ്ച് ആക്സസ് വരെ; ഈ ക്രെഡിറ്റ് കാർഡ് വാങ്ങിയാൽ വമ്പൻ ഓഫറുകൾ

ഓൺലൈനിൽ പർച്ചേസ് നടത്താറുണ്ടോ? സ്ഥിരമായി ഫ്ലിപ്പ്കാർട്ടിലൂടെയാണോ പർച്ചേസ് നടത്തുന്നത്? എങ്കിൽ ഫ്ലിപ്കാർട്ട് ആക്സിസ് ബാങ്ക് ക്രെഡിറ്റ് കാർഡ് ഉപയോ​ഗിക്കുന്നത് അധിക നേട്ടങ്ങൾ ഉറപ്പാക്കാൻ സഹായിക്കും. ഓൺലൈൻ ഷോപ്പിംഗിനോട് പ്രത്യേക ഇഷ്ടമുള്ള ഉപഭോക്താക്കൾക്കായി വികസിപ്പിച്ചെടുത്തതാണ് ഈ ക്രെഡിറ്റ് കാർഡ്. ആക്സിസ് ബാങ്കും ഫ്ലിപ്കാർട്ടും തമ്മിലുള്ള മികച്ച പങ്കാളിത്തത്തിലൂടെയാണ് ഈ കാർഡ് പ്രവർത്തിക്കുന്നത്.

ഫ്ലിപ്പ്കാർട്ട് വഴിയുള്ള ഏതൊരു പർച്ചേസിനും ഈ ക്രെഡിറ്റ് കാർഡ് ഒരു മുതൽ കൂട്ടായിരിക്കും. വെൽകം ബോണസുകൾ, ക്യാഷ്ബാക്ക് റിവാർഡുകൾ, മറ്റ് എക്സ്ക്ലൂസീവ് ആനുകൂല്യങ്ങൾ എന്നിവയും കാർഡ് വാഗ്ദാനം ചെയ്യുന്നു. ഫ്ലിപ്പ്കാർട്ട് പ്ലാറ്റ്ഫോമുകളുടെ ഷോപ്പിംഗ് അനുഭവം വർദ്ധിപ്പിക്കുക എന്ന ലക്ഷ്യത്തോടെയാണ് ഈ ഫ്ലിപ്കാർട്ട് ആക്സിസ് ബാങ്ക് ക്രെഡിറ്റ് കാർഡ് പുറത്തിറക്കിയത്. മാത്രമല്ല ഉപഭോക്താക്കൾക്ക് സുതാര്യവും വിശ്വസനീയവുമായ ഷോപ്പിം​ഗ് നേട്ടവും ഇതിലൂടെ ഉറപ്പാക്കുന്നു.

ഫ്ലിപ്കാർട്ട് ആക്സിസ് ബാങ്ക് ക്രെഡിറ്റ് കാർഡ്- സവിശേഷതകളും ചാർജുകളും

ഫ്ലിപ്കാർട്ട് ആക്സിസ് ബാങ്ക് ക്രെഡിറ്റ് കാർഡ് കൈവശമുണ്ടെങ്കിൽ നിങ്ങൾക്ക് ജോയിനിം​ഗ് ഫീസ് നൽകേണ്ടി വരും. അത് 500 രൂപയും ബാധകമായി ജി.എസ്.ടി ചാർജും ഈടാക്കും. കാർഡിനൊപ്പം ചില മികച്ച ക്യാഷ്ബാക്ക് ആനുകൂല്യങ്ങളും ഉൾപ്പെടുന്നു. എന്തെല്ലാമാണ് ഈ ആനുകൂല്യങ്ങളെന്ന് അറിയാം;

• ഫ്ലിപ്പ്കാർട്ട് പർച്ചേസുകൾക്കും ക്ലിയർ ട്രിപ്പ് പർച്ചേസുകൾക്കും 5% ക്യാഷ്ബാക്ക് നൽകുന്നു.

• സ്വിഗ്ഗി, ഊബർ, പി.പി.ആർ തുടങ്ങിയവയ്ക്ക് 4% ക്യാഷ്ബാക്ക് നൽകുന്നു.

• മറ്റ് ഇടപാടുകൾക്ക് 1% ക്യാഷ്ബാക്ക് ലഭിക്കും.

