ജോലിയിൽ നിന്നും രാജി വെക്കുമ്പോൾ എത്ര രൂപ ​ഗ്രാറ്റുവിറ്റി ലഭിക്കും? 7 വർഷം കൊണ്ട് ലഭിക്കുന്ന തുക അറിയാം

ജോലി മാറുന്നതിനോ വിരമിക്കുന്നതിനോ മുമ്പ് നിങ്ങളുടെ വിരമിക്കൽ മൂലധനം ശക്തിപ്പെടുത്തുവാൻ ആ​ഗ്രഹമുണ്ടോ? 5 വർഷത്തിലധികം ഒരു സ്ഥാപനത്തിൽ ജോലി ചെയ്തിട്ടുണ്ടെങ്കിൽ തീർച്ചയായും ​ഗ്രാറ്റുവിറ്റിക്ക് നിങ്ങൾ അർഹരാണ്. ഈ കാലയളവിനു ശേഷം ജോലിയിൽ നിന്ന് വിരമിക്കുകയോ അല്ലെങ്കിൽ ജോലി മാറുകയോ ചെയ്യുമ്പോൾ നിശ്ചിത തുക ​ഗ്രാറ്റുവിറ്റിയായി ലഭിക്കും.1972 ലെ പേയ്‌മെന്റ് ഓഫ് ഗ്രാറ്റുവിറ്റി ആക്ട് പ്രകാരമാണ് ഈ തുക ലഭിക്കുന്നത്.

നിങ്ങൾ ജോലിയിൽ നിന്ന് വിരമിക്കുകയോ, അഞ്ച് വർഷത്തിന് ശേഷം രാജി വെക്കുകയോ, ജോലി ചെയ്യുന്ന സമയത്ത് മരണപ്പെടുകയോ ചെയ്താൽ ​ഗ്രാറ്റുവിറ്റി ലഭിക്കാൻ അർ​ഹതയുണ്ട്. അതായത് മരണപ്പെട്ടാൽ നിയമപരമായ അവകാശിക്ക് ഈ തുക ലഭിക്കുന്നു. നിലവിലെ ആദായനികുതി നിയമങ്ങൾ പ്രകാരം 20 ലക്ഷം രൂപ വരെയുള്ള ഗ്രാറ്റുവിറ്റി നികുതി രഹിതമാണ്. ഈ പരിധിക്ക് മുകളിലുള്ള ഏതൊരു തുകയും നികുതിക്ക് വിധേയമാകും. അടിസ്ഥാന ശമ്പളത്തിന് അനുസരിച്ച് നിങ്ങൾക്ക് ലഭിക്കുന്ന ​ഗ്രാറ്റുവിറ്റി തുകയിലും വ്യത്യാസപ്പെടും. എങ്കിലും എങ്ങനെയാണ് ഈ ​ഗ്രാറ്റുവിറ്റി കണക്കാക്കുന്നത് എന്ന് അറിയാം;

ഗ്രാറ്റുവിറ്റി ഫോർമുല

"ഗ്രാറ്റുവിറ്റി = (അവസാന ലഭിച്ച ശമ്പളം × സേവന വർഷങ്ങൾ × 15) / 26"

ഇവിടെ, 15 എന്നത് 15 ദിവസത്തെ ശമ്പളത്തെ സൂചിപ്പിക്കുന്നു, കൂടാതെ 26 എന്നത് ഒരു മാസത്തിലെ പ്രവൃത്തി ദിവസങ്ങളെ സൂചിപ്പിക്കുന്നു. ഇത്തരത്തിലാണ് നിങ്ങൾക്ക് ലഭിക്കേണ്ട തുക കണക്കാക്കുന്നത്.

