Click it and Unblock the Notifications
റിസ്ക് തീരെയില്ലാതെ ദീര്ഘകാല നിക്ഷേപങ്ങള് നടത്താന് ആഗ്രഹിക്കുന്നവര്ക്ക് അനുയോജ്യമായ നിക്ഷേപ രീതിയാണ് ബാങ്കുകളിലെ സ്ഥിര നിക്ഷേപങ്ങള്. ഒപ്പം അത് നിക്ഷേപകരുടെ പോര്ട്ട്ഫോളിയോ വൈവിധ്യവത്ക്കരണത്തിലും സഹായകമാകുന്നു.
റിസ്ക് തീരെയില്ലാതെ ദീര്ഘകാല നിക്ഷേപങ്ങള് നടത്താന് ആഗ്രഹിക്കുന്നവര്ക്ക് അനുയോജ്യമായ നിക്ഷേപ രീതിയാണ് ബാങ്കുകളിലെ സ്ഥിര നിക്ഷേപങ്ങള്. ഒപ്പം അത് നിക്ഷേപകരുടെ പോര്ട്ട്ഫോളിയോ വൈവിധ്യവത്ക്കരണത്തിലും സഹായകമാകുന്നു. എന്നാല് സ്ഥിര നിക്ഷേപം ആരംഭിക്കുവാന് ആലോചിക്കുന്ന സമയത്ത് ഏത് ബാങ്കില് നിക്ഷേപം നടത്തുന്നതാണ് കൂടുതല് നല്ലത് എന്ന് നിക്ഷേപകര്ക്കെല്ലാം പലപ്പോഴും ആശങ്കയുണ്ടാകും.
നിക്ഷേപത്തിനായി ബാങ്ക് തിരഞ്ഞെടുക്കും മുമ്പ് ചില കാര്യങ്ങള് ശ്രദ്ധിക്കേണ്ടതായുണ്ട്. എല്ലാ നിക്ഷേപങ്ങളുടെയും ഏപ്പവും പ്രധാനപ്പെട്ട പ്രചോദനമാകുന്നത് പലിശ നിരക്ക് തന്നെയാണ്. എവിടെ നിക്ഷേപിച്ചാലാണ് കൂടുതല് പലിശ ലഭിക്കുന്നത് എന്ന് പരിശോധിച്ച് താരതമ്യം ചെയ്തു വേണം നിക്ഷേപം നടത്തുവാന്. പുതിയ സ്വകാര്യ ബാങ്കുകളും സ്മോള് ഫിനാന്സ് ബാങ്കുകളുമാണ് രാജ്യത്തെ മറ്റ് മുന്നിര ബാങ്കുകളേക്കാള് ഉയര്ന്ന പലിശ നിരക്ക് സ്ഥിര നിക്ഷേപങ്ങള്ക്ക് നല്കുന്നത്.
എയു സ്മോള് ഫിനാന്സ് ബാങ്ക്, ഇക്വിറ്റാസ് സ്മോള് ഫിനാന്സ് ബാങ്ക്, ഉജ്ജീവന് സ്മോള് ഫിനാന്സ് ബാങ്ക് തുടങ്ങിയ സ്മോള് ഫിനാന്സ് ബാങ്കുകള് 7 ശതമാനം വരെ സ്ഥിര നിക്ഷേപങ്ങള്ക്ക് പലിശ നിരക്ക് വാഗ്ദാനം ചെയ്യുന്നു. ഡിസിബി ബാങ് 6.75 ശതമാനം വരെയാണ് സ്ഥിര നിക്ഷേപങ്ങള്ക്ക് നല്കുന്ന പലിശ നിരക്ക്. തൊട്ടു പുറകേ ആര്ബിഎല് ബാങ്കും ബന്ധന് ബാങ്കുമുണ്ട്. ആര്ബിഎല് ബാങ്കില് സ്ഥിര നിക്ഷേപങ്ങള്ക്ക് 6.25 ശതമാനവും ബന്ധന് ബാങ്കില് 6 ശതമാനവുമാണ് പലിശ നിരക്ക് വാഗ്ദാനം ചെയ്യുന്നത്.
ഈ പലിശ നിരക്ക് നിങ്ങള് മുഖ്യധാരാ ബാങ്കുകളുമായി താരതമ്യം ചെയ്താല് അവര് വാഗ്ദാനം ചെയ്യുന്ന പലിസ നിരക്കുകള് താഴന്ന നിരക്കാണെന്ന് കാണാം. എച്ച്ഡിഎഫ്സി ബാങ്ക്, ഐസിഐസിഐ ബാങ്ക്, ആക്സിസ് ബാങ്ക് എന്നീ ബാങ്കുകള് 3 ശതമാനം മുതല് 3.5 ശതമാനം വരെയുള്ള പലിശ നിരക്കാണ് സ്ഥിര നിക്ഷേപങ്ങള്ക്ക് വാഗ്ദാനം ചെയ്യുന്നത്.
അതേ സമയം കൊഡാക് മഹീന്ദ്ര ബാങ്ക് 4 ശതമാനം വരെ പലിശ നിരക്ക് സ്ഥിര നിക്ഷേപങ്ങള്ക്ക് നല്കുന്നുണ്ട്. രാജ്യത്തെ ഏറ്റവും വലിയ പൊതുമേഖലാ ബാങ്കായ സ്റ്റേറ്റ് ബാങ്ക് ഓഫ് ഇന്ത്യ (എസ്ബിഐ) 2.70 ശതമാനം പലിശ നിരക്കാണ് സ്ഥിര നിക്ഷേപങ്ങള്ക്ക് വാഗ്ദാനം ചെയ്യുന്നത്. ബാങ്ക് ഓഫ് ബറോഡ 3.20 ശതമാനം പലിശ നിരക്കും സ്ഥിര നിക്ഷേപങ്ങള്ക്ക് നല്കുന്നു.
Sign in with Google