സ്ഥിര നിക്ഷേപങ്ങൾക്ക് കഴിഞ്ഞ ഏതാനും മാസങ്ങളായി എഫ്ഡി പലിശ നിരക്ക് തുടർച്ചയായി ഇടിവ് രേഖപ്പെടുത്തി കൊണ്ടിരിക്കുകയാണ്. നിരവധി ബാങ്കുകളുടെ എഫ്ഡി നിരക്ക് 10 വർഷത്തിനിടെ രേഖപ്പെടുത്തിയ ഏറ്റവും താഴ്ന്ന നിലയിലെത്തി കഴിഞ്ഞിരിക്കുന്നു. എസ്ബിഐ, എച്ച്ഡിഎഫ്സി ബാങ്ക്, ഐസിഐസിഐ ബാങ്ക് തുടങ്ങിയ പൊതു, സ്വകാര്യ മേഖലകളിൽ നിന്നുള്ള വൻകിട ബാങ്കുകൾ വളരെ കുറഞ്ഞ പലിശനിരക്കാണ് വാഗ്ദാനം ചെയ്യുന്നത്.
ചെറുകിട ധനകാര്യ ബാങ്കുകൾ
അത്തരമൊരു സാഹചര്യത്തിൽ, നിക്ഷേപകർ എഫ്ഡിയ്ക്ക് 9.25% വരെ പലിശനിരക്ക് വാഗ്ദാനം ചെയ്യുന്ന ചെറുകിട ധനകാര്യ ബാങ്കുകളിലേക്ക് ആകർഷിക്കപ്പെടുന്നു. ഏറ്റവും ഉയർന്ന എഫ്ഡി നിരക്കുകളാണ് ചില ചെറുകിട ധനകാര്യ ബാങ്കുകൾ വാഗ്ദാനം ചെയ്യുന്നത്. എഫ്ഡി പലിശ നിരക്ക് കുറഞ്ഞതോടെ വിരമിക്കൽ ചെലവുകൾ കൈകാര്യം ചെയ്യുന്നതിനായി എഫ്ഡികളെ ആശ്രയിച്ചിരുന്ന മുതിർന്ന പൗരന്മാർക്ക് വരുമാനം ഗണ്യമായി കുറഞ്ഞു.
എസ്ബിഐ സ്ഥിര നിക്ഷേപ പലിശ നിരക്കുകൾ വീണ്ടും കുറച്ചു, ഏറ്റവും പുതിയ എഫ്ഡി നിരക്കുകൾ ഇതാ
ബാങ്ക് പ്രതിസന്ധികൾ
എല്ലാ പ്രമുഖ വൻകിട ബാങ്കുകളും ആറ് ശതമാനം പലിശനിരക്ക് വാഗ്ദാനം ചെയ്യുമ്പോൾ പല ചെറുകിട ധനകാര്യ ബാങ്കുകളും നൽകുന്ന നിരക്കുകൾ ആകർഷകമായി കാണപ്പെടുന്നു. കാരണം അവർ 9% വരെ പലിശ വാഗ്ദാനം ചെയ്യുന്നുണ്ട്. എന്നിരുന്നാലും നിരവധി നിക്ഷേപകർ പിഎംസി ബാങ്ക് പ്രതിസന്ധി, യെസ് ബാങ്ക് പ്രതിസന്ധി തുടങ്ങിയ സംഭവങ്ങൾ കാരണം അധിക തുക നിക്ഷേപിക്കാൻ ഭയപ്പെടുന്നുണ്ട്. ഈ ചെറുകിട ധനകാര്യ ബാങ്കുകൾ പ്രധാന ബാങ്കുകളേക്കാൾ താരതമ്യേന എഫ്ഡിക്ക് ഉയർന്ന പലിശ വാഗ്ദാനം ചെയ്യുന്നുണ്ട്. കാരണം അവർ കൂടുതൽ ഉപഭോക്താക്കളെ ആകർഷിക്കാൻ ആഗ്രഹിക്കുന്നു.
