എച്ച്ഡിഎഫ്സി ബാങ്ക് ഈ നിയമങ്ങൾ പരിഷ്കരിക്കുന്നു: പുതിയ ഇടപാട് പരിധികളും മാറ്റങ്ങളും അറിയാം

ഐസിഐസിഐ, കാനറാ ബാങ്കുകൾ അവരുടെ സേവിം​ഗ്സ് അക്കൗണ്ട് നിയമങ്ങളിൽ വിവിധ മാറ്റങ്ങൾ പ്രഖ്യാപിച്ചതിനു പിന്നാലെ ഇപ്പോൾ എച്ച്ഡിഎഫ്സി ബാങ്കും സേവിംഗ്സ് അക്കൗണ്ട് നിയമങ്ങളിൽ വലിയ മാറ്റങ്ങൾ പ്രഖ്യാപിച്ചിരിക്കുന്നു. സേവിം​ഗ്സ് അക്കൗണ്ടിലെ ഇടപാട് പരിധി പ്രധാനമായും പരിഷ്കരിച്ചിരിക്കുന്നു. പുതിയ പരിധി ലംഘിച്ചാൽ ചാർജ് ഈടാക്കും.

എച്ച്ഡിഎഫ്സിയുടെ സേവിം​ഗ്സ് അക്കൗണ്ടുകളിലെ പണമിടപാട് പരിധി നേരത്തെ 2 ലക്ഷം രൂപയായിരുന്നു. പുതിയ പരിഷ്കരണം അനുസരിച്ച് പ്രതിമാസം ഒരു ലക്ഷം രൂപ വരെയുള്ള പണമിടപാടുകൾ സൗജന്യമായിരിക്കും. സൗജന്യ ഇടപാടുകൾ നാല് എണ്ണമായിരിക്കും. ഈ സൗജന്യ പരിധി അവസാനിച്ചാൽ ഓരോ പണമിടപാടിനും 150 രൂപ ചാർജ് ഈടാക്കും. ഈ പരിധികളും നിയന്ത്രണങ്ങളും വ്യക്തി​ഗത ഇടപാടുകൾക്കും, തേർഡ് പാർട്ടി ഇടപാടുകൾക്കും ഒരുപോലെ ബാധകമാണ്.

എച്ച്ഡിഎഫ്സി ബാങ്കിൻ്റെ പുതിയ നിയമങ്ങൾ

• ഓരോ സേവിം​ഗ്സ് അക്കൗണ്ടിലും 4 സൗജന്യ പണമിടപാടുകൾ മാത്രമേ ലഭ്യമാകൂ.
• നാലിൽ കൂടുതൽ ഇടപാടുകൾ നടത്തിയാൽ, ഓരോ ഇടപാടിനും 150 രൂപ പിഴ ഈടാക്കും.
• സൗജന്യ പരിധി കഴിഞ്ഞാൽ ഓരോ 1,000 രൂപയ്ക്കും 5 രൂപ അല്ലെങ്കിൽ കുറഞ്ഞത് 150 രൂപ ചാർജ് ഈടാക്കും.
• തേർഡ് പാർട്ടി പണമിടപാടുകൾക്കുള്ള പ്രതിദിന പരിധി 25,000 രൂപയായി തുടരും.

ഫണ്ട് ട്രാൻസ്ഫറിനുള്ള ചാർജുകളിലും മാറ്റം

1. NEFT ട്രാൻസ്ഫർ നിരക്കുകൾ

• 10,000 രൂപ വരെ: 2 രൂപ ഈടാക്കും
• 10,000 രൂപ മുതൽ 1 ലക്ഷം രൂപ വരെ: 4 രൂപ ഈടാക്കും
• 1 ലക്ഷം രൂപ മുതൽ 2 ലക്ഷം രൂപ വരെ: 14 രൂപ ഈടാക്കും
• 2 ലക്ഷത്തിൽ കൂടുതൽ: 24 രൂപ ഈടാക്കും

2. ആർ‌ടി‌ജി‌എസ് ട്രാൻസ്ഫർ ചാർജുകൾ

• 2 ലക്ഷം രൂപ മുതൽ 5 ലക്ഷം രൂപ വരെ: 20 രൂപ ഈടാക്കും
• 5 ലക്ഷത്തിൽ കൂടുതൽ: 45 രൂപ ഈടാക്കും

3. ഐഎംപിഎസ് ട്രാൻസ്ഫർ നിരക്കുകൾ

• 1,000 രൂപ വരെ: 2.50 രൂപ ഈടാക്കും
• 1,000 രൂപ മുതൽ 1 ലക്ഷം രൂപ വരെ: 5 രൂപ ഈടാക്കും
• 1 ലക്ഷത്തിൽ കൂടുതൽ: 15 രൂപ ഈടാക്കും

4. ഇസിഎസ്, എസിഎച്ച് റിട്ടേൺ ചാർജുകൾ

• ആദ്യത്തെ റിട്ടേൺ: 450 രൂപ (മുതിർന്ന പൗരന്മാർക്ക് - 400 രൂപ)
• രണ്ടാം തവണയിലെ റിട്ടേൺ: 500 രൂപ (മുതിർന്ന പൗരന്മാർക്ക് - 450 രൂപ)
• മൂന്നാം തവണ മുതൽ: 550 രൂപ (മുതിർന്ന പൗരന്മാർക്ക് - 500 രൂപ)

നൂതന സംരംഭങ്ങള്‍ ആരംഭിക്കുവാന്‍ കഴിയും, കടങ്ങള്‍ ഉണ്ടാകാതെ സൂക്ഷിക്കുക, അറിയാം സാമ്പത്തിക വാരഫലം

മറ്റ് സേവനങ്ങളിലെ മാറ്റങ്ങൾ

• ബാലൻസ് സർട്ടിഫിക്കറ്റ്, പലിശ സർട്ടിഫിക്കറ്റ് അല്ലെങ്കിൽ മേൽവിലാസ സ്ഥിരീകരണം - 100 രൂപ (മുതിർന്ന പൗരൻമാർക്ക് - 90 രൂപ).
• പഴയ രേഖയുടെ പകർപ്പ് അല്ലെങ്കിൽ പണമടച്ച ചെക്കിന്റെ പകർപ്പ് - 80 രൂപ (മുതിർന്ന പൗരൻമാർക്ക് - 72 രൂപ).

ചെക്ക്ബുക്ക് നിയമങ്ങൾ

ഇനി മുതൽ സേവിംഗ്സ് അക്കൗണ്ടിൽ ഒരു വർഷത്തിൽ 10 പേജുള്ള ഒരു ചെക്ക്ബുക്ക് മാത്രമേ സൗജന്യമായി ലഭിക്കുള്ളൂ. നേരത്തെ 25 പേജുള്ള സൗജന്യ ചെക്ക്ബുക്ക് ലഭ്യമായിരുന്നു.