മാത്രമല്ല ഈ ഫ്ലിപ്പ്കാർട്ട് ആക്സിസ് ബാങ്ക് ക്രെഡിറ്റ് കാർഡിലൂടെ നടത്തുന്ന ആദ്യത്തെ ഇടപാടിൽ 500 രൂപ ഫ്ലിപ്പ്കാർട്ട് വൗച്ചർ പോലുള്ള കിടിലൻ ആനുകൂല്യങ്ങൾ നൽകുന്നു. ഒപ്പം Goibibo, ആമസോൺ ഫ്രെഷ്, MakeMyTrip തുടങ്ങിയ ഡിജിറ്റൽ പ്ലാറ്റ്‌ഫോമുകളിൽ ബുധനാഴ്ച പ്രത്യേക ഓഫറുകളും സ്വിഗ്ഗി ഡിസ്കൗണ്ടുകളും ഇതിലൂടെ വാഗ്ദാനം ചെയ്യുന്നു. ഇത്തരത്തിൽ ഒട്ടനവധി ഓഫറുകളാണ് വാ​ഗ്ദാനം ചെയ്യുന്നത്.

ഇതിനു പുറമേ പ്രീമിയം ഉപഭോക്താക്കൾക്ക് മറ്റു ചില ഓഫറുകളും ഡിസ്കൗണ്ടുകളും ഫ്ലിപ്പ്കാർട്ട് ആക്സിസ് ബാങ്ക് ക്രെഡിറ്റ് കാർഡ് നൽകുന്നുണ്ട്. ഓരോ പ്രീമിയം ഓഫറുകളെ കുറിച്ചും വിശദമായി അറിയാം;

പ്രീമിയം ഉപയോക്താക്കൾക്കുള്ള സേവനങ്ങൾ

എയർപോർട്ട് ലോഞ്ച് ആക്സസ്: പ്രതിവർഷം നാല് കോംപ്ലിമെൻ്ററി ഡൊമസ്റ്റിക് എയർപോർട്ട് ലോഞ്ചുകൾ ഉപയോ​ഗിക്കാം. ഒരോ പാദത്തിലും ഒരു തവണയാണ് ഈ സേവനം പ്രയോജനപ്പെടുത്താൻ സാധിക്കുന്നത്. എന്നാൽ ഈ ആനുകൂല്യം ഉറപ്പാക്കുന്നതിനു കഴിഞ്ഞ മൂന്ന് മാസങ്ങളിലെ ഏറ്റവും കുറഞ്ഞ ചെലവ് 50,000 രൂപയായിരിക്കണം.

ഇന്ധനം ഒഴിവാക്കുന്നതിനുള്ള സർചാർജ്: ഈ ക്രെഡിറ്റ് കാർഡിലൂടെ ഉപയോക്താവിന് ഇന്ധന ഇടപാടുകളിൽ 1% ലാഭിക്കാം. ഇടപാടുകൾ 400 രൂപ മുതൽ 4000 രൂപ വരെ ആയിരിക്കണം.

ഡൈനിങ്ങിൽ ഡിസ്കൗണ്ടുകൾ: ഈ ക്രെഡിറ്റ് കാർഡിന് പങ്കാളിത്തമുള്ള റെസ്റ്റോറൻ്റുകളിൽ 15% വരെ കിഴിവ് ലഭിക്കും. ഈ സേവനം ആക്സിസ് ബാങ്ക് ഡൈനിംഗ് ഡിലൈറ്റ്സ് പ്രോഗ്രാമിന് കീഴിലാണ്.

ഇ.എം.ഐ കൺവേർഷൻ സേവനം: ഫ്ലിപ്പ്കാർട്ടിലൂടെ 2,500 രൂപയിൽ കൂടുതലുള്ള പർച്ചേസുകളെ നിങ്ങൾക്ക് ഇ.എം.ഐ ഫോർമാറ്റിലേക്ക് മാറ്റാൻ ഓപ്ഷനുണ്ട്. ഇത് പ്രകാരം ഈ തുക തുല്യമായ പ്രതിമാസ തവണകളായി തിരിച്ചടയ്ക്കാനാകും.

പതിവായി ഷോപ്പിംഗ് നടത്തുന്ന ഫ്ലിപ്പ്കാർട്ട് ഉപയോക്താക്കൾക്ക് ഈ കാർഡ് ഒരു മികച്ച തിരഞ്ഞെടുപ്പാണ്. മാത്രമല്ല യാത്ര, ഡൈനിംഗ് ആനുകൂല്യങ്ങൾ തുടങ്ങിയ നേട്ടങ്ങൾ വേണ്ടവർക്കും ഈ ക്രെഡിറ്റ് കാർഡ് ഉപകാരപ്രദമാണ്.