എസ്ബിഐ സ്പെഷ്യൽ എഫ്ഡി പദ്ധതിയിൽ ചേരാം; സമയ പരിധി നീട്ടി, പലിശ നിരക്ക് അറിയാം
ഈ എഫ്ഡികളിൽ നിക്ഷേപിക്കുന്നത് എത്രത്തോളം സുരക്ഷിതമാണ്?
നിക്ഷേപം നടത്തുമ്പോൾ, വരുമാനം എല്ലായ്പ്പോഴും നിക്ഷേപവുമായി ബന്ധപ്പെട്ട അപകടസാധ്യതയുമായി ബന്ധപ്പെട്ടിരിക്കുന്നുവെന്ന് ഓർമ്മിക്കേണ്ടതാണ്. ഉയർന്ന വരുമാനം ലഭിക്കുമ്പോൾ ഉയർന്ന അപകടസാധ്യതകൾ നേരിടേണ്ടി വരും. ചെറുകിട ധനകാര്യ ബാങ്കുകളുടെ എഫ്ഡിയിൽ ഒരാൾക്ക് നിക്ഷേപം നടത്താമെങ്കിലും, ഡിഐസിജിസിയുടെ ഡെപ്പോസിറ്റ് ഇൻഷുറൻസ് പ്രോഗ്രാമിൽ ഈ തുക ഇൻഷ്വർ ചെയ്തിരിക്കുന്നതിനാൽ നിക്ഷേപം 5 ലക്ഷം രൂപയായി പരിമിതപ്പെടുത്തണം. ഷെഡ്യൂൾഡ് ബാങ്കുകളിൽ തുറക്കുന്ന നിക്ഷേപങ്ങൾ ഡിഐസിജിയുടെ ഡെപ്പോസിറ്റിന് ഇൻഷുറൻസ് പരിരക്ഷ ലഭിക്കുും. ഈ ചെറുകിട ധനകാര്യ ബാങ്കുകളിൽ ഓരോന്നിനും 5 ലക്ഷം രൂപ വരെയുള്ള നിക്ഷേപത്തിന് ഈ സുരക്ഷിതത്വം ഉറപ്പാണ്.
നിങ്ങൾ ചെയ്യേണ്ടത്
നിക്ഷേപം നടത്തുമ്പോൾ, നിങ്ങൾ ജാഗ്രത പാലിക്കേണ്ടതുണ്ട്. പരമാവധി മൂലധന പരിരക്ഷ ഉറപ്പാക്കുന്നതിന്, ഉയർന്ന എഫ്ഡി നിരക്കുകൾ വാഗ്ദാനം ചെയ്യുന്ന ഒന്നിലധികം ബാങ്കുകളിൽ നിങ്ങളുടെ സ്ഥിര നിക്ഷേപം വ്യാപിപ്പിക്കുക. ഇതുവഴി, ഈ ബാങ്കുകളിലൊന്നിലും ആകെ നിക്ഷേപം 5 ലക്ഷം രൂപയിൽ കവിയുന്നില്ലെന്ന് ഉറപ്പാക്കണം. ഓരോ ബാങ്കിനും ബാങ്ക് നിക്ഷേപത്തിനെതിരെ 5 ലക്ഷം രൂപ വരെ ഇൻഷുറൻസ് ലഭ്യമാണെന്നതിനാൽ, ഒരു ചെറിയ ഫിനാൻസ് ബാങ്കിൽ 5 ലക്ഷം രൂപയ്ക്ക് മുകളിൽ നിക്ഷേപിക്കരുത്. ഇതിനർത്ഥം നിങ്ങൾ 15 ലക്ഷം രൂപ നിക്ഷേപിക്കേണ്ടതുണ്ടെങ്കിൽ, നാല് വ്യത്യസ്ത ബാങ്കുകളിൽ നിക്ഷേപിക്കുക, അങ്ങനെ മുഴുവൻ തുകയും സുരക്ഷിതമാക്കാം.
സെൻസെക്സ് 323 പോയിന്റ് ഇടിഞ്ഞു, നിഫ്റ്റി ബാങ്ക് സൂചിക ഒരു ശതമാനം താഴ്ന്നു