ജോലിയിൽ നിന്ന് വിരമിക്കുമ്പോഴോ ജോലി മാറുമ്പോഴോ നിങ്ങൾക്ക് ലഭിക്കുന്ന അധികമായ സാമ്പത്തിക നേട്ടമാണ് ​ഗ്രാറ്റുവിറ്റിയിലൂടെ ഉറപ്പാക്കുന്നത്. എന്നാൽ എത്ര രൂപയാണ് ​ഗ്രാറ്റുവിറ്റിയിലൂടെ നിങ്ങൾക്ക് ലഭിക്കുന്നത് എന്ന് അറിയണ്ടേ? മുകളിൽ പരാമർശിച്ച ഫോർമുല പ്രകാരം, ഇവിടെ ​ഗ്രാറ്റുവിറ്റി തുക കണക്കാക്കുന്നത് അവസാനം ലഭിച്ച ശമ്പളമായ 40,000 രൂപ, 60,000 രൂപ, 80,000 രൂപ എന്നിവയെ അടിസ്ഥാനമാക്കിയാണെങ്കിൽ നിങ്ങൾക്ക് എത്ര തുക ​ഗ്രാറ്റുവിറ്റിയായി ലഭിക്കുമെന്ന് വിശദമായി പരിശോധിക്കാം. 6 വർഷവും 7 മാസവും കഴിഞ്ഞുള്ള കാലാവധിയാണ് ഇവിടെ പരിശോധിക്കുന്നത്.

6 വർഷവും 7 മാസവും കഴിഞ്ഞ് 40,000 രൂപ ശമ്പളത്തിൽ നിന്ന് ലഭിക്കുന്ന ഗ്രാറ്റുവിറ്റി

40,000 രൂപ ശമ്പളം ലഭിക്കുന്ന വ്യക്തിക്ക് 6 വർഷം 7 മാസത്തിനുശേഷം ഗ്രാറ്റുവിറ്റി കണക്കാക്കുമ്പോൾ കാലാവധി 7 വർഷമായി കണക്കാക്കും. ഇവിടെ ഗ്രാറ്റുവിറ്റി = (40,000 × 7 × 15) / 26 എന്ന ഫോർമുല നോക്കിയാൽ ലഭിക്കുന്ന ​ഗ്രാറ്റുവിറ്റി തുക 1,61,538 രൂപയായിരിക്കും.

6 വർഷവും 7 മാസവും കഴിഞ്ഞ് 60,000 രൂപ ശമ്പളത്തിൽ നിന്ന് ലഭിക്കുന്ന ഗ്രാറ്റുവിറ്റി

ഇവിടെ 60,000 രൂപ ശമ്പളം ലഭിക്കുന്ന വ്യക്തിക്ക് 7 വർഷത്തെ ​ഗ്രാറ്റുവിറ്റി തുക കണക്കാക്കുമ്പോൾ 2,42,308 രൂപ ലഭിക്കും.

ഗ്രാറ്റുവിറ്റി = (60,000 × 7 × 15) / 26 = 2,42,308 രൂപ.

6 വർഷവും 7 മാസവും കഴിഞ്ഞ് 80,000 രൂപ ശമ്പളത്തിൽ നിന്ന് ലഭിക്കുന്ന ഗ്രാറ്റുവിറ്റി

80,000 രൂപ ശമ്പളം വാങ്ങുന്ന വ്യക്തി 7 വർഷത്തെ ​ഗ്രാറ്റുവിറ്റി കണക്കാക്കിയാൽ ലഭിക്കുന്നത് 3,23,077 രൂപയായിരിക്കും.

ഗ്രാറ്റുവിറ്റി = (80,000 × 7 × 15) / 26 = രൂപ 3,23,077

ദീർഘകാല സാമ്പത്തിക ആസൂത്രണത്തിന്റെ ഒരു നിർണായക ഘടകമാണ് ഗ്രാറ്റുവിറ്റി. ജോലി മാറുകയും, നേരത്തെയുള്ള വിരമിക്കലും മറ്റും ഒരു സാമ്പത്തിക സുരക്ഷ ഉറപ്പാക്കാൻ സഹായിക്കുന്നു.

അറിയിപ്പ്:
മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗുഡ്റിട്ടേൺസ് മലയാളവും ലേഖകനും ഉത്തരവാദികളല്ല.