Just In
-
-
-
-
Don't Miss
-
ശരീരത്തിലെ വിഷാംശം നീക്കുന്ന കരള്; കരുത്തുറ്റ കരളിന് വേണം ഈ സൂപ്പര്ഫുഡ് -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം -
ചാലക്കുടിയില് വിജയം ഉറപ്പിച്ച് യുഡിഎഫ്: ഇടത് ആത്മവിശ്വാസം രവീന്ദ്രനാഥിന്റെ ജനകീയതയില് -
T20 World Cup: സമ്പൂര്ണ ദൂരന്തം! പാണ്ഡ്യയ്ക്ക് ലോകകപ്പ് ടീമില് ഇടം നല്കരുത്; നാല് കാരണങ്ങളുണ്ട് -
ഇവർ വരുന്നതോടെ ക്രെറ്റയുടെ വിൽപ്പന തീരും? സെഗ്മെന്റ് പിടിക്കാൻ ടാറ്റയും സിട്രണും -
ഞാൻ നടിയാണെന്ന് മറന്നു, ഓടിപ്പോയി കെട്ടിപ്പിടിച്ചു; ഉടനെ ശ്രീദേവി എന്നോട് പറഞ്ഞത്; ഉർവശിയുടെ വാക്കുകൾ -
തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി
നിക്ഷേപം നടത്തുന്നത് ഏത് പദ്ധതിയില്‍ ആയാലും അതില്‍ നിന്നും പരമാവധി നേട്ടം സ്വന്തമാക്കുവാന്‍ ആഗ്രഹിക്കുന്നവരാണ് എല്ലാ വ്യക്തികളും. ഇത്തരത്തില്‍ നിക്ഷേപിക്കുന്ന തുകയുടെ മുഴുവന്‍ നേട്ടവും നിക്ഷേപകര്‍ക്ക് ലഭിക്കുന്ന ഒരു നിക്ഷേപ പദ്ധതിയാണ് നാഷണല്‍ പെന്‍ഷന്‍ സ്‌കീം. നിക്ഷേപ തുകയില്‍ നിന്നും ലഭിക്കുന്ന ആദായത്തിന്മേല്‍ പരിപൂര്‍ണ സുരക്ഷയും ഉറപ്പും എന്‍പിഎസ് വാഗ്ദാനം ചെയ്യുന്നു.
ദിവസേന 50 രൂപാ വീതം നിക്ഷേപിച്ചാല്‍
ഈ പദ്ധതിയില്‍ ദിവസേന വെറും 50 രൂപാ വീതം നിക്ഷേപിച്ചു കൊണ്ട് റിട്ടയര്‍മെന്റ് സമയത്ത് നിങ്ങള്‍ക്ക് 34 ലക്ഷം രൂപ നേടുവാന്‍ സാധിക്കും. വിപണിയുമായി ബന്ധിപ്പിച്ചിട്ടുള്ള നിക്ഷേപ പദ്ധതിയാണ് എന്നതിനാലാണ് എന്‍പിഎസിലൂടെ ഇത്രയും ഉയര്‍ന്ന നേട്ടം സ്വന്തമാക്കുവാന്‍ നിക്ഷേപകര്‍ക്ക് സാധിക്കുന്നത്. എന്‍പിഎസ് നിക്ഷേപത്തില്‍ നിന്നുള്ള പരമാവധി നേട്ടം കൈയ്യിലെത്തുന്നതിനായി ഏത്രയും നേരത്തെ തന്നെ നിക്ഷേപം ആരംഭിക്കുക എന്നതാണ് നിങ്ങള്‍ ചെയ്യേണ്ടത്.
നേരത്തേ നിക്ഷേപിക്കാം
ചെറിയ പ്രായത്തില്‍ നിക്ഷേപം ആരംഭിക്കുവാന്‍ സാധിച്ചാല്‍ അത്രയും ഉയര്‍ന്ന നേട്ടം നിക്ഷേപത്തിലൂടെ സ്വന്തമാക്കാം. എല്ലാ ദീര്‍ഘകാല നിക്ഷേപ പദ്ധതികളുടേയും സവിശേഷതയാണിത്. നിക്ഷേപ ദൈര്‍ഘ്യം ഉയരുമ്പോള്‍ നിക്ഷേപത്തില്‍ നിന്നുള്ള ആദായവും പല മടങ്ങ് ഉയരും. അതുകൊണ്ട് തന്നെ റിട്ടയര്‍മെന്റ് ആസൂത്രണവും നിക്ഷേപവും എത്രയും നേരത്തേ ആരംഭിക്കുക എന്നതാണ് ആദ്യ ഘട്ടം. പഠനം പൂര്‍ത്തിയാക്കി ആദ്യ ജോലിയില്‍ പ്രവേശിക്കുന്ന സമയത്ത് തന്നെ റിട്ടയര്‍മെന്റ് ആസൂത്രണവും ആരംഭിക്കാം.
