സമ്പാദ്യം വളർത്താൻ നല്ലത് മ്യൂച്വൽ ഫണ്ട് തന്നെ, 30 ശതമാനം വരുമാനം നൽകിയ 4 മ്യൂച്വൽ ഫണ്ടുകൾ, നോക്കുന്നോ..

മ്യൂച്വൽ ഫണ്ടുകൾ എല്ലാക്കാലത്തും നിക്ഷേപകരുടെ ഇഷ്ടപ്പെട്ട തിരഞ്ഞെടുപ്പാണ്. താരതമ്യേന കുറഞ്ഞ അപകട സാധ്യതയിൽ മികച്ച നേട്ടമുണ്ടാക്കാൻ സാധിക്കുമെന്നതാണ് മ്യൂച്വൽ ഫണ്ടുകളുടെ ഏറ്റവും വലിയ നേട്ടം. അതുകൊണ്ടു തന്നെ കൂടുതൽ ആളുകൾ ഇപ്പോൾ മ്യൂച്വൽ ഫണ്ട് നിക്ഷേപത്തിന് തയ്യാറാവുകയും ചെയ്യുന്നുണ്ട്.

കഷ്ടപ്പെട്ട് സമ്പാദിച്ച പണം മ്യൂച്വൽ ഫണ്ടിൽ നിക്ഷേപിക്കുന്നതിന് മുമ്പ് വിവിധ മ്യൂച്വൽ ഫണ്ട് വിഭാഗങ്ങളെക്കുറിച്ച് അറിഞ്ഞിരിക്കണം. ഏറ്റവും പ്രധാനമായി, നിക്ഷേപകർ മ്യൂച്വൽ ഫണ്ട് വിഭാഗങ്ങളെക്കുറിച്ച് പഠിക്കുമ്പോൾ നിക്ഷേപം അവരുടെ സാമ്പത്തിക ലക്ഷ്യങ്ങളുമായി ചേരുന്നുണ്ടെന്ന് ഉറപ്പാക്കേണ്ടതുമുണ്ട്. കഴിഞ്ഞ ആറ് മാസത്തിനിടെ 30 ശതമാനത്തിന് മുകളിൽ വരുമാനം നൽകിയ 4 ഇക്വിറ്റി മ്യൂച്വൽ ഫണ്ടുകളെക്കുറിച്ച് അറിയാം.

ഇക്വിറ്റി മ്യൂച്വൽ ഫണ്ട്

ഇക്വിറ്റികളായി അഥവാ കമ്പനികളുടെ ഓഹരികളായി പണം നിക്ഷേപിക്കുന്ന മ്യൂച്വൽ ഫണ്ടുകളാണ് ഇക്വിറ്റി ഫണ്ട്. ദീർഘകാല നിക്ഷേപങ്ങൾക്ക് അനുയോജ്യമായ സ്കീമാണ് ഇത്. ഇക്വിറ്റി ഫണ്ടുകളിൽ ഉയർന്ന വരുമാനം ലഭിക്കാനുള്ള സാധ്യതയും കൂടുതലാണ്.

മിഡ് ക്യാപ് ഫണ്ട്

ഇടത്തരം കമ്പനികളിൽ നിക്ഷേപിക്കുന്ന ഫണ്ടാണ് മിഡ് ക്യാപ് മ്യൂച്വൽ ഫണ്ട്. വിപണിയിലുണ്ടാകുന്ന വ്യതിയാനങ്ങൾ വൻകിട കമ്പനികളെ അപേക്ഷിച്ച് കൂടുതലായി ബാധിക്കുക ഇടത്തരം കമ്പനികളെയായിരിക്കും. അതിനാൽ, ഉയർന്ന വരുമാനം നേടാൻ സാധ്യതയുണ്ടെങ്കിലും നഷ്ടം സംഭവിക്കാനുള്ള സാധ്യതയും മിഡ് ക്യാപ് ഫണ്ടുകളിൽ കൂടുതലാണ്.

കഴിഞ്ഞ ആറ് മാസത്തിനിടെ 30 ശതമാനം ലാഭം നൽകിയ 4 മിഡ്ക്യാപ് ഫണ്ടുകൾ ഏതൊക്കെ എന്ന് നോക്കാം.

