സ്വന്തമായി വീടെന്ന ലക്ഷ്യം സഫലമാക്കാം, കുറഞ്ഞ പലിശയിൽ വായ്പ നൽകും ഈ ബാങ്കുകൾ, നോക്കുന്നോ

സ്വന്തമായി ഒരു വീട് എന്നത് എല്ലാവരുടേയും ലക്ഷ്യമാണ്. എന്നാൽ വീട് നിർമാണത്തിനായി പ്രത്യേക സാമ്പത്തിക നിക്ഷേപ പദ്ധതികളില്ലാത്ത ആളുകൾ ഹോം ലോണുകളെയാണ് ആശ്രയിക്കുക. ഉയർന്ന തുക ദീർഘകാലത്തേക്ക് വായ്പ നൽകാൻ ബാങ്കുകൾ തയ്യാറാവുന്നു. വിവിധ ബാങ്കുകൾ വ്യത്യസ്ത പലിശ നിരക്കുകളാണ് ഹോം ലോണിന് ഈടാക്കുന്നത്. അതുകൊണ്ടു തന്നെ ഹോം ലോൺ എടുക്കുന്നതിന് മുൻപ് വിവിധ ബാങ്കുകൾ വാഗ്ദാനം ചെയ്യുന്ന പലിശ നിരക്കുകൾ താരതമ്യം ചെയ്യണം.

പലിശ നിരക്ക് കുറച്ച് ബാങ്ക് ഓഫ് ഇന്ത്യ

രാജ്യത്തെ ജനപ്രിയ പൊതുമേഖലാ ബാങ്കുകളിൽ ഒന്നാണ് ബാങ്ക് ഓഫ് ഇന്ത്യ. ഹോം ലോൺ പലിശ നിരക്കുകളിൽ കഴിഞ്ഞ ദിവസം ബാങ്ക് കുറവ് വരുത്തിയിരുന്നു. 8.45 ശതമാനത്തിൽ നിന്നും 8.30 ശതമാനമാണ് പുതിയ പലിശ നിരക്ക്. അതോടൊപ്പം മാർച്ച് 31 വരെ പ്രോസസ്സിംഗ് ഫീസ് പൂർണമായും ഒഴിവാക്കിയെന്നും ബാങ്ക് ഓഫ് ഇന്ത്യ അറിയച്ചിട്ടുണ്ട്.

രാജ്യത്തെ മറ്റ് പ്രധാന ബാങ്കുകൾ 35 ലക്ഷം രൂപ വരെയുള്ള ഹോം ലോണിന് ഈടാക്കുന്ന പലിശ നിരക്കുകൾ നോക്കാം.

1. സ്റ്റേറ്റ് ബാങ്ക് ഓഫ് ഇന്ത്യ : 8.40 ശതമാനം മുതൽ 10.50 ശതമാനം വരെ
2. ബാങ്ക് ഓഫ് ബറോഡ : 8.40 ശതമാനം മുതൽ 10.65 ശതമാനം വരെ
3. പഞ്ചാബ് നാഷണൽ ബാങ്ക് : 8.45 ശതമാനം മുതൽ 11.25 ശതമാനം വരെ

4. കാനറ ബാങ്ക് : 8.50 ശതമാനം മുതൽ 10.65 ശതമാനം വരെ

5. യൂണിയൻ ബാങ്ക് ഓഫ് ഇന്ത്യ : 8.35 ശതമാനം മുതൽ 10.75 ശതമാനം വരെ
6. ഐസിഐസി ബാങ്ക് : 8.75 ശതമാനം മുതൽ
7. ആക്സിസ് ബാങ്ക് : 8.75 ശതമാനം മുതൽ 13.30 ശതമാനം വരെ
8. ഫെഡറൽ ബാങ്ക് : 8.80 ശതമാനം മുതൽ
9. ധനലക്ഷ്മി ബാങ്ക് : 9.35 ശതമാനം മുതൽ 15 ശതമാനം വരെ
10. എച്ച്ഡിഎഫ്സി ബാങ്ക് : 8.70 ശതമാനം മുതൽ
12. സിറ്റി യൂണിയൻ ബാങ്ക് : 8.25 ശതമാനം മുതൽ 9.5 ശതമാനം വരെ

13. യൂകോ ബാങ്ക് : 8.45 ശതമാനം മുതൽ 10 ശതമാനം വരെ
14. സെൻട്രൽ ബാങ്ക് ഓഫ് ഇന്ത്യ : 8.45 ശതമാനം മുതൽ 9.8 ശതമാനം വരെ
15. ബന്ധൻ ബാങ്ക് : 9.16 ശതമാനം മുതൽ 15 ശതമാനം വരെ

സോളാർ റൂഫ്‌ടോപ്പ് ഫിനാൻസ് ലോൺ

സൗരോർജ്ജത്തിൻ്റെ വർദ്ധിച്ചുവരുന്ന പ്രാധാന്യം അംഗീകരിച്ചുകൊണ്ട്, ബാങ്ക് ഓഫ് ഇന്ത്യ സോളാർ റൂഫ്‌ടോപ്പ് സ്ഥാപിക്കുന്നതിനും പ്രത്യേക വായ്പ പദ്ധതികൾ അവതരിപ്പിച്ചിട്ടുണ്ട്. പ്രധാനമന്ത്രി സൂര്യ ഘർ മുഫ്ത് ബിജ്‌ലി യോജനയുമായി ചേർന്ന് , ഭവന വായ്പകൾക്ക് ബാധകമായ അതേ പലിശ നിരക്കിൽ 10 ലക്ഷം രൂപ വരെ സോളാർ പാനലുകൾ സ്ഥാപിക്കുന്നതിന് ബാങ്ക് ഓഫ് ഇന്ത്യ നൽകുന്നു.

പ്രൊസസ്സിംഗ് ഫീസ് ഇല്ലാതെ 7 ശതമാനം വാർഷിക പലിശയിലാണ് ബാങ്ക് വായ്പ നൽകുന്നത്. 120 മാസമാണ് തിരിച്ചടവ് കാലാവധി. ഉപഭോക്താക്കൾക്ക് നേരിട്ട് ക്ലെയിം ചെയ്യാവുന്ന 78,000 രൂപ വരെയുള്ള സർക്കാർ സബ്സിഡിയുടെ കാര്യം മറക്കരുത്.