എന്‍പിഎസ് നിക്ഷേപം
ഇവിടെ നിങ്ങള്‍ എന്‍പിഎസ് നിക്ഷേപം ആരംഭിച്ചിരിക്കുന്നത് 25ാം വയസ്സ് മുതലാണെന്നിരിക്കട്ടെ. നേരത്തേ പറഞ്ഞതു പോലെ എല്ലാ ദിവസവും 50 രൂപാ വീതമാണ് എന്‍പിഎസ് നിക്ഷേപത്തിനായി നിങ്ങള്‍ മാറ്റി വയ്ക്കുന്നത്. അങ്ങനെയാണെങ്കില്‍ നിങ്ങളുടെ പ്രതിമാസ നിക്ഷേപം 1500 രൂപയായിരിക്കും.
റിട്ടയര്‍മെന്റ് പ്രായമായ 60 വയസ്സ് പൂര്‍ത്തിയാകുന്നത് വരെയുള്ള 35 വര്‍ഷങ്ങളില്‍ നിങ്ങള്‍ നിക്ഷേപം ഇതേ രീതിയില്‍ തുടരുകയാണെങ്കില്‍ നിങ്ങളുടെ ആകെ നിക്ഷേപം 6.30 ലക്ഷം രൂപയായിരിക്കും.എന്നാല്‍ ഈ നിക്ഷേപത്തില്‍ നിന്നും 35 വര്‍ഷ കാലയളവില്‍ നിങ്ങള്‍ക്ക് ലഭിക്കുന്ന പലിശത്തുക 27.9 ലക്ഷം രൂപയാണ്. റിട്ടയര്‍മെന്റ് സമയത്ത് നിങ്ങളുടെ കൈകളില്‍ എത്തുക ആകെ തുക 34.19 ലക്ഷം രൂപയും, ആകെ നികുതി നേട്ടം 1.89 ലക്ഷം രൂപയുമായിരിക്കും.
പ്രതിമാസ പെന്‍ഷന്‍
ഇതിന് പുറമേ, നിക്ഷേപകന്‍ റിട്ടയര്‍ ചെയ്യുമ്പോഴോ, അല്ലെങ്കില്‍ അയാള്‍ക്ക് 60 വയസ്സ് പൂര്‍ത്തിയാകുമ്പോഴോ എന്‍പിഎഎസ് തുകയുടെ 60 ശതമാനം വരെ പിന്‍വലിക്കുവാന്‍ സാധിക്കും. അതായത് റിട്ടയര്‍ ചെയ്യുമ്പോള്‍ മേല്‍പ്പറഞ്ഞ നിക്ഷേപത്തുകയില്‍ നിന്നും നിങ്ങള്‍ക്ക് പിന്‍വലിക്കുവാന്‍ സാധിക്കുക 20.51 ലക്ഷം രൂപയായിരിക്കും. ബാക്കി തുക ഏതെങ്കിലുമൊരു ആന്വുറ്റി ഇന്‍വസ്റ്റ്‌മെന്റ് പ്ലാനില്‍ നിക്ഷേപിക്കുകയാണ് ചെയ്യുക. അതിലൂടെ ഓരോ മാസവും നിശ്ചിത തുക നിങ്ങള്‍ക്ക് പെന്‍ഷനായി ലഭിക്കുകയും ചെയ്യും.
നികുതി നേട്ടം
നിങ്ങളുടെ നിക്ഷേപത്തിന്മേല്‍ സര്‍ക്കാര്‍ നിശ്ചയിച്ചിരിക്കുന്ന പലിശ നിരക്ക് 8 ശതമാനത്തോട് അടുത്താണെങ്കില്‍ നിങ്ങള്‍ക്ക് 9000 രൂപയോളമായിരിക്കും പ്രതിമാസ പെന്‍ഷനായി ലഭിക്കുക. ആദായ നികുതി നിയമത്തിലെ 80സിസിഡി (1), 80സിസിഡി (2) എന്നീ വകുപ്പുകള്‍ പ്രകാരം നാഷണല്‍ പെന്‍ഷന്‍ സ്‌കീം നിക്ഷേപത്തിന് നികുതി ഇളവും ലഭിക്കും. വകുപ്പ് 80സി പ്രകാരം ഒരു സാമ്പത്തീക വര്‍ഷത്തിലെ നിക്ഷേപം 50,000 രൂപയ്ക്ക് മുകളിലാണെങ്കില്‍ 1.50 ലക്ഷം രൂപ വരെയും നികുതി ഇളവ് ലഭിക്കും. ഇങ്ങനെ ഒരു വര്‍ഷത്തില്‍ ആകെ 2 ലക്ഷം രൂപയുടെ നികുതി ഇളവ് എന്‍പിഎസ് നിക്ഷേപത്തിലൂടെ നേടാം.