1. ക്വാണ്ട് മിഡ് ക്യാപ് ഫണ്ട്

2024 ലെ ആദ്യ ആറ് മാസങ്ങളിൽ 31.64 ശതമാനം വരുമാനം നൽകാൻ ക്വാണ്ട് മിഡ് ക്യാപ് ഫണ്ടിന് സാധിച്ചിട്ടുണ്ട്. 2024 മെയ് വരെ 7,952 കോടി രൂപയുടെ ആസ്തിയാണ് ഈ സ്കീം കൈകാര്യം ചെയ്യുന്നത്.

2. ജെഎം മിഡ്‌ക്യാപ് ഫണ്ട്

ഈ മിഡ് ക്യാപ് ഫണ്ട് 2024 ലെ ആദ്യ ആറ് മാസങ്ങളിൽ 31.37% റിട്ടേൺ നൽകി. 2024 മെയ് 31 ലെ കണക്കനുസരിച്ച് 1,054 കോടി രൂപയുടെ ആസ്തിയാണ് ഈ സ്കീം കൈകാര്യം ചെയ്യുന്നത്.

3. ഐടിഐ മിഡ് ക്യാപ് ഫണ്ട്

ഈ മിഡ് ക്യാപ് ഫണ്ട് 2024 ൻ്റെ ആദ്യ പകുതിയിൽ 30.78% റിട്ടേൺ വാഗ്ദാനം ചെയ്തു. 2024 മെയ് വരെ 891 കോടി രൂപയുടെ ആസ്തിയാണ് സ്കീം കൈകാര്യം ചെയ്യുന്നത്.

4. മോത്തിലാൽ ഓസ്വാൾ മിഡ്‌ക്യാപ് ഫണ്ട്

ഈ മിഡ് ക്യാപ് ഫണ്ട് 2024 ലെ ആദ്യ ആറ് മാസ ചക്രവാളത്തിൽ 30.53% റിട്ടേൺ നൽകി. 2024 മെയ് 31 വരെ 10,378 കോടി രൂപയുടെ ആസ്തിയാണ് ഈ സ്കീം കൈകാര്യം ചെയ്യുന്നത്.

ഒറ്റത്തവണയോ എസ്‌ഐപിയോ

മ്യൂച്വല്‍ ഫണ്ടില്‍ 2 രീതിയിലാണ് നിക്ഷേപിക്കാന്‍ സാധിക്കുക. ഒറ്റത്തവണയായും മാസതവണകളായി എസ്‌ഐപി വഴിയും നിക്ഷേപിക്കാം. എസ്‌ഐപിയായി തുടക്കകാരായ നിക്ഷേപകര്‍ക്ക് അനുയോജ്യം. മാസ വരുമാനത്തില്‍ നിന്ന് നിശ്ചിത ശതമാനം തുക മാസത്തില്‍ നിക്ഷേപത്തിലേക്ക് മാറ്റാന്‍ സാധിക്കും. അക്കൗണ്ടില്‍ നിന്ന് നിക്ഷേപത്തിലേക്ക് പണം മാറ്റാനുള്ള ദിവസം മുന്‍കൂട്ടി നിശ്ചയിച്ചാല്‍ പണം ഓട്ടോ ഡെബിറ്റ് ചെയ്യും. ഇതിന് അനുസരിച്ചുള്ള മ്യൂച്വല്‍ ഫണ്ട് യൂണിറ്റുകളാണ് നിക്ഷേപകന് അനുവദിക്കുക.

അറിയിപ്പ് :

മുകളിൽ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങൾ എടുക്കും മുൻപ് സാമ്പത്തിക വിദഗ്ധന്റെ നിർദേശം തേടാം. മ്യൂച്വൽ ഫണ്ടിലെ നിക്ഷേപം നഷ്ട സാധ്യതകൾക്ക് വിധേയമാണ്. സ്വന്തം റിസ്‌കിൽ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തിൽ സംഭവിക്കുന്ന ലാഭനഷ്ടങ്ങൾക്ക് ഗ്രേനിയം ഇൻഫർമേഷൻ ടെക്നോളജീസും ലേഖകനും ഉത്തരവാദികളല്ല.